Википедија

Македонски народен театар

државен театар во Скопје

Македонски народен театар (скрат. МНТ) — државен театар во Скопје.[1]

Македонски народен театар
Народен Театар 2.jpg
КратенкаМНТ
Основана1945
Типтеатар, драма
Местоул. 11 Март бр. 3, Скопје
ДиректорСимона Угриновска
Вработениоколу 150
Мреж. местоmnt.mk
Првобитната зграда на театарот во 1920-тите години
Поглед на салата

ИсторијаУреди

 
Првиот скопски театар „Ада Кафе“ од 1906 г.
 
Народен театар, старата зграда

Првиот скопски театар е таканаречениот „Турски театар“ или „Ада Кафе“, изграден во 1906 г. По ослободувањето од Отоманското Царство, неговата зграда е прилагодена и тука започнал да работи Народниот театар „Крал Александар I“ основан во 1913 г. од Бранислав Нушиќ како прва професионална театарска установа.[2]

Театарот е основан со Одлука на Президиумот на АСНОМ (бр. 581/45) од 31 јануари 1945 година, како драмски театар во истата зграда на предвоениот. Првата претстава изведена на неговата сцена е лирската трочинка Платон Кречет од украинско-советскиот драматург Александар Корнејчук, во препев на Блаже Конески. Премиерата се случува на 3 април 1945 година, како режисер се јавува Димитар Ќостаров, а во главната улога игра Илија Милчин.[3]

Во текот на првите две сезони, МНТ и функционирал како драмски театар, аво текот на наредните четири години, театарот се доорганизирал: оперскиот ансамбл бил конституиран во 1947 година (првата оперска премиера, „Кавалерија рустикана“ била изведена на 9 мај 1947 година), а балетскиот во 1949 (првата балетска премиера, „Валпургиска ноќ“ била изведена на 27 јануари 1949 година).

Ваквиот модел на театарска организација (драма-опера-балет, популарно наречен австроунгарски), е променет во 2004 година, кога МНТ го задржал драмскиот ансамбл, а операта и балетот станале посебна организација — Македонска опера и балет (МОБ).

Првиот драмски ансамбл на МНТ бил во состав:

Кон овој состав се приклучиле и дваесетина членови на техничкиот и административниот персонал, кои ја опслужувале големата и исклучително функционална театарска зграда (изградена во 1927 година).

МНТ работел во истата зграда до земјотресот од 1963 година, кога таа била тешко оштетена и подоцна урната. После ова, МНТ работел во привремениот објект Театар Центар, до изградбата на новата зграда на МНТ во 1980-тите. Таа зграда денес ја користи Македонската опера и балет (МОБ), а од 2013 година, МНТ се вселува во одново изградената стара зграда (со извесни измени) на кејот на реката Вардар.

ПремиериУреди

ГалеријаУреди

Во прилог следуваат некои историски документи и фотографии од најраната историја на театарот:

  • Печат на Народниот театар во Скопје од 1930-те, за време на српската управа.

  • Скица на дел од седиштата во 1930-те години.

  • Слика од претставата „Во затишје“ одржана во 1925 и 1926 г.

  • Слика од претставата „Во затишје“ одржана во 1925 и 1926 г.

  • Слика од претставата „Во затишје“ одржана во 1925 и 1926 г.

  • Слика од претставата „Во затишје“ одржана во 1925 и 1926 г.

  • Плакат, најстар зачуван за претстава во тогашнот Народен тетара. Плакатот е од 29 октомври 1921 г.

НаводиУреди

  1. ↑ Лужина, Јелена (1996). Македонската нова драма, или, Вовед во феноменологијата на современата македонска драматургија. Детска радост.
  2. ↑ Историјат, МНТ
  3. ↑ Од архивата на МНТ
  4. ↑ „Му се плашиме на Чехов, затоа го нема на сцена“, Дневник, година XIX, број 5715, петок, 13 март 2015, стр. 18.
  5. ↑ Дневник, година XIX, број 5952, вторник, 29 декември 2015, стр. 9.
  6. ↑ Игор К. Илиевски, „МНТ со „Чикаго“ ќе ја гаси жедта за мјузикл“, Дневник, година XIX, број 5952, вторник, 29 декември 2015, стр. 19.
  7. ↑ Дневник, година XX, број 6041, петок, 15 април 2016, стр. 22.
  8. ↑ Дневник, година XX, број 6173, сабота, 24 септември 2016, стр. 12.
  9. ↑ Дневник, година XIX, број 5874, петок, 25 септември 2015, стр. 25.
  10. ↑ „Во МНТ вечерва македонска премиера на „Соларис“ на Жолдак“, Дневник, година XX, број 6174, понеделник, 26 септември 2016, стр. 23.

Надворешни врскиУреди

Преземено од „https://mk.wikipedia.org/w/index.php?title=Македонски_народен_театар&oldid=4972753“