Мара Исаја
Мара Исаја (родена во 7 септември 1927 во Плоешт - починала на 23 октомври 2006 во Скопје) — македонска театарска, филмска и телевизиска глумица.[1]
| Мара Исаја | ||
| Родена | 7 септември 1927 Плоешт, Кралство Романија | |
|---|---|---|
| Починала | 23 октомври 2006 (возр. 79) Скопје, Македонија | |
| Националност | Македонка | |
| Народност | Македонка | |
| Занимање | глумец | |
| Роднини | Јон Исаја (брат) | |
Животопис
уредиИсаја е родена во Плоешт, Романија, во 1923 година, како дете на македонски печалбар од Тетово[2]. На само 16 години се запишала на Конзерваториум за драмски уметности во Букурешт, а напоредно учела и гимназија. Како една од најдобрите студентки, дипломирала на 18 години. Првиот глумечки ангажман го добила во елитниот Народен театар во Букурешт, во кој членувала до 1951 година, кога заедно со семејството дошла во Македонија. Во Македонскиот народен театар е вработена од 1954 година, а во 1964 година, заедно со една поголема група на истакнати глумци од МНТ премина во тогашниот Младинско-детски, денес Драмски театар, каде што најзиниот раскошен глумечки талент дошол до полн израз[2]. Упорна, професионална и фанатично работлива, во текот на следните три децении, Исаја одиграла редица различни театарски и филмски улоги. Таа останала запаметена по антологиската претстава „Столови“ од Јонеско, кога остварила бравурозна улога, заедно со својот брат Јон Исаја, во 1980 година. Тоа била првата претстава од Јонеско, поставена на театарска сцена во Македонија. Добитник е на „Наградата „13 Ноември“, а во 2005 година, на Фестивалот „Војдан Чернодрински“ од Прилеп, ѝ била доделена Наградата за животно дело. Починала на 23 октомври 2006 во Скопје[3].
Филмографија
уредиТолкувала големи улоги на радиото и на телевизијата, а за своите успешни настапи во македонските играни филмови „Мементо“ и „Планината на гневот“ била наградена на Филмскиот фестивал во Ниш, Србија.
| Година | Филм | Улога |
| 1961 | Мирно лето ТВ-филм | |
| 1967 | Мементо ТВ-филм | |
| 1967 | Македонска крвава свадба ТВ-филм | |
| 1969 | Планината на гневот ТВ-филм | Калина |
| 1970 | Цената на градот ТВ-филм | Старица 2 |
| 1971 | Македонскиот дел од пеколот ТВ-филм | |
| 1971 | Некаде морам да те чекам ТВ-филм | |
| 1973 | Недела ТВ-филм | Трендафила |
| 1977 | Исправи се, Делфина ТВ-филм | Сопругата на француската обала |
| 1981 | Црвениот коњ ТВ-филм | |
| 1982 | Илинден ТВ-серија | |
| 1982 | Гласот ТВ-филм | Аббес |
| 1983 | Црвениот коњ ТВ-серија | |
| 1984 | Го мемираше мојот јастреб ТВ-филм | Сопругата на Сулејман |
Наводи
уреди- ↑ Ivan Ivanovski (1997). Osnovopoložnici na akterskata umetnost vo Makedonija. MM.
- ↑ 2,0 2,1 „Мара Исаја беше една од најкултивираните глумици во Македонија“. Утрински Весник. 25 октомври 2006. Архивирано од изворникот на 2023-01-23. Посетено на 2011-01-02.
- ↑ „Култура и спорт: Македонските новинари и фотографи добија награди на ОН“. Ѕеtimes. 25/10/2006. Посетено на 2011-01-02. Проверете ги датумските вредности во:
|date=(help)
Надворешни врски
уреди- Мара Исаја на
Семрежната филмска база на податоци (англиски)
