Петре Прличко

Петре Прличко (Велес, 13 март 1907 - Скопје, 16 ноември 1995) — истакнат македонски глумец во повеќе филмови, театарски претстави и телевизиски екранизации. Сам по себе претставува вистинска легенда и зазема голем удел во македонското глумиште во XX век.

Петре Прличко
Роден	13 март 1907 Велес, Солунски Вилает, Отоманска Империја
Починал	16 ноември 1995(1995-11-16) (возр. 88) Скопје, Македонија
Националност	Македонец
Народност	Македонец
Познат	по улогата во: Мис Стон Фросина Волчја ноќ Денови на искушение Републиката во пламен Илинден До победата и по неа Македонска крвава свадба Време, води До-ре-ми Црно семе
Занимање	глумец
Сопружник	Нада Прличкова
Роднини	Игор Џамбазов (внук)
Деца	Анче Џамбазова

Прличко во улога на Мандана во филмот „Мис Стон“.

Споменик на Петре Прличко во Велес.

Споменик на Петре Прличко крај МНТ во Скопје.

И покрај тоа што бил запишан во гимназија, Петре Прличко не останал долго време таму. Во 1923 година ја напушта гимназијата и се приклучува кон патувачката група на Михајло Лазиќ. Откако прошетал низ неколку театарски дружини, во 1931 година, охрабрен од начинот на кој го примила публиката, тој основа свој сопствен театар „Боем“.

Од 1939 година, тој членувал во Народниот театар во Скопје, па од 1944 година, тој бил во партизанскиот театар „Кочо Рацин“ кој подоцна прераснал во Македонскиот народен театар. Токму тука неговиот талент блеснал во полн сјај и тој станува најзначајната личност на македонската сцена во тоа време. Во меѓувреме го испробувал својот талент и како театарски режисер.

Со филмот „Фросина“ (1952) тој го доживува своето филмско деби. Со своите импресивни комични преобразби и изведби на улоги на „човек од народот“ го истакнува својот посебен уметнички сензибилитет, на ниво на кое може да му завидат многу други наши глумци. Тој се смета за еден од најангажираните и нај познати македонски филмски и театарски глумци, заедно со: Илија Џувалековски, Кирил Ќортошев, Тодор Николовски, Ристо Шишков и Илија Милчин.

Добитник е на многу награди и признанија, меѓу кои наградите: „АВНОЈ“, „11 Октомври“, „Бранко Гавела“, „Војдан Чернодрински“ (за животно дело), Орден за заслуга (доделен од Георги Димитров), и други.

Во една прилика Петре Прличко изјави дека сепак ако мора да избере една улога како најдрага тоа секако ќе биде „Манданата“ т.е. неговиот лик во филмот „Мис Стон“, за која ја добил и наградата „Златна арена“.

Од неодамна востановена е награда за животно дело „Петре Прличко“ која е доделувана на глумец од средната генерација и таа се состои од плакета со ликот на Петре Прличко и соодветна парична награда.

Во 2004 година, Јелена Лужина објавила монографија за Петре Прличко, во издание на „Магор“.

Филмографија

Прличко има остварено бројни филмски улоги:

Година	Филм	Улога
1940-ти
1949	Мајка Катина ТВ-филм	Ловет
1950-ти
1952	Фросина ТВ-филм	Кузман
1953	Циганка ТВ-филм
1955	Волчја ноќ ТВ-филм	Паун
1958	Мис Стон ТВ-филм	Мандана
1959	Виза на злото ТВ-филм	Кузман
1960-ти
1960	Капетанот Леши ТВ-филм	Сок
1961	Мирно лето ТВ-серија	Стрико Тале
1961	Парче плаво небо ТВ-филм	Дедо Филип
1961	Солунските атентатори ТВ-филм	Никола Попов
1961	Твојот роденден ТВ-филм	Домарот
1962	Пресметка ТВ-филм
1962	Обрачун ТВ-филм	Сок
1962	Ла степпа ТВ-филм	Слиопка
1963	Невестинска пушка ТВ-филм	Петар
1964	Народен пратеник ТВ-филм	Јеврем Прокиќ
1964	Марш на Дрину ТВ-филм	Трајко
1965	Не се враќај по истиот пат ТВ-филм	Кирил
1965	Денови на искушение ТВ-филм	Фезлиев
1966	Кога бев мал ТВ-серија
1966	До победата и по неа ТВ-филм	Диме
1966	Крчмите ТВ-филм
1967	Згодба ки је ни ТВ-филм	Циган
1967	Каде по дождот ТВ-филм
1967	Македонска крвава свадба ТВ-филм	Мојсо
1967	Мементо ТВ-филм	Коле
1967	Латови кој се памети ТВ-филм	Старец
1968	Планината на гневот ТВ-филм	Моне
1968	Нешто темно и тешко ТВ-филм
1968	Братот на доктор Хомер ТВ-филм	Лекарот
1969	Антица ТВ-филм
1969	Волшебниот воз ТВ-филм
1969	Свекник ТВ-филм
1969	Републиката во пламен ТВ-филм	Дојчин
1970-ти
1970	Мртва стража ТВ-филм
1970	Жорж Данден ТВ-филм
1970	Балада за орканата ТВ-филм
1970	Слики на дрво ТВ-филм
1971	Жед ТВ-филм	Дедото
1971	Македонски дел од пеколот ТВ-филм	Лоце
1971	Црно семе ТВ-филм
1971	Балада о свирепом ТВ-филм	Милун
1972	Палтото ТВ-филм
1973	Новогодишен карусел ТВ-филм	Врапче
1973	Бела кошула ТВ-филм	Тале
1973	Залез над езерска земја ТВ-филм	Глигориј
1975	Бел памук, црвено предило ТВ-филм
1975	Шути и рогати ТВ-серија
1975	Волшебното самарче ТВ-серија
1976	Капетанот Микула Мали ТВ-филм	Дида
1976	Ужичка Република ТВ-филм	Пекарот
1976	Сослушување на железничарот ТВ-филм	Стариот железничар
1978	Златни години ТВ-серија	Берберот
1978	Курирот на Гоце ТВ-серија
1979	Хихирику Радио-емисија
1979	Наши години ТВ-серија
1980-ти
1980	Време, води ТВ-филм	Ламбе Футак
1980	Учителот ТВ-филм
1981	Црвениот коњ ТВ-филм
1981	Булки крај шините ТВ-серија	Чичко Ставре
1981	Милион маченици ТВ-филм
1981	Стијче ТВ-филм
1982	Илинден ТВ-серија
1982	Едно лето ТВ-серија	Дедото на Владимир
1983	Дани Авноја ТВ-серија	Стар Македонец
1984	Комедијанти ТВ-серија	Суфлерот Војо
1984	Јуначко колено ТВ-серија
1984	Хихирику - 5 години ТВ-филм
1985	Сомнително лице ТВ-филм	Јеротије Панчич
1986	Роза мајка на бисер ТВ-серија
1987	Трето доба ТВ-филм	Војо
1987	Ѕвездите на 42-та ТВ-филм	Дедото
1987	Чорбаџи Теодос ТВ-филм	Арсо
1987	Народни трибуни ТВ-серија
1988	Вечерна ѕвона ТВ-серија	Росин Дедо
1988	ТВ Театар ТВ-серија
1988	Тврдокорни ТВ-серија
1990-ти
1990	ДО РЕ МИ ТВ-серија	Дедо Коле
1990-1992	Еурека ТВ-серија
1992	Време, живот ТВ-филм	Војо
1993	Бог да ги убие шпионите ТВ-филм	Курт Шварцвасер

Награди

• 1959 Пула — „Златна арена“ за главна машка улога во филмот „Мис Стон“
• 1988 Прилеп — Награда „Војдан Чернодрински“ за животно дело.
• 1991 Ниш — Награда „Славица“ за животно дело.

Надворешни врски

• Осврт кон глумецството на Прличко од Билјана Црвенковска Архивирано на 28 септември 2007 г.
• Соња Гулевска: Глумец кој беше и остана легенда Архивирано на 17 декември 2007 г.
• Петре Прличко на Семрежната филмска база на податоци (англиски)