Отвори го главното мени

Дејан Дуковски

Дејан Дуковски (Скопје, 25 април 1969) — истакнат македонски драмски автор. Дипломира драматургија на Факултетот за драмски уметности во Скопје (1990). По дипломирањето работи како драматург во Македонската радио-телевизија (1990-1993). Во 1993 година на ФДУ е избран за асистент по предметот филмско и телевизиско сценарио, а од 1996 година е доцент на Катедрата за драматургија[1].

Содржина

Литературно творештво (драми)Уреди

  • „Балканска гротеска“ (1988)
  • „Последниот балкански вампир“ (1989)
  • „Силјан штркот шанца“ (1991)
  • „Џинот и седумте џуџиња“ (1991)
  • „Балканот не е мртов“ (1992)
  • „Буре барут“ (1994)
  • „Маме му ебам кој прв почна“ (1996)
  • „Другата страна“ (2003)
  • „Празен град“ (2007)[2]

Сценарија за играни филмовиУреди

  • „Светло сиво“ (1993)
  • „Буре барут“ (1995)

ДостигнувањаУреди

Според сценариото на „Буре барут“ е снимен игран филм, копродукција на продуцентските куќи од Македонија, Франција, Германија, Турција, Југославија и од Грција. Филмот учествува на познати светски фестивали и ги добива наградите: FIPRESCI - награда од критиката на Фестивалот во Венеција (1998); Награда на Европската асоцијација на критичарите (Лондон, 1998); Гран-при на Фестивалот во Анталија, Турција (1998); Награда,„Бронзена камера 300“ на Интернационалниот фестивал на филмска камера „Браќа Манаки“ (Битола, 1998); Гран-при на Интернационален филмски фестивал (Хајфа, Израел, 1999).

„Буре барут“ е најпоставуваниот драмски текст на Дуковски и е изведуван во Грција, Јапонија, Германија, Хрватска, Данска, Холандија, Шведска, Бугарија.

НаградиУреди

  • Награда за најдобар современ драмски текст на Македонскиот театарски фестивал „Војдан Чернодрински“ - Прилеп, за драмските текстови „Балканот не е мртов“ (1993) и „Буре барут“ (1995);
  • Гран-при на меѓународниот театарски фестивал БИТЕФ за драмскиот текст „Маме му ебам кој прв почна“ (Белград, 1997)

НаводиУреди

  1. Ристевски, Гоце (2001). Преглед на современата македонска драма. Штрк. 
  2. Македонски писатели, Друштво на писатели на Македонија, Скопје, 2004, стр. 84.