Никола Ристановски
Никола Ристановски (роден на 23 јануари 1969 во Острава, Чехословачка) — македонски театарски, филмски и телевизиски глумец.[1]
| Никола Ристановски | ||
| ||
| Роден | 23 јануари 1969 Острава, ЧСР, СР Чехословачка | |
|---|---|---|
| Националност | Македонец | |
| Народност | Македонец | |
| Познат | по улогата во: Буре барут Збогум на 20-тиот век Монтевидео, Бог те видео Ова не е американски филм Балканот не е мртов На терапија Ослободување на Скопје Сенки над Балканот | |
| Занимање | глумец | |
| Сопружник | Емилија Ристановска | |
Животопис
уредиРистановски е роден во чехословачкиот град Острава на 23 јануари 1969 година, а кога имал 7 години, со семејството се преселил во Тетово. Во средното училиште, членувал во драмската секција. Во тоа време, наговорен од професорката Нада Гешоска, тој учествувал на натпревар во Осиек, Хрватска на кој Ристановски и неговите колеги се претставиле со „Злосторство и казна“ од Достоевски и ја освоиле првата награда на жири-комисијата, предводена од Фабијан Шоваговиќ. Воден од тој успех, Ристановски се определил да студира глума, но бил трипати одбиен на приемниот испит на Факултетот за драмски уметности во Скопје, каде што паднал уште во првата година на студиите. Сепак, подоцна, уште како студент бил повикан да игра во една театарска претстава, што било признание за неговиот талент. Дипломирал на Факултетот за драмски уметности во Скопје, на отсекот за глумечка игра во 1993 година.
Професионална кариера
уредиПо завршувањето на Факултетот за драмски уметности во Скопје, Ристановски станал дел на Македонскиот народен театар во 1994 година. Првата професионална претстава во Македонскиот народен театар му била „Жорж Данден“, во режија на Бранко Ставрев, по што следувала улогата во „Снежана и седумте џуџиња“ на Дејан Дуковски, а во режија на Александар Поповски. Две години подоцна, Ристановски блеснал со улогата во култната претстава „Буре барут“. Во текот на својата кариера, Ристановски играл во 41 претстава и во 15 филмови при што освоил 28 награди, со што тој е најнаградуваниот македонски глумец. Најмногу соработувал со Александар Поповски (10 претстави и 3 филма), а најмногу настапи имал во претставата „Буре барут“ (над 150 настапи). Исто така, Ристановски имал богата кариера и во странство, каде што играл во популарните и наградувани претстави „Господа Глембаеви“ и „Дервишот и смртта“.[2][3] Во 2016 година, Ристановски настапил во филмот „Игла под прагот“ на црногорскиот режисер Иван Мариновиќ.[4]
Награди
уреди- Награда на ревијата Екран за најдобро глумечко остварување за улогата на Раскољников во претставата „Злосторство и казна“ (1994);
- Награди за најдобро глумечко остварување на Македонскиот театарски фестивал „Војдан Чернодрински“ - Прилеп за улогите на: Управникот во претставата „Бунт во домот за старци“ (1994);
- Доктор Фалус, Лулу, Шејтанот во претставата „Маме му ебам кој прв почна“ (1997)
- Лопахин во претставата „Вишновата градина“ (1998).
- Награда за најдобро глумечко остварување за улогата во претставата „Дон Жуан“ на МТФ „Војдан Чернодрински“ - Прилеп (2006);
- Награда „Златен ловоров венец“ за најдобро глумечко остварување за улогите во претставите „Дон Жуан“ и „Никаде никого немам“ на фестивалот МЕС Сараево (2006);
- Награда за најдобро глумечко остварување за улогата на Ахмед Нурудин во претставата „Дервишот и смртта“ (Народен театар Белград) на Фестивалот „Стериино позорје“ (2009),
- Награда за најдобар глумец на ИССТФ - Риека, Хрватска, за улогата на Ахмед Нурудин во претставата „Дервишот и смртта“ (Народен театар Белград), за истата претстава ги добил и наградите за најдобар глумец на „Ардалион“, Ужице, Србија (2009)
- награда за најдобар глумец на Фестивал во Пожаревац, Србија.
- Награда за најдобар глумец на Меѓународниот фестивал на мали сцени (ISSTF) – Риека, Хрватска (2010)
- Награда „Св. Ардалион“ на Театарскиот фестивал во Ужице (2010)
- Награда „Раша Плаовиќ“ – Белград, Србија (2009)
- Награда „Зоран Радмиловиќ“ на Фестивал во Заечар, Србија (2009)
- Награда „Зоранов БРК“ на Фестивал во Заечар (2009)
- Награда за најдобар глумец на Фестивалот „Стериино позорје“, Нови Сад, Србија (2009)
- Награда за најдобар глумец на Фестивалот „Петар Кочиќ“ – Бања Лука, Р.Српска/Босна и Херцеговина (2009)
- Награда за најдобар глумец на Фестивалот на БиХ драма – Зеница, Босна и Херцеговина (2009)
- Награда за најдобар глумец на Фестивалот „Јоаким Вујиќ“ – Крагуевац, Србија (2009)
- Награда за најдобар глумец на Фестивалот во Пожаревац, Србија (2009).
- Награда за високо глумечко остварување на Фестивалот на камерен театар „Ристо Шишков“ во Струмица (2012)[5]
- Награда „Златен делфин“ за најдобар глумец во рамките на „Босфорскиот филмски фестивал“ во Истанбул (за улогата во филмот „Игла под прагот“).[4]
- Награда за најдобра машка улога на фестивалот во Нови Сад за претставата „Народен непријател“ (2022)
- Награда Гран при за најдобра машка улога во претставата „Народен непријател“ (2022)
- Награда „Александар Лифка“ на Фестивалот на европскиот филм „Палиќ“ во Србија (2023)
- Награда „Борислав Станковиќ“ на 43. Меѓународен театарски фестивал „Борини театарски денови“ за најдобра машка улога за улогата на др. Стокман во претставата „Народен непријател“ (2023)
Филмографија
уреди| Година | Филм | Улога | |
| 1990-ти | |||
| 1991-1994 | Еурека ТВ-серија | Хорист 2 | |
| 1993 | Крик на немиот индијанец ТВ-филм | ||
| 1993 | Светлосиво ТВ-филм | Ринго | |
| 1994 | Прекалени ТВ-серија | Димитар | |
| 1995 | Уа шнајдери ТВ-серија | ||
| 1997 | Македонски народни приказни ТВ-серија | ||
| 1997 | Преку езерото ТВ-филм | Константин | |
| 1998 | Буре барут ТВ-филм | Борис | |
| 1998 | Збогум на 20-тиот век ТВ-филм | Кузман | |
| 2000-ти | |||
| 2003 | Едно од лицата на смртта ТВ-филм | ||
| 2005 | Обични луѓе ТВ-серија | Никола | |
| 2006 | Стрмоглави ТВ-филм | Кец | |
| 2007 | Превртено ТВ-филм | Петар | |
| 2007 | Мовие ТВ-филм | Наратор | |
| 2009 | Штркови во магла ТВ-филм | Шприцер | |
| 2009 | Есен во моја улица ТВ-филм | Коцкар | |
| 2010-ти | |||
| 2010 | Монтевидео, Бог те видео ТВ-филм | Функционер | |
| 2010 | Оне ТВ-филм | ||
| 2011 | Ова не е американски филм ТВ-филм | Сценарист | |
| 2012 | Џвер ТВ-филм | Петар | |
| 2013 | Изгубени Германци ТВ-филм | Кристијан | |
| 2013 | Балканот не е мртов ТВ-филм | Осман бег | |
| 2014 | Косач ТВ-филм | Кресо | |
| 2014 | До балчак ТВ-филм | Цветко | |
| 2014 | Враќање ТВ-филм | Гианчарло | |
| 2015 | Медена ноќ ТВ-филм | Никола | |
| 2016 | Ослободување на Скопје ТВ-филм | Трендафилов | |
| 2016 | Амок ТВ-филм | Горан | |
| 2016 | Игла под прагот ТВ-филм | Петар | |
| 2017 | Врати се, Зоне ТВ-филм | Хаџи Замфир | |
| 2017 | На терапија ТВ-серија | др. Виктор | |
| 2017 | Сенки над Балканот ТВ-серија | Доктор | |
| 2017 | Зона Замфирова ТВ-филм | Хаџи Занфир | |
| 2018 | Утрото ќе промени се ТВ-серија | Коља | |
| 2019 | Пет ТВ-серија | Дане | |
| 2019 | Група ТВ-серија | Филип | |
| 2019 | Сеној ТВ-филм | ||
| 2019 | Екипа ТВ-филм | Сенор | |
| 2020-ти | |||
| 2020 | Име народот ТВ-филм | Јаша Томиќ | |
| 2021 | Еден излез ТВ-серија | Виктор | |
| 2022 | Нема да бидеш сама ТВ-филм | Милан | |
| 2022 | Деца ТВ-серија | ||
| 2023 | Живи и здрави ТВ-филм | ||
| 2023 | Емил врати се ТВ-филм | ||
| 2023 | Посета ТВ-серија | Благојче | |
| 2023 | Живи и здрави ТВ-филм | ||
| 2023-2024 | Убијците на мојот татко ТВ-серија | Цурнај | |
| 2024 | Меѓу боговите ТВ-филм | Жика | |
Наводи
уреди- ↑ „Никола Ристановски доби глумечка награда“. Сител. 16 ноември 2009 - 16:02. Архивирано од изворникот на 2010-11-29. Посетено на 2012-05-13. Проверете ги датумските вредности во:
|date=(help) - ↑ Сребра Ѓорѓијевска, "Во театарот им е убаво и на глумците и на публиката", Дневник, година XVIII, број 5483, четврток, 5 јуни 2014, стр. 21.
- ↑ „Институт за театрологија“. Архивирано од изворникот на 2014-03-16. Посетено на 2012-09-14. На
|first=му недостасува|last=(help) - ↑ 4,0 4,1 „Никола Ристановски награден во Истанбул“, Утрински весник, година XVII, број 5239, вторник, 22 ноември 2016, стр. 19.
- ↑ „„Ристо Шишков" за Никола Ристановски“. http://www.utrinski.com.mk. 13 септември 2012. Посетено на 2012-09-14. Надворешна врска во
|publisher=(help)
Надворешни врски
уреди- Во чест на Никола Ристановски Архивирано на 27 ноември 2009 г. - Утрински Весник (24 ноември 2009)
- Никола Ристановски на
Семрежната филмска база на податоци (англиски)
