Отвори го главното мени


Томо Владимирски (Скопје, 26 август 1904 - Скопје, 14 октомври 1971) бил македонски сликар, сценограф, еден од основоположниците на модерното македонско сликарство.[1]

Роден 26 август 1904
Скопје ,  Османлиско Царство
Починал 14 октомври 1971
Скопје, СФРЈ СФР Југославија
Занимање сликар и сценограф

БиографијаУреди

Владимирски е роден на 26 август 1904 година во Пајко Маало во Скопје. Првите сликарски поуки ги добил од својот учител, зографот Димитар Андонов Папрадишки. Во 1935 година завршил академски курс во Белград, веќе во 1937година, специјализирал сликарство на Уметничката академија во Прага, кај професорот Јакоб Обровски. Работел како сценограф во Македонскиот народен театар во Скопје во периодот од 1939 до 1966 година. Имал ретроспектива во Скопје (МСУ, 1981). Стилски се поврзува со реалистичкиот и експресионистичкиот израз. Се одликува со разновидна тематска определеност: градски мотиви, мртва природа, портрети (Мотив од Прага,1937; Работник, 1940), а по војната, сликал историски содржини и мотиви од реките Вардар и Радика. Првата изложба ја имал во Прага. Неговите дела се наоѓаат во многу музејски збирки во Македонија, како во македонски приватни збирки, така и во странски.[2]

НаводиУреди

  1. Слободанка Парлиќ-Баришиќ, Томо Владимирски, Скопје, 1981.
  2. Ретроспектива на творештвото на Томо Владимирски“, Дневник (посет. 20 декември 2011 г). (на македонски)

Надворешни врскиУреди