Катерина Крстева

Катерина Крстева (20 јули 1941 Велес — 9 јануари 2023, Скопје) — македонска театарска, филмска и телевизиска глумица, позната како Мара Попара, по улогата во филмот „Во кафулето кај Гане“.

Катерина Крстева
Роден	20 јули 1941 Велес, Македонија
Починал	9 јануари 2023(2023-01-09) (возр. 81) Скопје, Македонија
Националност	Македонка
Познат	по улогите во: Хихирику Македонски народни приказни Поштар Простодушна љубов Погрешно време Битолски лакрдии
Занимање	глумица

Животопис

Крстева била омажена за Мишо Ратковиќ, а на возраст од 49 години останала бремена по што го родила синот Александар. Набргу, нејзиниот сопруг починал, така што таа се грижела за синот како самохрана мајка. Александар живеел со мајка си, а починал во септември 2022 година.

Крстева починала на 9 јануари 2023 година во Скопје, а била погребана истиот ден на градските гробишта во Бутел.

Театарски улоги

Во 1960 година, Крстева се вработила во Драмски театар — Скопје, од 1964 до нејзиното пензионирање работела во Македонски народен театар — Скопје. Првата улога во МНТ ѝ била онаа во драмата „Дон Цезар од Базан“ премиерно прикажана во 1965 година. Останати нејзини позначајни улоги во МНТ се оние во претставите: „Антица“ (1965), „Градскиот саат“ (1966), „Ревизор“ (1966), „Стапица за осум беспомошни жени“ (1966), „Време од вашиот живот“ (1967), „Сенка“ (1967), „Вител“ (1968), „Мајка“ (1968), „Без вина виновни“ (1968), „Бања“ (1968), „Печалбари“ (1969), „Играта на наредникот Мазгрејв“ (1969), „Парите се отепувачка“ (1970), „Живиот труп“ (1971), „Херкул и оборите на Авгиј“ (1971), „Коштана“ (1971), „Зајдисонце“ (1971), „Фома“ (1972), „Животот на Галилеј“ (1972), „Децата на сонцето“ (1973), „Скуп“ (1973), „Хелдерлин“ (1973), „Ѕидот, водата“ (1973), „Хемиските потписи на човечките организми во воздухот“ (1975), „Хеда Габлер“ (1976), „Отепвачка“ (1976), „Бесови“ (1978), „Кенгурски скок“ (1979), „Милион маченици“ (1980), „Остен“ (1981), „Молскавици“ (1981), „Граѓанинот благородник“ (1982), „Воена тајна“ (1984), „Бог“ (1984), „Слободни врски“ (1984), „Иванов“ (1984), „Аудиенција и под нов покрив“ (1988), „Рекламна бајка“ (1989) и последната „Крик“ (1991). Покрај нејзиниот матичен театар МНТ, таа играла и во "Театарот за Деца и Младинци" во Скопје, каде оставила траен белег со претставата "Црвенкапа" во улога на "Бабата", која долги години ја играла. Таа долги години, од 1976 до 2017 година, била дел од радио-емисијата "Хихирику" со која имале претстави и концерти во "Универзалната сала" во Скопје, биле и неколку пати во: Австралија, Канада и Америка.

Филмографија

Година	Филм	Улога
1967	Да видам, да видам што да бидам ТВ-серија
1970	Александра ТВ-филм
1973	Илустриран ТВ Речник ТВ-серија	Стевка
1975	Простодушна љубов ТВ-серија	Николинка
1975	Волшебното самарче ТВ-серија
1978	Шеќерна приказна ТВ-филм
1979	Хихирику Радио-емисија
1980	Учителот ТВ-филм
1981	Милион маченици ТВ-филм
1982	Слана во цутот на бадемите ТВ-филм
1982	Едно лето ТВ-серија
1984	Камчевци ТВ-серија
1984	Хихирику - 5 години ТВ-серија
1985-1987	Случки од животот ТВ-серија	Соседката
1987	Театарче лево ќоше ТВ-филм
1989	Цвеќе на карпата ТВ-филм
1990	Тврдокорни ТВ-серија
1990	Трст виа Скопје ТВ-серија	Варена
1990	Алф од Ново Лисиче ТВ-филм	Ајше
1991	Поштар ТВ-филм	Мара
1991	Во кафулето кај Гане ТВ-филм	Мара Попара
1992	Чудовиштата во нашиот град ТВ-серија	Баба Рога
1995	Во светот на бајките ТВ-серија	Бабата
1995	Македонски народни приказни ТВ-серија
1999	Хихирику ТВ-серија
2000	Погрешно време ТВ-серија	Веса
2000-2001	Светот има осум страни ТВ-серија
2001	Агенција осамени срца ТВ-серија
2003	Битолски лакрдии ТВ-серија	Мими
2004	Хихирику ТВ-серија

Надворешни врски

https://4news.mk/in-memoriam-pochina-makedonskata-akterka-katerina-krsteva/