Весна Петрушевска
Весна Петрушевска, позната и под нејзиниот прекар „Бејби“ — македонска ток-шоу водителка и глумица која е најпозната по нејзиното ток-шоу „Вртелешка“ кое достигна голема популарност и се емитувало повеќе години на македонска телевизија.[1]
| Весна Петрушевска | ||
| ||
| Националност | Македонка | |
|---|---|---|
| Позната | по улогата во: Салон Хармони Погрешно време | |
| Занимање | глумец | |
Животопис уреди
Петрушевска ја започнала својата глумечка кариера на 14 години, кога го имала првиот настап во македонскиот театар. На 16 години веќе го имала своето прво ток-шоу на МРТВ кое се викало „Пулсирање“. Подоцна го започнала својот најуспешен ТВ-проект, ток-шоуто „Вртелешка“, коe се емитувало неколку години, а потоа следувало и краткотрајното ток-шоу „Вечер со Весна“.[1] Таа исто така глумела во неколку претстави во различни македонски театри, меѓy која е и „Брачна игра“ заедно со Игор Џамбазов, која ја имаше својата премиера на 27 март 2016 година, во Македонскиот народен Театар.[2] Таа гостyвала на ток-шоуто „Еден на Еден“ на Жарко Димитриоски на 19 март 2016 година.[3][4]
Филмографија уреди
| Година | Филм | Улога |
| 1993 | Крик на немиот индијанец ТВ-филм | |
| 1995 | Ангели на отпад ТВ-филм | Оли |
| 1998 | Салон Хармони ТВ-серија | Мимоза |
| 1998 | Денес, утре ТВ-филм | Сања |
| 2000-2001 | Погрешно време ТВ-серија | Сиси |
| 2002 | Наше маало ТВ-серија | Мира |
| 2005 | Контакт ТВ-филм | Вики |
| 2010 | Од денес за утре ТВ-серија | |
| 2014 | До балчак ТВ-филм | Дама 2 |
| 2018 | Преспав ТВ-серија | |
| 2019-2022 | Дајте музика ТВ-серија | Професорка |
| 2022 | Тале и Корона ТВ-филм | Самовилата Корона |
| 2023 | Домаќинство за почетници ТВ-филм | Сандра |
Глумечка кариера уреди
Петрушевска глумела во голем број македонски театарски претстави меѓy кои се: „Кој се плаши од Вирџинија Вулф?“, „Вагинални монолози“ и нејзината најпозната претстава: „Госпоѓа Министерка“, која е изведена над 150 пати.[5][6][7] Исто така, глумела во филмот Контакт, македонскиот кандидат за најдобар странски-филм на Оскарите во 2007 година.[8][9]
Писателска кариера уреди
Во ноември 2016 година била издадена првата книга на Весна Петрушевска, автобиографската книга „Трофеј“, од страна на издавачкиот центар „Три“. Промоцијата на книгата била одржана на 9 ноември 2016 во хотелот „Парк резиденс“ во Скопје.
Издавачкиот центар Три ја опишал книгата како: „неверојатно искрена и трогателна исповед преку која Весна ќе ја запознаеме во различни аспекти на нејзината личност од минатото и сегашноста: како машкуданесто девојче, како глумица по вокација, која никогаш нема да се пензионира, ТВ-водителка, стендап-комичарка, ќерка и сестра, дваесет и четиричасовна мајка и пријателка, домаќинка... Но, пред сè, како човек со големо срце“.[10]
Личен живот уреди
Таа има две деца. Син Кирил, и ќерка, Мина. Таа исто така има 4 миленичиња.
Наводи уреди
- ↑ 1,0 1,1 http://fashionel.mk/intervju/intervju-vesna-petrushevska-zhivotot-e-iskluchitelno-kratok-za-da-se-zanimavame-so
- ↑ „архивски примерок“. Архивирано од изворникот на 2016-04-14. Посетено на 2017-04-03.
- ↑ http://edennaeden.mk/vesna-bejbi-ni-doaga-vo-eden-na-eden/
- ↑ https://www.youtube.com/watch?time_continue=109&v=dn8I01kqhtw
- ↑ http://republika.mk/?p=151490
- ↑ „архивски примерок“. Архивирано од изворникот на 2014-07-29. Посетено на 2017-04-03.
- ↑ „архивски примерок“. Архивирано од изворникот на 2017-03-12. Посетено на 2017-04-06.
- ↑ http://www.imdb.com/name/nm1371711/?ref_=tt_cl_t4
- ↑ http://macedoniadaily.blogspot.it/2006/10/contact-in-palm-springs.html
- ↑ http://www.novamakedonija.com.mk/NewsDetail?title=&id=5c3944ba-61db-41be-8b7f-1bfee30ab962[мртва врска]
Надворешни врски уреди
- Весна Петрушевска на
Семрежната филмска база на податоци (англиски)
