Сашо Тасевски (роден на 10 август 1972 во Скопје) — македонски театарски, филмски и телевизиски глумец, стендап комичар, писател и колумнист, вработен во Драмскиот театар во Скопје.[1]

Сашо Тасевски
Роден 10 август 1972
Скопје
Националност Македонец
Познат по улогата во:
Кандит во земјата на чудата
Лука војводата
Бугар
Цибра
Џоџо
Филоктет
Занимање глумец

Животопис уреди

Сашо Тасевски во 1995 година дипломирал на катедрата за глумечка игра на Факултет за драмски уметности - Скопје. Во 1998 година се вработил како глумец во Драмски театар во Скопје, каде остварил преку педесет театарски ролји во матичниот и други театри низ државава, но и како соработник со други театарски институции и проекти. Во 2002 година, добитник е на националната театарска награда за најдобра глумечко остварување на фестивалот Војдан Чернодрински за улогата на ЦИБРА во претставата ТЕТОВИРАНИ ДУШИ. Во 2004 година магистрира театролошки науки на ФДУ, одбранувајќи ја тезата „Театар во празното“.

По негово сценарио, во 2008 година е снимена куклената тв-серија за возрасни ВРЕМЕТО ДЕНЕС во режија на познатиот бугарски режисер Боњо Лунгов. Серијата се емитуваше во 46 епизоди.

Во 2010 година во Драмски театар е праизведбата на неговата драма ИНТЕРМЕЦО[2].

Остварува улоги во неколку македонски серии како: Салон Хармони, Сакам да бидам кошаркар, Еурека, Тврдокорни и Преспав, но и во неколку тв-филмови и драми: Дичо Зографот, Девет пораки и други.

Пишувал сценарија за стрипот во неделникот Фокус и колумни за истиот весник, но и за други весници и интернет портали.

Авторска кариера уреди

Во 2007 е објавена неговата прва збирка драми „Шмизла“[3] која доживува три изданија. Во годините што следат, објавува уште една збирка драми „Аеродромци“ и четири романи, култниот роман „Пеперутка“[4], потоа „Угурсуз“, „Принцезата на малиот принц“ и „Отпозади“ со кои создава голема читателска публика.

Остварува и две забележителни улоги во монодрамите, Човекот од соба седум и особено во Секс, Дрога и Рокенрол на сцената на драмскиот Театар во Скопје.

Во 2013 година, добитник е на наградата „Најчитан писател во Македонија[5]“ во сите библиотеки низ државата во конкуренција на странски и домашни писатели која ја доделува НУБ Климент Охридски.

Во 2017 година е назначен за директор на Драмски театар - Скопје.

Во 2023 година ја започнува неговата емисија "Лизгачки старт" на "ЕМ Телевизија" кој е автор и водител на истата.

Театарски претстави уреди

  • Кандид во земјата на чудата
  • Кинегонда во Карлаленд
  • Арсеник и стара тантела
  • Ревизор
  • Кумови
  • Питачка опера
  • Фурка
  • Ојдипус тиранос
  • Филоктет
  • Роберто Зуко
  • Арлекин, слуга на двајва господари
  • Стари миризби
  • Ферхад и Ширин
  • Мефисто
  • Сон на летната ноќ
  • Тетовирани души
  • Што е тоа што ги тера жените да трчаат по улиците на Мадрид
  • Купидона
  • Демонот од Дебармаало
  • Операција Лир
  • Мечка
  • Доктор Фауст
  • Позитивно мислење
  • Магдо љубов моја
  • Три сестри
  • Секс, дрога, рокенрол
  • Лет над кукавичјото гнездо
  • Буре барут

ТВ-драми уреди

  • Дичо Зографот
  • Диоген
  • Глигор Прличев

Филмографија уреди

Година Филм Улога
1993 Еурека ТВ-серија Хорист 7
1994 Прекалени ТВ-серија Григор Прличев
1998 Денес, утре ТВ-филм Друг дилер
1998 Салон Хармони ТВ-серија Полицаец
2000 Погрешно време ТВ-серија
2000-2001 Во светот на бајките ТВ-серија Момчето
2004 Сакам да бидам кошаркар ТВ-филм Полицаец
2005 Девет пораки ТВ-филм
2007 Македонски народни приказни ТВ-серија
2010 Пилот ТВ-филм
2013-2014 Тврдокорни ТВ-серија Гоце Делчев
2017-2021 Преспав ТВ-серија Полицаец Димо, Агент, Емил
2021 Кино „Љубов“ ТВ-филм
2022 Снежана на крајот умира ТВ-филм Шофер на автобус
2022-2023 Бистра вода ТВ-серија

Наводи уреди

  1. „Глумецот Сашо Тасевски е нов в.д. директор на Драмски театар | telma.mk“. telma.com.mk. Посетено на 2017-07-31.
  2. „„Интермецо" на Сашо Тасевски со праизведба во Драмски - МАКФАКС“. makfax.com.mk. Посетено на 2017-08-03.
  3. „Книгите на Сашо Тасевски на голем попуст“. press24.mk. Архивирано од изворникот на 2018-02-27. Посетено на 2017-08-03.
  4. „Фељтон за проститутката од Пеперутка во ВЕЧЕР“. Вечер. Посетено на 2017-08-03.[мртва врска]
  5. „Сашо Тасевски најчитан автор меѓу два саема на книгата“. www.time.mk. Посетено на 2017-08-03.