Васе Манчев

Политичар од Македонија

Васе Манчев е македонски раскажувач, романописец, поет, драмски писател и преведувач.

БиографијаУреди

Манчев е роден на 20 февруари 1949 година во с. Робово, Струмичко. Завршил Филолошки факултет во Белград. Доктор по филолошки науки. Бил уредник на списанието „Разгледи“. Пратеник во Собранието на Република Македонија. Член на Македонскиот ПЕН центар. Член на Друштвото на писателите на Македонија од 1980 година. Од 1987 до 1993 година бил директор на Националната библиотека „Св. Климент Охридски“ во Скопје.[1]

ТворештвоУреди

Автор е на книгите: Суша и душа (раскази, 1977), Подгорен корен (раскази, 1979), Клето лето (раскази, 1983), Јадигар (драма, 1984), Кршалнига (драма, 1984), Бледица (драма, 1985), Чинки (раскази, 1987), Подигравки (драми, 1988), Инакво лице (роман, 1988), Тажни свечености (избор раскази, 1988), Насушна сушност (раскази, 1989), Залудни раскази (1993), Големи богови, мали богови и привиденија (поема, 1994), Свирепа вечност (поезија, 1995), Измислена душа (раскази, 1996), Амин (роман, 1998), Сиреч (раскази, 1998), Волшебно време (раскази, 2000).

Добитник е на наградите: „Рациново признание“, „Стале Попов“.[2]

НаводиУреди

  1. НУБСК - Историја
  2. Македонски писатели, Друштво на писатели на Македонија, Скопје, 2004, стр. 151.