Настани во март

1 март

1913	Во Петроград е објавен и издаден Меморандумот за независноста на Македонија од страна на ополномоштените Македонци, членови на МНЛД. Испратен до британскиот и рускиот министер за надворешни работи, амбасадорите на големите сили и објавен во европскиот печат.
1917	Лондонската метро-станица „Портланд Руд“ го добива името „Грејт Портланд Стрит“
1992	Во Сараево е убиен Никола Гардовиќ, прва жртва на војната во БиХ.
1994	Владата на Словачка донесе одлука за признавање на Македонија и за воспоставување на дипломатски односи на ниво на амбасади.
1997	Изгоре Планинарскиот дом „Дервен“‎‎, еден од најстарите во Македонија (изграден 1951 година).

2 март

1492	Шпанскиот крал Фардинанд II, наречен „Католикот“ го наредил прогонот на Евреите од Шпанија, дел од кои завршиле во Македонија.
1923	Започнал да излегува американскиот неделник „Тајм“.
1933	Во Њујорк се одржала премиерата на филмот „Кинг Конг“.
1942	Близу до Плетвар, загинале Борка Талески - Црниот и Лазо Колевски - Лавски — народни херои на Македонија.
1943	Британското воено воздухопловство во Втората светска војна систематски започна да ги бомбардира европските железнички системи на територијата под контрола на нацистичка Германија.
1946	Хо Ши Мин е избран за претседател на Северен Виетнам.
1956	Поранешната француска колонија, Мароко се здобила со независност.
1965	На Бродвеј била одржана премиерата на познатиот мјузикл „Моите песни, моите сништа (The sound of music)“.
1969	На аеродромот во Тулуза бил извршен пробниот лет на надзвучниот патнички авион „Конкорд“ во траење од 27 минути.
1970	Поранешната британска колонија Родезија била прогласена за република, со што и формално се стекнала со независност.
1972	Во САД е лансиран вселенскиот брод „Пионер 10“ за испитување на планетата Јупитер.
1973	Претставници на 12 земји го потпишаа во Париз завршниот документ за мир во Виетнам.
1980	Во Скопје бил формиран Факултетот за ликовни уметности.
1993	Во Скопје, во Касарната „Гоце Делчев“ се промовирани 64 водници на АРМ, прва класа подофицери произведени во Центарот за воено образование и обука за одбрана.
1995	Покренато е обвинение против поранешниот премиер на Италија Џулио Андреоти поради негова поврзаност со мафијата.

3 март

1822	Повеќе од 8.000 востаници и цивилно население во Његуш го прогласија избувнувањето на Његушкото востание против османлиското владеење. Во востанието учествуваа Македонци, Грци и Власи. Востанието претставува предвесник на разгорувањето на националноослободителното движење на македонскиот народ.
1878	По завршувањето на Руско-турската војна, склучен е Санстефанскиот мировен договор, со кој Бугарија добила независност и големи територии. Поради несогласувањето на големите сили со договорот, само 3 месеци подоцна е одржан Берлинскиот конгрес на кој е извршена ревизија. Ова е Ден на независноста на Бугарија.
1918	Потпишан е Брест-литовскиот договор меѓу Русија и Централните сили, со кој Русија излегла од Првата светска војна.
1944	Во близина на Ново Село, Кумановско, III Македонска НОУ бригада заробила околу 30 четници кои по разбивањето на четничкиот Вардарски корпус се криеле во овој регион.
1974	Во близината на Париз се урнал турски авион што летал на релацијата Анкара-Лондон при што загинале 345 лица.
1996	Во Шпанија, конзервативната Народна партија на Хосе Марија Азнар победи на парламентарните избори.
2002	Во Швајцарија се одржал референдум во кој граѓаните се изјасниле за влез во Обединетите Нации.

4 март

1789	Во Њујорк е свикан првиот Конгрес на САД.
1933	Претседателот на САД, Франклин Делано Рузвелт, под притисок на економската криза ја објавил својата „Нова политика“ (New Deal), чија суштина беше интервенција на капиталистичката држава во нарушениот стопански систем во земјата.
1942	Во Софија, бугарската полиција го уапсила поетот Никола Јонков Вапцаров.
1945	Во Белград бил основан фудбалскиот клуб „Црвена Ѕвезда“.
1945	Во Скопје е одржан првиот слободен црковно-народен собор. Во присуство на над триста делегати, свештеници, претставници на народната власт и на Народниот фронт, делегатите го искажале расположението на македонскиот народ за создавање на Македонска православна црква преку обнова на старата Охридска архиепископија, во 1767 година незаконски укината од турскиот султан Мустафа III, а по барање на Цариградската патријаршија.
1952	Народна Република Кина ги обвини САД дека употребуваат бактериолошко оружје во Корејската војна.
1965	Сирија национализира девет нафтени компании, вклучувајќи две американски нафтени концерни.
1965	Со премиерата на претставата „Богомилска балада“, според романот на Владо Малески, а во режија на Тодорка Кондова, започнал со работа Драмскиот театар во Скопје.

5 март

1953	Во Македонија е организирана првата акција за доброволно дарување на крв.
1992	Домот на младите „25 Мај“ во Скопје го промени името во Младински културен центар.
1993	Авион од типот „Фокер 100“ на авиокомпанијата „Палер Македонија“, веднаш по полетувањето од аеродромот во Петровец кај Скопје, се урна. 83 лица го загубија животот.

6 март

1793	Франција ѝ објави војна на Шпанија.
1926	Воспоставен е првиот телефонски разговор преку Атлантикот, помеѓу Лондон и Њујорк.
1962	Во САД е лансирано првото автоматско меѓупланетарно летало „ОСО 1“ (орбитална сончева опсерваторија).
1989	Кина објави вонредна состојба во Тибет по тридневните антикинески немири во јужната планинска провинција.
1993	Силите лојални на ирачкиот претседател Садам Хусеин, според западни извори, во Басра и други градови во јужниот дел на Ирак убија најмалку 400-на учесници на бунтот против централната власт

7 март

1957	Двете некогашни британски колонии — Златниот Брег и Тоголанд се обединија и ја формираа независната држава Гана.
1978	Почна емитувањето на Втората програма на Телевизија Скопје.
1980	Француската писателка Маргарет Јурсенар е избрана за член на Француската академија на науките. Со тоа таа влезе во историјата како прва жена, член на француската институција.

8 март

1658	Склучен Роскилдскиот мировен договор со кој Шведска добива неколку покраини од Данска и Норвешка.
1910	На II Mеѓународна конференција на жените социјалистки, организирана на иницијатива на Клара Цеткин во Копенхаген е одлучено датумот 8 март да се слави секоја година како „Меѓународен ден на жената“.
1945	Во Скопје првпат е прославен Денот на жената. По тој повод во салата на Офицерскиот дом се одржа голем митинг.
1946	Президиумот на Народното собрание донел закон за измена на името на Демократска Федерална Македонија во „Народна Република Македонија“.

9 март

1776	Шкотскиот економист Адам Смит го објавил неговото капитално дело „Богатството на народите“.
1908	Бил основан италијанскиот фудбалски клуб Интер од Милано.
1916	Прва светска војна: Германија ѝ објавила војна на Португалија.
1956	Кипарскиот архиепископ Макариос е депортиран од Кипар на Сејшелските Острови, во Индискиот Океан. Макариос во 1960 година стана прв претседател на независната Кипарска Република.
1966	Франција соопшти дека има намера да ги повлече своите трупи од НАТО и дека ќе побара воените инсталации на овој Пакт да се отстранат од нејзината територија.
1987	Техеран го обвини Багдад дека користи хемиско оружје во Иранско-ирачката војна.
1995	Владата на Република Естонија донесе одлука за воспоставување дипломатски односи со Република Македонија на амбасадорско ниво.
1999	Претседателот на Иран, Мохамед Хатами, допатува во посета на Италија. Тоа е прва посета на Запад од страна на шеф на иранска држава по исламската револуција во 1979 година во оваа земја.

10 март

241 п.н.е.	Римјаните ја поразуваат Картагинската флота, ставајќи крај на Првата пунска војна
1912	Јуен Шикај станува привремен претседател на Република Кина.
1945	Втора светска војна: Токио е уништен во нападот на 300 американски бомбардери Б-29, при што загинаа околу 100.000 жители ја јапонскиот главен град.
1951	Фулгенсио Батиста извршува успешен државен удар во Куба.
1953	Во Скопје излезе првиот број на весникот „Просветен работник“, како орган на Здружението на просветните работници на НР Македонија. Од 11.11.1992 година излегува како гласило на Министерството за образование и физичка култура.
1990	Проспер Аврил е тргнат од власта во Хаити.
1992	Наместо поимот „милиција“, што се користеше во Република Македонија за припадниците на Министерството за внатрешни работи, почна да се употребува поимот „полиција“.
1993	Сухарто по шести пат е избран за претседател на Индонезија.
1997	Ватикан воспостави дипломатски односи со Либија.

11 март

1913	Велика Британија и Германија постигнале Договор за границите на африканските колонии Нигерија и Камерун.
1917	Британската војска го зазела Багдад во Првата светска војна.
1938	Војската на фашистичкиот Трет Рајх влегла во Австрија (т.н. „аншлус“).
1943	Околу 550 Евреи од Штип биле депортирани во концентрациониот логор „Треблинка“.
1945	Во Македонија почнале првите слободни избори за селски, градски и околиски народноослободителни одбори. На овие избори кои траеле до 25 март, за првпат гласале и жените, лицата со навршени 18 години и сите припадници на Југословенската армија.
1981	Започнале протестите на Косово со барање тоа да стане република и да излезе од прегратките на Србија.
1996	Република Македонија била примена за 39-ти рамноправен член во Северноатлантскиот совет за соработка.
1996	Со одлука на Советот на европските министри, Република Македонија била примена во Клубот на земјите членки на ФАРЕ.

12 март

1365	Отворен е Виенскиот универзитет — една од најстарите установи од овој вид во светот.
1874	Свечено отворена Кешанли џамијата во Охрид, денес прогласена за културно наследство на Македонија.
1912	Американскиот капетан Алберт Бери го извел првиот скок со падобран од авион.
1935	Персија го доби новото официјално име на земјата — Иран.
2003	Во Белград е извршен атентат врз српскиот премиер Зоран Ѓинѓиќ.

13 март

1325	Основан е градот Теночтитлан, престолнина на државата на Ацтеките.
1781	Англискиот астроном од германско потекло Вилијам Хершел неочекувано ја откри седмата голема планета на Сончевиот Систем која го доби името Уран. Ги откри двата од петте познати сателити на Уран и на Сатурн.
1848	Еден ден по масовните демонстрации во Виена, паднала владата на канцеларот Клеменс Метерних, кој побегнал во Велика Британија, а царот Фердинанд I ветил донесување нов устав.
1881	Членовите на тајното терористичко здружение „Народна волја“ го убиле рускиот цар Александар Втори од династијата Романови.
1969	Стапи во сила Меѓународната конвенција за ликвидирање на сите облици на расна дискриминација.
1992	Северозападна Турција ја зафати катастрофален земјотрес при што загинаа 653, а беа повредени околу 700 луѓе.
2005	Локални избори во Република Македонија, први по новата територијална поделба.
2013	Избран папата Франциск, прв јужноамерикански и исусовски папа.
2015	Прокопис Павлопулос станува претседател на Грција.

14 март

1844	Карлос Антонио Лопес е прогласен за прв уставен претседател на Парагвај.
1891	Подморницата „Монарх“ постави телефонски кабел под Ламанш, што овозможи телефонска врска меѓу Велика Британија и другите држави од Европа.
1944	Иницијативниот одбор на АСНОМ упати писмо до НО одбори во Македонија во кое ја изнесува одлуката на Второто заседание на АВНОЈ, со која Македонија е призната за рамноправна федерална единица. Потоа, ја објаснува постапката за избирање легални и нелегални, општински, околиски и окружни НО одбори и делегати за Првото заседание на АСНОМ.
1945	По многу тешки борби американските десантни единици го освоија малиот остров на Тихиот Океан, Иво Џима, важна стратегиска точка за бомбардерските напади врз Јапонија.
1965	Владата на Израел го прифати барањето на Бон за воспоставување дипломатски односи со Западна Германија.
1995	Астронаутот Норман Тагард стана првиот Американец кој полета во вселената со руска ракета, лансирана од космодромот во Бајконур.
1996	Република Македонија и Република Литванија воспоставиле дипломатски односи на ниво на амбасадори.
2001	Околу 11 часот со престрелки од тетовското кале започна конфликтот во Тетово.
2002	Судиите на Основниот суд Скопје 2 ги потпишаа решенијата за амнестија на политичкиот водач на поранешната ОНА, Али Ахмети и на неговиот вујко, водачот на кичевските бомбаши и организаторот на повеќето бомбашки напади на полициските станици во Македонија, Фазли Велиу.
2013	Си Ѓинпинг станува Претседател на НР Кина.

15 март

1776	Американскиот конгрес донесе одлука за укинување на зависноста од англиската круна. Независноста на САД е прогласена на 4 јули 1776 година.
1993	ПТТ „Македонија“, вклучувајќи се во активноста за меѓународно признавање на Република Македонија, ја промовира редовната поштенска марка со мотив на знамето на Република Македонија.
1997	Во Заир бунтовниците го зазедоа Кисангани, трет по големина град во земјата и последно упориште на владините сили во источниот дел на државата.
2004	Формирана е Лугола, група на корисници на GNU/Линукс од Битола.
2013	Ли Кеќанг стапува на функцијата Премиер на НР Кина.

16 март

1987	Од Железничката станица во Скопје тргна првиот воз на електричен погон на магистралната пружна делница Скопје - Гевгелија.
2010	Во петтиот натпервар од Светската лига, ватерполо репрезентацијата на Македонија ја победи репрезентацијата на Грција со резултат 7:6. „Победата ѝ ја подарувам на македонскиот народ и Македонија бидејќи навистина заслужи, a Грците вечерва научија каде дојдоа и каде е Македонија. Ние им одржавме час по ватерполо.“ изјави тренерот на Македонија, Стеван Нонковиќ.
2014	Граѓаните на Крим на референдум се изјаснуваат дека сакаат да станат составен дел од Руската Федерација. Поддршката изнесувала 96,77% при излезност од 83%. Највеќето неизлезени биле Кримски Татари, кои решиле да го бојкотираат гласањето.

17 март

1891	Воспоставена е првата телефонска врска меѓу Лондон и Париз. Првата телефонска линија во Европа беше отворена во 1877 година во Берлин, во Германија. Пет години подоцна Берлин ја доби првата телефонска централа само со 48 претплатници. Тоа беа почетоците на телефонскиот сообраќај кој со голема брзина го освои светот.
1947	Во Скопје е формирана првата хируршка клиника во Македонија.
1958	САД од космодромот „Кејп Каневерал“ во орбитата околу Земјата го лансираа вториот американски сателит „Вангард I“.
1963	При ерупција на вулканот Агунг на индонезискиот остров Бали загинаа најмалку 11.000 луѓе.
1969	Голда Меир станала првата жена на должноста премиер на Израел.
1992	Република Македонија и Република Словенија воспоставиле дипломатски односи.
1998	Џу Жунгѓи станал премиер на Кина.
2014	Властите на АР Крим објавуваат независност од Украина и доставуваат барање да станат федерална единица на Русија како Република Крим, притоа распишувајќи референдум кој завршува со огромна поддршка за предлогот.

18 март

1871	Започнува Париската Комуна. Француската влада пристапила кон разоружување на париската Национална гарда, но граѓаните одбија да го предадат оружјето и топовите и ги протерале претставниците на владата.
1900	Основан е холандскиот фудбалски клуб „Ајакс“.
1962	Во швајцарското гратче Евијан е потпишана Спогодба за прекин на огнот во Алжир, со што заврши осумгодишната војна за независност на таа земја од француската колонијална власт.
1996	Амбасадата на САД во Скопје започна со издавање визи.
1996	Претседателот на САД, Бил Клинтон го именува Кристофер Хил за амбасадор во Република Македонија.

19 март

1628	Англичаните во Америка ја основале колонијата Масачусетс.
1903	Идеологот на ТМОРО, Гоце Делчев со својата чета го разурна тунелот кај реката Драматица (Ангиста), Серско. Тоа беше последната негова акција против османлиската власт пред неговата смрт.
1943	Основана е Комунистичката партија на Македонија, како македонски оддел на Сојузот на комунистите на Југославија.
2017	Франк-Валтер Штајнмајер станува претседател на Германија.

20 март

1602	Создадена е Холандската источноиндиска компанија
1616	Волтер Роли бил ослободен од Лондонската кула по 13 години затвор
1760	Избувнал голем пожар во Бостон.
1792	Законодавното собрание на Франција официјално го одобрилo предлогот за користење на гилотината како средство за погубување
1815	Наполеон Бонапарт со 140.000 војска влегува во Париз
1848	Германска револуција: баварскиот крал Лудвиг I абдицира од престолот
1861	Голем земјотрес го зафатил градот Мендоса, Аргентина
1933	Германските нацисти во Дахау го отворија првиот концентрационен логор.
1956	Франција ја призна независноста на Тунис.
1991	Каледа Зија е избрана за премиер за Бангладеш.
1991	По одржаните повеќепартиски избори во Република Македонија, во Скопје е формирана првата Влада на Република Македонија. За прв претседател е избран д-р Никола Кљусев.
1992	Во Скопје е формиран Македонскиот олимписки комитет (MOK). За претседател е избран Васил Тупурковски.
1996	Во Скопје е основана Секцијата за македонско-американско пријателство.
1996	Излезе првиот број на весникот „Дневник“.

21 март

1413	Хенри V станува крал на Англија.
1829	Во земјотресот што ја зафати Шпанија загинаа 6.000 луѓе.
1884	Во Франција се легализирани синдикатите.
1918	Прва светска војна - Започнува втората битка на реката Сома.
1960	Во јужноафриканскиот град Шарпвид, расистичката полиција отвори оган врз демонстрантите, припадници на црната раса, кои протестираа против дискриминаторските закони во таа земја. Притоа беа убиени 69 луѓе, а ранети околу 200. Во спомен на овој трагичен настан, Генералното собрание на ОН го прогласи 21 март за Меѓународен ден на борбата за отстранување на расната дискриминација.
1963	Затворен е најозогласениот затвор Алкатраз во Сан Франциско, Калифорнија.
1977	Индиската премиерка Индира Ганди поднесе оставка на функцијата.
1990	Намибија (поранешна Југозападна Африка) по 75 години стекна независност од Јужноафриканската Република.
1994	Владата на Република Македонија донесе одлука за пристапување на Република Македонија кон постојаниот комитет за информирање за индустриска сопственост на Светската организација за интелектуална сопственост.
1998	Основана е Демократската алтернатива.
1999	Бертранд Пикард и Брајан Џонс стануваат првите кои го обиколиле светот во летечки балон.
2000	Поглаварот на Римокатоличката црква папата Јован Павле II допатува во прва официјална посета на Израел.
2006	Градскиот совет на општина Битола донесе одлука за промена на грбот на градот.
2013	Џастин Велби устоличен како Архиепископ Кантербериски - поглавар на Англиканската црква.
2014	Крим влегува во состав на Руската Федерација како Република Крим, по референдумот од 16 март истата година, каде огромно мнозинство од народот искажало поддршка за отцепување од Украина и припојување кон Русија.

22 март

238	Гордијан I и неговиот син Гордијан II се прогласени за римски цареви.
1312	Папа Климент V го укинува Темпларскиот ред, основан во 1118 година во Палестина.
1822	САД го забранува многуженството.
1879	Софија станува престолнина на новосоздаденото Кнежевство Бугарија.
1919	Унгарија станува советска република
1919	Воспоставена е првата меѓународна авионска линија меѓу Париз и Брисел.
1933	Отворен е концентрациониот логор Дахау.
1935	Персија официјално го променува своето име во Иран.
1943	Сите Евреи од Македонија кои беа собрани од страна на Бугарскиот окупатор во Монополот во Скопје беа транспортирани во логорот на смртта Треблинка, во Полска, во кој по извесно време беа ликвидирани од германските фашисти.
1945	Египет, Ирак, Јордан, Либан и Сирија во Каиро ја формираа Арапската лига.
1983	Хаим Херцог е избран за претседател на Израел.
1995	Космонаутот Валери Полаков се вратил од космосот, поставувајќи нов рекорд- 436 денови.
1996	Македонската академија на науките и уметностите е примена за член на Здружението на европските академиии.
2004	Духовниот водач на палестинското Исламско движење на отпорот (Хамас), шеикот Ахмед Јасин загина при израелски воздушен напад во Газа.
2004	Македонскиот премиер Бранко Црвенковски во Даблин ја предаде апликацијата за членство на Република Македонија во Европската Унија.
2009	Одржан првиот круг од Претседателските избори во Република Македонија.

23 март

1309	Папата Климент V ја преместил папската престолнина во Авињон, Франција.
1801	Александар I станал цар на Русија.
1806	Англија ја забранила трговијата со робови.
1821	Грчка војна за независност: Паднал градот Каламата.
1879	Започнала јужноамериканската Тихоокеанска војна.
1918	Литванија се здобила со независност.
1919	Во Милано, Бенито Мусолини го основал Фашистичкото политичко движење.
1933	Рајхстагот на Германија го донел Овластувачкиот закон со кој на канцеларот Адолф Хитлер му доверил диктаторски овластувања.
1950	Прогласен е Светскиот ден на метеорологијата.
1956	Пакистан станал исламска република
1994	Министерството за односи со странство на Република Македонија преку Амбасадата на Република Македонија во Турција примило нота од Министерството за надворешни работи на Казахстан со која се известува дека оваа земја ја признала нашата држава.
1996	Во Скопје, САД официјално го промовирале првиот американски амбасадор во Република Македонија, Кристофер Хил.
2003	Словенија на референдум изгласала декларација за приклучување на земјата кон ЕУ.

24 март

1783	Шпанија ја призна независноста на САД.
1882	Германскиот бактериолог Роберт Кох објави дека го изолирал бацилот на туберкулозата.
1923	Грција станува република.
1949	Во Скопје е основан Државниот ансамбл на народни игри и песни на Народна Република Македонија, од 1953 г. наречен „Танец“.
1972	Велика Британија воспостави директна контрола во Северна Ирска за да ги спречи конфликтите на паравоените групи на римокатолиците и протестантите.
1976	Во Аргентина е извршен воен удар против претседателката Исабел Перон.
1980	Салвадорскиот надбискуп Оскар Ромеро е убиен од страна на десничарски терористи.
1990	Шри Ланка ја напуштија 2.000 индиски војници, последни од контигентот од 50.000, кои две и пол години безуспешно се обидуваа да помогнат во напорите за ставање крај на вооруженото востание на тамилските герилци против централните власти во Коломбо.
1993	Езер Вајцман е избран за седми претседател на Израел.
1997	Во Скопје започна главната Конференција за првата мултинационална воена вежба, што се одржа во Република Македонија од 11 до 17.05.1997 година - „Спасител '97“.
1997	Генералниот секретар на НАТО, Хавиер Солана допатува во прва официјална посета на Република Македонија.
1999	Започна бомбардирањето на СР Југославија во воената операција „Сојузничка сила“ со која силите на НАТО алијансата ја протераа југословенската војска и полиција од територијата на српската покраина Косово.
1999	39 луѓе загинаа кога белгиски транспортен камион кој превезувал брашно и маргарин се запалил во тунелот Монблански тунел.

25 март

1821	Грците на Пелопонез започнаа востание против Турција, кое заврши по 12 години со признавање на независност на Грција.
1860	На традиционалниот конкурс за поема, што се одржа во Атина, македонскиот писател Григор Прличев доби ловоров венец за поемата „Сердарот“.
1957	Белгија, Западна Германија, Италија, Луксембург, Франција и Холандија ги потпишаа Римските договори за создавање Заеднички пазар. Организацијата го доби името Европска економска заедница, потоа Европска Заедница, а денес Европска унија.
1997	Австралискиот сенат го укина законот за евтаназија — единствен закон во светот според кој беше дозволено самоубиство на пациентите кои боледуваат од неизлечливи болести со помош на медицинскиот персонал.
2000	Основан е Демократскиот сојуз.
2009	Клаус Чичер е избран за премиер на Лихтенштајн.

26 март

1953	Доктор Џонас Едвард Салк, американски микробиолог го објави откривањето на новата вакцина против детска парализа.
1979	По разговорите во Кемп Дејвид, Израел и Египет склучија мировен договор во Вашингтон. Со тоа е завршена воената состојба меѓу двете земји, што траеше од 1948 година.
2000	Претседателски избори во Русија: Владимир Путин е избран за претседател.

27 март

1713	Врз основа на Договорот од Утрехт, Шпанија ѝ го отстапила Гибралтар на Англија.
1903	Во штипското село Карбинци, четите на војводите Гане и Стојан Бочварот се судриле со турскиот аскер при што борбата завршила со трагичен крај за македонските револуционери.
1941	Избиваат демонстрации против пристапувањето на Југославија кон Силите на оската. Извршен е воен удар на чело со генералот Душан Симовиќ и новата влада го поништува пристапувањето на Југославија кон Силите на оската.
1968	При пробен лет со авион загина Јуриј Гагарин, херој на Советскиот Сојуз и првиот човек кој полетал во вселената.
1977	Во Санта Крус, на Канарските Острови, во Атлантскиот Океан, се случи најтешката авионска несреќа во историјата на цивилното воздухопловство. Во судирот на два авиони „џамбо џет“ на Американската авиокомпанија и на Холандското кралско воздухопловство загинаа околу 580 патници.
1992	Врз основа на Договорот од Скопје, потпишан од претседателот на РМ Киро Глигоров и генералот на ЈНА Никола Узелац, војската на ЈНА ја напуштила територијата на Република Македонија.
1999	Над територијата на СР Југославија е соборен американски бомбардер од типот F-117. Ова е единствен случај бомбардер од овој тип да е соборен од непријателски оган, откако претходно е детектиран со помош на нискофреквентен радар.

28 март

1939	Франковистичките единици под команда на генерал Монтеросо го зазедоа Мадрид. Со тоа заврши Шпанската граѓанска војна.
1996	Република Македонија и Република Никарагва воспоставиле дипломатски односи на амбасадорско ниво.
1996	Во Скопје започна со работа Македонската берза на долгорочни хартии од вредност, прв пазар на капитал во Република Македонија.

29 март

1867	Британската Влада во северниот дел на Америка го формира доминионот Канада со три покраини: Канада, Нова Шкотска и Њу Бранзвик. Со Вестминстерскиот статут од 1913 година Канада и формално стана независна држава на британскиот Комонвелт.
1945	Со истоварувањето на специјални диверзантски трупи на американската морнарица почна борбата за Окинава, крстосница на Исток, бидејќи е еднакво оддалечена од Јапонија, Кина и Формоза. Во крвавите борби американските десантни единици загубија околу 50.000 луѓе, а јапонските околу110.000 луѓе.
1967	Франција ја пушти во море првата атомска подморница.
1973	Последниот контигент американски трупи го напушти Виетнам и со тоа заврши директното воено учество на САД во долгогодишната Виетнамска војна.

30 март

1867	Потпишан е Договор меѓу САД и царска Русија со кој САД ја откупиле Алјаска за 7,2 милиони долари.
1940	Јапонија воспостави маронетска влада во окупираната Кина.
1960	Од вселенската база Кејп Кенеди е лансиран првиот метеоролошки сателит „Тајрос - 1“.
1967	НАТО официјално го напушти своето седиште во Париз.
1973	Последниот контигент американски војници го напушти јужниот дел на Виетнам.
1979	Кинескиот премиер и реформатор Денг Сјаопинг ги прогласува неговите „Четири основни начела“ за социо-политичката иднина на НР Кина.
1992	Република Македонија и Република Хрватска со размена на ноти склучија спогодба за воспоставување дипломатски односи меѓу двете држави на ниво на амбасади.
1994	Во Стразбур, Република Македонија пристапи на 15 конвенции на Советот на Европа.
2022	Откриена Еарендел (WHL0137-LS) — најоддалечената ѕвезда од Земјата (28 милијарди светлосни години).

31 март

1492	Кралицата Изабела I Кастиљска го издала Указ од Алхамбра со кој им наредила на своите 150.000 Еврејски поданици да го примат христијанството или ќе бидат прогонети.
1889	Во Париз свечено е отворена за посетителите Ајфеловата кула, челична конструкција висока 320 метри, што ја проектирал Густав Ајфел.
1918	Летното сметање на времето за првпат се применува во САД.
1931	Земјотрес ја разурнал Манагва, главниот град на Никарагва, при што загинале 2.000 луѓе.
1951	Првиот комерцијален сметач „УНИВАК-I“ е испорачан во Бирото за попис на САД.
1979	Малта станала независна држава откако и последниот британски војник заминал од малтешките острови. Овој ден на Малта се прославува како Ден на слободата.