1946

1946 (MCMXLVI) — година според општоприфатениот календар. Тоа била 1946 година од новата ера, 946. од вториот милениум, 46. од XX век и седма од 1940-тите.

1946 во разни календари

Грегоријански календар	1946 MCMXLVI
Ab urbe condita	2699
Ерменски календар	1395 ԹՎ ՌՅՂԵ
Асирски календар	6696
Бахајски календар	102–103
Балиски календар	1867–1868
Бенгалски календар	1353
Берберски календар	2896
Будистички календар	2490
Бурмански календар	1308
Византиски календар	7454–7455
Кинески календар	乙酉年 (дрв. петел) 4642 или 4582     — до — 丙戌年 (огн. куче) 4643 или 4583
Коптски календар	1662–1663
Етиопски календар	1938–1939
Еврејски календар	5706–5707
Хиндуистички календари
- Викрамска ера	2002–2003
- Сачка ера	1867–1868
- Кали-југа	5046–5047
Холоценски календар	11946
Игбоански календар	946–947
Ирански календар	1324–1325
Исламски календар	1365–1366
Јапонски календар	Шова 21 (昭和２１年)
Јавански календар	1876–1878
Џуче-календар	35
Јулијански календар	грегоријанската без 13 дена
Корејски календар	4279
Мингуо-календар	Р. Кина 35 民國35年
Нанакшахи	478
Тајландски сончев календар	2489
Тибетски календар	阴木鸡年 (женско дрво-петел) 2072 или 1691 или 919     — до — 阳火狗年 (машки оган-куче) 2073 или 1692 или 920

Други календари

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 7454 и 7455 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6696 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5706 и 5707 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2699.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 1946 година се протега во 4582 и 4583, додека според второто гледиште, годината трае во текот на 4642 и 4643 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2489. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1365 и 1366 исламска година.

Настани

јануари

• 2 јануари – Македонските политички затвореници од затворот „Касандра“ во Грција упатија апел до владите на СССР, Велика Британија и САД во кој меѓу другото, се вели: „Во сегашните историски денови, ние припадниците на македонскиот народ во Егејска Македонија, кои се боревме против другите окупатори и нивните слуги, принудени сме сега и на политичко поле да водиме тешка борба против грчката реакција...“
• 11 јануари – Енвер Хоџа ја прогласува Народна Република Албанија.
• 24 јануари – Со решение на Министерството за народна просвета на Македонија првата македонска граматика е одобрена за учебник во средните училишта. Нејзин автор бил професорот Круме Кепески.
• 26 јануари – Од печат излезе првиот македонски буквар.
• 31 јануари – Донесен е Уставот на Федеративна Народна Република Југославија.

февруари

• 2 февруари – Унгарија станува република.
• 24 февруари – Хуан Перон е избран за претседател на Аргентина.

март

• 5 март – Во својот говор во Фултон, Мисури, Винстон Черчил првпат ја споменува „Железната завеса“.
• 6 март – Во Романија е формирана влада на чело со Петру Гроза и со доминација на комунистите.
• 8 март – Президиумот на Народното Собрание донесува закон со кој дотогашното име Демократска Федерална Македонија се менува во Народна Република Македонија.
• 14 март - Методија Андонов - Ченто поднесува оставка на функцијата претседател на Президиумот на Народното Собрание на Македонија.
• 22 март – Британија му дава независност на Трансјорданија.

април

• 7 април – Франција официјално ја признава независноста на Сирија.
• 18 април – САД ја признава владата на Јосип Броз Тито во Југославија.

мај

• 25 мај - Парламентот на Трансјорданија го прогласува емирот Абдула I за крал.
• 31 мај – Грција на референдум го поддржува враќањето на монархијата.

јуни

• 2 јуни – Италија на референдум решава да стане република, по што италијанскиот крал е принуден да ја напушти земјата.

јули

• 14 јули – Полицијата го апси Методија Андонов - Ченто пред неговата куќа во Прилеп.

август

• 2 – 3 август – Во Скопје се одржува Првиот конгрес на Народниот фронт на Македонија.
• 18 - 21 август – Во Скопје се одржува Првиот конгрес на единствените синдикати на Македонија. За претседател на Земскиот одбор е избран Страхил Гигов.

септември

• 8 септември – Бугарија е прогласена за народна република.
• 22 септември – Се одржуваат избори за Уставотворното собрание на НР Македонија. Гласаат 94,6% од запишаните избирачи.

октомври

• 11 октомври - Во Скопје се пренесени моштите на Гоце Делчев.
• 11 октомври – Велес е преименуван во Титов Велес.

ноември

• 15 ноември – Холандија ја признава Индонезија.
• 21 ноември - По дводневно судење Методија Андонов - Ченто е осуден на 11 години затвор.

декември

• 11 декември - Основан е УНИЦЕФ.
• 31 декември – Уставотворното собрание на НР Македонија го усвојува првиот Устав на НР Македонија.
• 31 декември – Избрана е нова влада на НР Македонија, повторно на чело со Лазар Колишевски.

Родени

• 19 јануари – Доли Партон, американска пејачка и глумица
• 20 јануари - Дејвид Линч, американски режисер
• 28 февруари – Робин Кук, британски политичар
• 20 мај – Шер, американска глумица и пејачка
• 1 јуни - Славе Димитров, македонски композитор, пејач и аранжер
• 20 јуни – Ханана Гусмао, претседател на Источен Тимор
• 6 јули – Џорџ В. Буш, американски претседател
• 6 јули – Силвестер Сталоне, американски глумец
• 19 август – Бил Клинтон, американски претседател
• 5 септември – Фреди Меркури, британски пејач („Квин“)
• 15 септември – Оливер Стоун, американски режисер
• 1 октомври - Васил Пујовски, македонски драмски писател
• 5 декември – Хосе Карерас, шпански оперски пејач
• 9 декември – Соња Ганди, индиска политичарка
• 18 декември – Стивен Спилберг, американски режисер

Починале

• 21 април – Џон Мајнард Кејнз, британски економист
• 1 јуни – Јон Антоанеску, романски диктатор
• 17 јули - Дража Михајловиќ, српски четнички водач
• 26 јули – Мирка Гинова, македонска партизанка
• 13 август – Х. Џ. Велс, британски писател
• 15 октомври – Херман Геринг, германски нацистички водач

Поврзано

• Календарот за таа година

Надворешни врски

• 1946 на Ризницата ^?