Васил Тупурковски

Васил Тупурковски (познат и под прекарот Циле) (Скопје, 8 април 1951) е професор по меѓународно право, основач и претседател на поранешната политичка партија Демократската алтернатива, долгогдишен и актуелен претседател на Македонскиот олимписки комитет.

Васил Тупурковски
Потпретседател на Владата на Република Македонија
На должноста 1998 – 2000
Претседател	Љубчо Георгиевски
Лични податоци
Роден(а)	8 април 1950 Скопје, денес Македонија
Националност	Македонец
Партија	Демократска алтернатива
Вероисповед	Православен христијанин

Дипломирал на Правниот факултет во 1972 година, а следната година завршил постидпломски студии по меѓународно јавно право на Мичигенскиот универзитет во САД, додека во 1976 година докторирал на меѓународно право.

Од 1983 година работи како редовен професор по меѓународно право на Правниот факултет во Скопје. Васил Тупурковски денес е член на стручни меѓународни организации во сферата на меѓународното право и е предавач во повеќе од 60 земји.

Автор е на низа трудови од областа на меѓународното право, како и од историјата на античка Македонија. Бил претседател на ССМЈ, како и член на Претседателството на СФРЈ, на Претседателството на ЦК СКЈ и на ЦК СКМ. Тупурковски е актуелен претседател на Македонскиот олимписки комитет, како и претседател на Асоцијацијата на балканските национални олимписки комитети и директор на Агенцијата за обнова и развој.