Вангард 1 беше четвртиот вештачки сателит на Земјата, и прв со напојување на сончева енергија. Иако комуникацијата со него е прекината во 1964 година, денеска е најстариот објект направен од човек кој е сѐ уште во орбита, и како таков е најстарото парче во облакот на вселеснки остатоци што орбитираат околу Земјата.

Самото летало претставува алуминиумска сфера што тежи 1,47 килограми, и е 165 милиметри во дијаметар.

Лансиран: 17 март 1958 во 12:16 по Гринич, од Кејп Каневерал LC-18A, со Вангард ТВ-4
Орбита: 658 km x 3 968 km x 34,35° x 134,18 min.
Испаднат од орбита: Најстар вештачки сателит во орбита

ИнструментацијаУреди

Леталото содржи 10 миливатни трансмитери од 108 мегахерци, напојувани од живини батерии, и 5 миливатни трансмитери од 108,03 мегахерци, напојувани од шесст сончеви ќелии монтирани на болидот од сателитот. Шест кратки антени излегуваат од сферата. Трансмитерите највеќе беа користени за собирање инженерски и податоци за следење на леталото, но и за откривање на целосната електрон-содржина измеѓу сателитот и станиците на земјата. Вангард носи и два термистора кои ја мерат внатрешната температура на секои шеснаесет дена, за да се следи ефективноста на термалната заштита.

Тек и крај на мисијатаУреди

Вангард 1 е дизајниран за тестирање на можностите на три-степеното лансирно летало, како дел од Проект Вангард, и за ефектите на околината врз сателитот и неговите системи во Земјината орбита. Исто така беше користен за добивање на геодетски мерења преку анализи на орбитата.

Собраните податоци од геодетските мерења служеле за да се покаже дека обликот на Земјата е асиметричен гледано од север према југ. Вангард 1 собра податоци и за ефектите од сончевиот притисок.

Според првичните предвидувања, се сметало дека Вангард 1 ќе остане во орбита цели 2000 години. Но, подоцна се откри дека притисокот од сончевото зрачење (радијација) заедно со атмосферското триење за време на висока сончева активност значително ја менува висината на која што се наоѓа сателитот, а со тоа го намалува и неговиот животен век на само 240 години.

Надворешни врскиУреди

Вангард 1 - Астрoномски Клуб Куманово