Кнежевство Бугарија

Кнежевство Бугарија била де факто независна вазална држава на Османлиското Царство формирана со Берлинскиот конгрес од 1878 година.

Кнежевство Бугарија
Княжество България  (бугарски)
Вазална држава на Османлиското Царство

1878 – 1908
Знаме Грб (од 1885)
Химна
"Шуми Марица"
Шуми Марица  (бугарски)
Местоположба на Бугарија
Бугарија во зелено. Источна Румелија, во светлозелено, се обедини со Кнежевството во 1885 година.
  •   Кнежевство Бугарија
Главен град Трновград
(1878–1879)
Софија
(1879–1908)
Јазици Бугарски
Вероисповед Бугарска православна
Уредување Кнежевство
Кнез
 -  1879–1886 Александар I
 -  1887–1908 Фердинанд I
Регент
 -  1886–1887 Стефан Стамболов
 -  1886–1887 Сава Муткуров
 -  1886–1887 Петко Каравелов
Претседател на Советот на министри
 -  1879 Тодор Бурмов (прв)
 -  1908 Александар Малинов (последен)
Законодавство Народно собрание
Историја
 -  Санстефански мировен договор 3 март 1878
 -  Берлински конгрес 13 јули 1878
 -  Усвојување на Уставот 28 април 1879
 -  Обединување на Бугарија 6 септември 1885
 -  Прогласување на независност 5 октомври 1908
Површина
 -  1880 63752 км²
 -  1908 95223 км²
Население
 -  1880 2007919 
     Густина 31.5 жит/км²
 -  1908 4215000 
     Густина 44.3 жит/км²
Валута Бугарски лев

После Руско-турската војна, во која победила Русија, бил потпишан Санстефанскиот договор, кој предвидувал формирање на голема бугарска држава во чиј состав би влегол и поголемиот дел од Македонија. Сепак, Велика Британија и Австроунгарија биле против воспоставување на таква држава која ќе биде продолжена рака на Русија на Балканот. Поради тоа, големите сили во Берлин во 1878 година го потпишале договорот кој бил замена за Санстефанскиот договор (кој никогаш не стапил во сила). Со Берлинскиот конгрес се создало многу помалото Кнежевство Бугарија, а на Источна Румелија и се дала автономија во рамките на Османлиското Царство.

Во 1885 година, Кнежевството Бугарија се обединило со Источна Румелија. На обединувањето на Бугарија и прекршувањето на одлуките од Берлинскиот конгрес се спротивставила Србија, па истата година (1885) започнала Српско-бугарската војна. Во војната победила Бугарија, со што било признато нејзиното обединување. На 5 октомври 1908, тогашниот бугарски кнез Фердинанд I прогласил независност, а тој се прогласил за цар на новоформираното Царство Бугарија.

Санстефанскиот мировен договор уреди

 
Договорот од Сан Стефано и Договорот од Берлин

Договорот од Сан Стефано од 3 март 1878 година, предложи нова држава во Бугарија, која ги сочинуваше географските области Мизија, Тракија и Македонија. Врз основа на тој датум го слават националниот ден на Бугарија секоја година.

Стравувајќи од формирањето на голема руска клиентска држава на Балканот, другите големи сили, сепак, не беа подготвени да се согласат со договорот. Како резултат на тоа, Берлинскиот конгрес (1878), под надзор на Ото фон Бизмарк од Германија и Бенџамин Дизраели од Обединетото Кралство, го ревидирал претходниот договор и ја намалил предложената држава.

Список на кнезови на Бугарија уреди

Портрет Име Роден на Починал на Кнез од Кнез до Забелешки
  Александар I 5 април 1857 23 октомври 1893 29 април 1879 7 септември 1886 Абдицирал
  Фердинанд I 26 февруари 1861 10 септември 1948 29 април 1887 5 октомври 1908 Станал цар на Бугарија во 1908