1941

1941 (MCMXLI) — година според општоприфатениот календар. Тоа била 1941 година од новата ера, 941. од вториот милениум, 41. од XX век и втора од 1940-тите.

1941 во разни календари

Грегоријански календар	1941 MCMXLI
Ab urbe condita	2694
Ерменски календар	1390 ԹՎ ՌՅՂ
Асирски календар	6691
Бахајски календар	97–98
Балиски календар	1862–1863
Бенгалски календар	1348
Берберски календар	2891
Будистички календар	2485
Бурмански календар	1303
Византиски календар	7449–7450
Кинески календар	庚辰年 (мет. змеј) 4637 или 4577     — до — 辛巳年 (мет. змија) 4638 или 4578
Коптски календар	1657–1658
Етиопски календар	1933–1934
Еврејски календар	5701–5702
Хиндуистички календари
- Викрамска ера	1997–1998
- Сачка ера	1862–1863
- Кали-југа	5041–5042
Холоценски календар	11941
Игбоански календар	941–942
Ирански календар	1319–1320
Исламски календар	1359–1360
Јапонски календар	Шова 16 (昭和１６年)
Јавански календар	1871–1872
Џуче-календар	30
Јулијански календар	грегоријанската без 13 дена
Корејски календар	4274
Мингуо-календар	Р. Кина 30 民國30年
Нанакшахи	473
Тајландски сончев календар	2484
Тибетски календар	阳金龙年 (машко железо-змеј) 2067 или 1686 или 914     — до — 阴金蛇年 (женско железо-змија) 2068 или 1687 или 915

Други календари

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 7449 и 7450 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6691 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5701 и 5702 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2694.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 1941 година се протега во 4577 и 4578, додека според второто гледиште, годината трае во текот на 4637 и 4638 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2484. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1359 и 1360 исламска година.

Настани

• 23 февруари - Откриен е плутониумот.
• 1 март - Бугарија пристапува кон Тројниот пакт.
• 25 март - Претседателот на владата на Кралството Југославија, Драгиша Цветковиќ, во Виена потпишува договор за пристапување на Југославија кон Тројниот пакт.
• 27 март - Избиваат демонстрации против пристапувањето на Југославија кон Силите на оската. Извршен е воен удар на чело со генералот Душан Симовиќ и новата влада го поништува пристапувањето на Југославија кон Силите на оската.
• 5 април - Новата југословенска влада потпишува Договор за пријателство и ненапаѓање со СССР.
• 6 април - Нацистичка Германија ја нападна Југославија и Грција. Нападот на Југославија започна со бомбардирање на Белград, кој е речиси целосно разорен, а околу 5.000 луѓе го загубија животот.
• 10 април - По влегувањето на германските војски во Загреб, прогласена е Независна држава Хрватска.
• 13 април - СССР и Јапонија потпишуваат договор за ненапаѓање.
• 17 април - Кралството Југославија потпишува безусловна капитулација.
• 18 април - Бугарските војски навлегуваат во Македонија, со што започнува бугарската окупација на Македонија.
• 21 април - Грција капитулира.
• 11 јуни - Во селото Долни Балван, при агитација за пружање отпор кон бугарскиот окупатор, загинува Диме Поп Атанасов, кој е првата жртва на бугарската окупација на Македонија.
• 22 јуни - Започнува нападот на нацистичка Германија врз СССР (операција Барбароса).
• 1-3 јули - Во Атина се одржува Шестиот пленум на ЦК на Комунистичката партија на Грција на кој е формиран нов централен комитет на чело со Андреја Чипов. Чипов е единствен етнички Македонец кој е избран на чело на некоја политичка партија во Грција и на чело на некоја балканска комунистичка партија.
• 5-31 јули - Еквадор и Перу водат меѓусебна војна.
• 22 август - Во близина на селото Злокуќани формиран е Скопскиот партизански одред, кој е прв македонски партизански одред.
• 22 август - Поголема група затвореници комунисти, меѓу кои се и македонските комунисти Бане Андреев, Орце Николов, Богоја Фотев и Рафаел Батино, бега од затворот во Сремска Митровица.
• 24 август – Од Коминтерната е испратена телеграма со која КП во Македонија се враќа во составот на КПЈ.
• 8 септември - Кај железничкиот тунел на Бабуна, во близина на селото Гостиражни, Лазо Колевски убива еден бугарски стражар.
• 8-9 септември – Во Скопје, при пробивање на обрачот на бугарската војска и полиција, Боро Петрушевски убива еден бугарски војник.
• 12 септември - На Селечка Планина формирана е Прилепската партизанска чета.
• 21 септември – Формиран е нов покраински комитет на КПЈ за Македонија на чело со Бане Андреев.
• 7 октомври - Борци од Скопскиот партизански одред во Скопје извеле акција за ликвидирање на бугарските полициски агенти Мане Мачков и Круме Панков - Кросот.
• 11 октомври - Прилепскиот партизански одред извршува напад на полицискиот участок во Прилеп. Овој напад се смета за почеток на востанието во Македонија.
• 12 октомври - Во Кумановско се формирани два партизански одреди, Козјачкиот и Карадачкиот. Но, многу брзо, и двата се разбиени од страна на бугарската војска и полиција.
• 26-27 ноември - Во Охрид се одржува судски процес против 15 уапсени комунисти. Од нив само 5 се осудени, меѓу кои Лазар Колишевски и Петре Пирузе на смрт со бесење.
• 7 декември - Јапонија ја напаѓа американската флота во Перл Харбур.
• 8 декември - САД, Британија, Кина и Холандија и објавуваат војна на Јапонија.
• 11 декември - Германија и Италија му објавуваат војна на САД, кој возвраќа со иста мерка.
• 12 декември - Унгарија и Романија му објавуваат војна на САД.

Родени

• 14 јануари - Милан Кучан, словенечки претседател
• 21 јануари - Пласидо Доминго, шпански оперски пејач
• 30 јануари - Дик Чејни, американски потпретседател
• 8 февруари - Ник Нолти, американски глумец
• 27 февруари - Педи Ешдаун, британски политичар
• 16 март - Бернардо Бертолучи, италијански режисер
• 24 мај - Боб Дилан, американски поет и музичар
• 24 јуни - Јулија Крстева, француски филозоф
• 20 август - Слободан Милошевиќ, српски претседател
• 23 ноември - Франко Неро, италијански глумец

Починале

• 1 јануари - Петар Поп Арсов, македонски револуционер
• 4 јануари - Анри Бергсон, француски филозоф
• 13 јануари - Џејмс Џојс, ирски писател
• 11 февруари - Рудолф Хилфердинг, германски економист
• 28 март - Вирџинија Вулф, англиска писателка
• 11 јули - Артур Еванс, англиски археолог
• 15 јули - Валтер Рутман, значаен германски експериментален режисер
• 17 јули - Аугуст Цесарец, хрватски писател
• 7 август - Рабиндранат Тагоре, индиски писател
• 31 август - Марина Цветаева, руска писателка
• 2 септември - Коле Неделковски, македонски поет
• 11 септември - Кристијан Раковски, бугарски и советски револуционер и политичар
• 19 септември - Аце Дорев, македонски револуционер
• 7 октомври - Благоја Деспотовски - Шовељ, македонски комунист
• 14 октомври - Боро Менков, македонски комунист, народен херој
• 14 октомври - Перо Георгиевски - Чичо, македонски комунист, народен херој
• 14 октомври - Наце Ивановски - Буѓони, македонски комунист

Поврзано

• Календарот за таа година

Надворешни врски

• 1941 на Ризницата ^?