26 јули

Предлошка:Јули 2025

Карл Густав Јунг
(26 јули 1875–6 јуни 1961) швајцарски психијатар, основач на движењето познато како *аналитичка психологија*

26 јули — 207-иот ден во годината според грегоријанскиот календар (208-и во престапна година). Остануваат 158 денови до крајот на годината.

Настани:

1953	Со нападот на герилците на касарната „Монкада“ во градот Сантјаго де Куба, Фидел Кастро ја започнува борбата против диктаторот Фулгенсио Батиста.
1956	Египетскиот претседател Гамал Абдел Насер го национализира Суецкиот Канал, кој претходно беше под контрола на англо-француска компанија.
1963	Катастрофален земјотрес го разурна Скопје. Во земјотресот загинаа 1.070 луѓе, 2.900 беа повредени, а беше уништен или оштетен ⁴⁄₅ од станбениот фонд. Веста за земјотресот што го зафати Скопје брзо се рашири низ целиот свет, кој покажа голема солидарност.
1996	Република Македонија и Европската Унија потпишаа рамковна спогодба за соработка на Република Македонија во Европската Унија. Истиот ден во Република Македонија пристигнува и првиот американски амбасадор — Кристофер Хил.
1996	Република Македонија стана потписничка на Рамковната конвенција на Советот на Европа за заштита на националните малцинства и потписничка на повелбата на Советот на Европа за регионални или малцински јазици.

Родени:

1782	Џон Филд — ирски композитор.
1842	Алфред Маршал — англиски економист.
1856	Џорџ Бернард Шо — англиски писател.
1862	Васил Иванов К’нчов — бугарски етнограф.
1875	Карл Густав Јунг — швајцарски психијатар.
1894	Олдос Хаксли — англиски писател и есеист.
1900	Артуш Черник — чешки писател, новинар и филмски и театарски критичар.
1901	Нина Берберова — руска писателка.
1928	Стенли Кјубрик — американски режисер.
1931	Теле Сантана — бразилски фудбалер и тренер.
1934	Даница Ручигај — македонска поетеса.
1943	Мик Џегер — англиски пејач, член на рок-групата „Ролинг стоунс“.
1945	Хелен Мирен — англиска глумица.
1949	Роџер Тејлор — англиски рок-музичар, член на групата „Квин“.
1954	Роза Топузова Каревска — македонски политичар.
1953	Феликс Магат — германски фудбалер и тренер.
1959	Кевин Спејси — американски глумец.
1961	Дејвид Хејмен — британски филмски продуцент.
1981	Мајкон Сисенандо — бразилски фудбалер.
1985	Брис Феји — француски велосипедист.
1985	Гаел Клиши — француски фудбалер.
1987	Ромен Лемаршан — француски велосипедист.
1990	Хесус Ерада — шпански велосипедист.

Починале:

1471	Павле II — римски папа.
1867	Отон I — грчки крал.
1902	Шарл Дадан — француско-американски пчелар, таткото на современото пчеларство.
1903	Алексо Поројлијата — македонски револуционер.
1917	Едгар Дега — француски сликар.
1925	Готлоб Фреге — германски математичар.
1926	Крсте Петков Мисирков — истакнат македонски филолог, јазичар, историчар, фолклорист, етнограф, публицист, политичар, дипломат, револуционер и борец за македонската национална афирмација. Во 1903 година ја издаде книгата „За македонцките работи“. Роден е во Ениџевардарско на 18 ноември 1874 година.
1952	Ева Перон — популарната „прва дама“ на Аргентина, сопруга на Хуан Перон.
1963	Димитар Пандилов — истакнат уметник, прв македонски импресионистички сликар.
1985	Фреди Перлман — анархист, писател, теоретичар и музичар, голем критичар на современиот свет.