2 август

2 август — 214 ден во годината според грегоријанскиот календар (215 во престапна година). Остануваат 151 денови до крајот на годината.

<<	август					>>
Н	П	В	С	Ч	П	С
				01	02	03
04	05	06	07	08	09	10
11	12	13	14	15	16	17
18	19	20	21	22	23	24
25	26	27	28	29	30	31
2024

Настани:

338 п.н.е.	Се одвива Битката кај Херонеја во која Филип II Македонски ја остварува својата најголема победа над здружените сили на Атина и Теба.
219 п.н.е.	Во текот на Втората пунска војна се одвива Битката кај Кана, каде картагинската војска, на чело со Ханибал, ја совладува бројно далеку помоќната римска војска.
1903	Почна Илинденското востание на македонскиот народ против османлиската власт, еден од најзначајните настани во историјата на македонскиот народ. За време на востанието се водеа битки кај селото Смилево, Демирхисарско, на Слива и на Мечкин Камен, Крушевско, кај Карабуница, Кичевско, кај селото Арменско, Леринско, во Рашанец и кај селото Чаниште, Мариовско.
1941	Месниот комитет на КПЈ за Битола во градот организира демонстрации во кои членовите на извикуваат „Да живее слобдна Македонија“. Со тоа е оневозможено окупаторот да го искористи празникот на македонскиот народ за сопствени цели.
1941	На бугарско-италијанската демаркациона линија карабињетите ги уапсиле членовите на месниот комитет на КПЈ за Тетово при нивното враќање од Скопје.
1942	Во селото Смилево (во кое во 1903 година е донесена одлука за одржување на Илинденското востание) битолско-преспанскиот партизански одред „Даме Груев“ ја запалил општинската зграда, архива и одржал митинг. Со оваа акција спречена е прославата на Илинден од страна на бугарскиот окупатор на која требало да присуствува бугарскиот министер за внатрешни работи.
1943	Во близина на селото Отешево одржан е проширен состанок на Централниот комитет на КПМ на кој се донесени одлуки за формирање на поголеми воени единици (батаљони и бригади), за започнување на подготовки за свикување на АСНОМ, како и за формирање на повисоки органи на власта.
1944	Во манастирот Свети Прохор Пчински кај Куманово, во присуство на 122 претставници на македонскиот народ е одржано Првото заседание на Антифашистичкото собрание на Македонскиот народ (АСНОМ). Во согласност со одлуките на АВНОЈ, Македонија е потврдена како рамноправна федерална држава во рамките на ДФ Југославија. Притоа АСНОМ е конституиран како највисок законодавен и извршен орган на народната власт на чело со Методија Андонов - Ченто (на сликата), а македонскиот јазик е воведен како службен јазик.
1991	Во Скопје излезе првиот број на македонскиот дневен независен весник Република. Вториот број излезе на 8 септември 1991 година.

Родени:

1696	Махмуд I — отомански султан.
1876	Александар Белиќ — македонист и филолог.
1923	Ајк Вилијамс — американски боксер.
1924	Џејмс Болдвин — американски писател.
1926	Евдокија Фотева - Вера — македонска револуционерка.
1934	Александар Стојановиќ — македонски балетан.
1932	Питер О'Тул — ирски глумец.
1939	Вес Крејвен — американски филмски режисер, еден од татковците на современиот хорор-филм.
1940	Коле Мангов — македонски поет и публицист.
1942	Изабел Аљенде — чилеанска писателка.
1943	Љерка Тот - Наумова — македонски поет и преведувач.
1949	Беј Дао — кинески поет, добитник на Златниот венец на Струшките вечери на поезијата.
1952	Ален Жирес — француски фудбалер.
1955	Буч Виг — американски рок-музичар и музички продуцент.
1957	Анхел Херера Вера — кубански боксер.
1965	Рефик Шабанаџовиќ — босански и југословенски фудбалер.
1968	Штефан Ефенберг — германски фудбалер.
1969	Фернандо Коуто — португалски фудбалер.
1976	Сем Вортингтон — австралиски глумец.
1989	Матео Трентин — италијански велосипедист.
1989	Насер Чадли — белгиски фудбалер.
1994	Бруно Мендес — бразилски фудбалер.
2000	Мохамед Кудус — гански фудбалер.

Починале:

640	Северин — римски папа.
686	Јован V — римски папа.
1589	Анри III — крал на Франција.
1667	Франческо Боромини — истакнат италијански барокен архитект.
1788	Томас Гејнсборо — познат англиски портретист и пејзажист.
1911	Апостол Петков — македонски револуционер.
1921	Енрико Карузо — италијански тенор, еден од најголемите оперски пејачи во историјата.
1922	Александар Греам Бел — шкотски иноватор, изумител на телефонот.
1934	Паул фон Хинденбург — германски маршал и државник.
1944	Никола Кордоски — македонски партизан.
1962	Никола Киров Мајски — македонски писател.
1963	Ѓорѓи Абаџиев — македонски писател.
1973	Жан-Пјер Мелвил — француски режисер и глумец.
1976	Фриц Ланг — австриски филмски режисер.
1996	Обдулио Варела — уругвајски фудбалер.
1997	Вилијам Бароуз — американски писател.
2009	Георги Василевски — македонски филмски критичар.

Празници:

	Македонија: Илинден — Ден на Републиката.
	Христијански празник на пророкот Св. Илија.