Оскар за најдобар режисер
Оскар за најдобар режисер е награда што ја доделува Академијата за филмски уметности и науки (АМПАС) на најдобриот режисер во филмската индустрија за изминатата година. Академијата избира еден режисер од пет номинирани.
| Оскар за најдобар режисер | |
|---|---|
| Држава | Соединети Американски Држави  |
| Мрежно место | https://oscar.go.com/nominees/directing |
Иако се смета дека оваа награда им се доделува на најдобрите режисери, некои од многу ценетите никогаш не ја добиле: Роберт Алтман (5 номинации), Ингмар Бергман (3 номинации), Џон Касаветис (1 номинација), Чарли Чаплин (1 номинација), Федерико Фелини (4 номинации), Хауард Хокс (1 номинација), Алфред Хичкок (5 номинации), Стенли Крамер (3 номинации), Стенли Кјубрик (4 номинации), Акира Куросава (1 номинација), Серџо Леоне (ниедна номинација), Ернст Љубич (3 номинации), Сидни Лумет (4 номинации), Дејвид Линч (3 номинации), Теренс Малик (1 номинација), Артур Пен (3 номинации), Ридли Скот (3 номинации), Кинг Видор (5 номинации), Питер Вир (4 номинации), Џорџ Лукас (2 номинации) и Орсон Велс (1 номинација).
Кетрин Бигелоу е единствената жена која добила Оскар во оваа категорија (2010 г.), а номинација добиле уште и режисерките Џејн Кемпион, Софија Копола, Лина Вертмилер и Грета Гервиг.
Досега најнаградуван режисер е Џон Форд (4 пати), а потоа следат Френк Капра и Вилијам Вајлер кои имаат добиено по три Оскари. Вилијам Вајлер со 12 номинации е најноминираниот режисер. Најноминиран режисер кој не освоил Оскар е Кларенс Браун, кој зад себе има шест номинации.
Добитници и номинирани
уреди1920-ти
уредиНа првото доделување на наградите биле доделени два Оскари за најдобра режија, еден за режија на драма и еден за режија на комедија.
| Година | Добитник | Номинирани |
|---|---|---|
| 1927/28 (драма) |
Френк Борзејги – Седмо небо |
Херберт Бренон – Сорел и син Кинг Видор – Толпа |
| (комедија) | Луис Мајлстоун – Два арапски витези |
Тед Вајлд – Спиди |
| 1928/29 | Френк Лојд – Божествената дама |
Лајонел Баримор – Мадам Икс Хари Бомонт – Бродвејска мелодија Ирвин Камингс – Во стара Аризона Френк Лојд – Уморна река и Тежина Ернст Љубич – Патриот |