„Мостот на реката Квај“ (англиски: The Bridge on the River Kwai) — британски воен филм од 1957 година, заснован на романот „Мостот на реката Квај“ од францускиот писател Пјер Боли, каде се обработува изградбата на мостот на Бурманската железница преку реката Квејај (тука „Квај“). Режисер на филмот е Дејвид Лин, а главните улоги ги толкуваат: Вилијам Холден, Џек Хокинс, Алек Гинис и Сесју Хаикава. Филмот билм снимен во Цејлон (денес Шри Ланка). „Мостот на реката Квај“ добил седум награди „Оскар“ (вклучувајќи ја и наградата оскар за најдобар филм) на 30-то доделување на академски награди,^[1] а во 1997 година бил ставен под заштита во Конгресната библиотека како културолошки, историски или естетски значајно остварување.

Трејлерот на филмот

=Синопсис

„Мостот на реката Квај“
	Податотека:Мостот на реката Кваи - плакат.jpg Филмскиот плакат
Режисер	Дејвид Лин
Продуцент	Сем Спигел
Главни улоги	Вилијам Холден; Џек Хокинс; Алек Гинис; Сесју Хаикава; Џејмс Доналд; Џофри Хорн
Музика	Малколм Арнолд
Кинематографија	Џек Хилдјард
Монтажа	Питер Тејлор
Дистрибутер	„Columbia Pictures“
Премиера	2 октомври 1957
Времетраење	161 минута
Земја	Обединето Кралство
Јазик	Англиски
Буџет	$3 милиони (проц.)
Бруто заработка	$33.3 милиони (во САД)

Во текот на Втората светска војна, сојузнчиките заробеници добиваат наредба од јапонската војска да изградат железнички мост. Иако затворениците знаат дека се должни да ја саботираат изградбата на мостот, полковникот Николсон смета дека работата на мостот ќе помогне во подигнувањето на морлаот на заробениците во логорот. Николсон е човек кој стекнал почит од затворениците поради неговата храброст за време на мачењето, но постепено тој ја преиспитува својата одлука за учество во изградбата на мостот...