Зборувај со неа

„Зборувај со неа“
	Англиски постер за филмот
Режисер	Педро Алмодовар
Продуцент	Агустин Алмодовар; Мишел Рубен
Сценарист	Педро Алмодовар
Главни улоги	види подолу
Музика	Алберто Иглесијас
Кинематографија	Хавиер Агирресаробе
Монтажа	Хосе Салседо
Дистрибутер	Sony Pictures Classics; (USA); Ворнер Брос; (Шпанија); 20th Century Fox; (Аргентина); Pathé; (Франција)
Премиера	15 март 2002; 25 декември 2002 ; 25 декември 2002
Времетраење	112 мин.
Земја	Шпанија
Јазик	шпански
Буџет	n/a
Бруто заработка	51,001,550 долари (на светско ниво)

Зборувај со неа (шпански: Hable con ella) е филм на шпанскиот режисер Педро Алмодовар снимен во 2002 година. Филмот доби Оскар за најдобро сценарио и Златен глобус за најдобар странски филм.

Темите во филмот се потешкотии при комуникација со спротивниот пол, осаменост и интимност, тајни и неверства, и истрајноста на љубовта и покрај загубата.

Синопсис

Патиштата на Бенигно (буквален шпански превод – нештетен) и Марко за првпат се вкрстуваат на еден танц, а потоа тие ќе се запознаат во приватната клиника во која Бенигно работи. Тој работи како болничар чие задолжение е да се грижи за Алисија, прекрасна танчерка која е во кома, и која станала негова опсесија. Марко, новинар, доаѓа во клиниката да ја посети девојка си Лидија, познат матадор, која е исто така во кома по сериозна повреда од бик. Приказната на овие четири ликови и нивните врски се откриваат преку флешбекови. Марко ја остава Лидија откако нејзиниот претходен љубовник му кажува дека се вратиле заедно еден месец пред несреќата.

Марко ја напушта Шпанија и оди во Јордан да напише туристички водич, но таму во весник ќе прочита дека Лидија починала.

Во меѓувреме, Бенигно е обвинет дека ја силувал Алисија, која откриваат дека е бремена. Не се открива дали Бенигно навистина ја силувал, но тоа е очигледно. Бенигно е затворен во затвор во Сеговија, каде ќе испие голема доза на апчиња за и тој да падне во кома и со тоа да ѝ се придружи на Алисија. Но, апчињата го убиваат Бенигно. Алисија се буди од комата по раѓањето. Бебето е мртвородено, а Алисија оди на рехабилитација за повторно да може нормално да оди. Филмот завршува на една театарска претстава, каде Марко и Алисија се среќаваат.

Улоги

Хавиер Камара – Бенигно Мартин
Дарио Грандинети – Марко Сулоага
Леонор Ватлинг - Алисија
Росарио Флорес - Лидија Гонсалес
Мариола Фуентес - Роса
Хералдин Чаплин – Катерина Билова
Пина Бауш – Танчерка во „Кафе Милер“
Малу Аираидо – Балерина во „Кафе Милер“
Каетано Велосо – пејач на забавата
Роберто Алварез - Доктор
Елена Анаја - Анхела
Лола Дуењас - Матилде
Адолфо Фернандес – Нињо де Валенсија
Ана Фернандес - Сестра на Лидија
Чу Лампреав – Портир

Надворешни врски

Hable con ella на Семрежната филмската база на податоци
Club Cultura Website for the film - Hable con ella Архивирано на 5 јули 2008 г. (In Spanish - English and French options available)
Review by Ed Howard at Only The Cinema
Review and discussion at kamera.co.uk Архивирано на 31 јануари 2009 г.
Interview with Pedro Almodóvar about Talk to Her