Алехандро Гонсалес Ињариту
Алехандро Гонсалес Ињариту (роден на 15 август 1963 г.) — мексикански филмски режисер, сценарист, продуцент и поранешен композитор. Тој е првиот мексикански режисер номиниран за Оскар за најдобар режисер, за Вавилон (2007).
| Алехандро Гонсалес Ињариту | |
|---|---|
 Ињариту во 2014 година | |
| Роден(а) | 15 август 1963 Град Мексико, Мексико |
| Други имиња | Алехандро Г. Ињариту |
| Занимање |
|
| Активен период | 1984–сè уште |
| Сопружник | Марија Еладија Хагерман |
| Деца | 2 (син и ќерка) |
Потпис | |
Шест долгометражни филмови на Ињариту — Кучешка љубов (2000), 21 грам (2003), Вавилон (2006), Прекрасно (2010), Човекот-птица (2014), и Повратник (2015) — собраа позитивни критики и бројни признанија, вклучувајќи Оскар номинации и победи. Во 2015 година, Ињариту добил Оскари за најдобар режисер, најдобро оригинално сценарио, и најдобар филм за Човекот-птица. Следната година, тој го добил Оскарот за најдобар режисер за Повратник, со што станал само третиот режисер во историјата кој победил во категоријата две последователни години, и прв по 1950 година.
Рани години
уредиАлехандро Гонсалес Ињариту е роден во Град Мексико, како најмлад од седум деца во семејството на Луз Марија Ињариту и Хектор Гонсалес Гама.[1] Во периодот од 16 и 18 години тој пловел преку Атлантскиот Океан на товарен брод и патувал низ Африка и Европа.[2][3] Тој подоцна истакнал дека овие рани патувања имале големо влијание на него како режисер.[3] Настаните во неговите филмови често се случуваат на места кои тој ги посетил во овој период. По патувањата, Ињариту се вратил во Град Мексико и дипломирал на департманот комуникации на Ибероамериканскиот универзитет, еден од најпрестижните приватни универзитети во Мексико.[4]
Личен живот
уредиИњариту е венчан со Марија Еладија Хагерман која е уредник и графички дијзанер. Хагерман и Ињариту изгубиле новороден син во средината на 1990. години. Тие имаат син и ќерка.[5]
Тој е добар пријател со мексиканските режисери Гуљелмо дел Торо и Алфонсо Куарон, општо познати како „The Three Amigos of Cinema“.[6]
Ињариту изјавил, во однос на нелегалната имиграција, „Не постои човек кој, како резултат на желбата да изгради подобар живот, треба да се именува или прогласува за нелегален.“[7] Според Ињариту, планот на Доналд Трамп за изградба на ѕид на границата помеѓу САД и Мексико ќе го „предаде основањето на САД. Силата на САД лежи во различноста.“[8]
Филмографија
уреди| Год. | Филм | Режисер | Продуцент | Сценарист | Уредник | Белешка |
|---|---|---|---|---|---|---|
| 1996 | Ѕвоно | да | да | да | да | Краткометражен филм |
| 2000 | Кучешка љубов | да | да | не | да | |
| 2001 | Буре барут | да | не | да | да | Краткометражен филм |
| 2002 | Мексико | да | да | да | да | Краткометражен филм |
| 2003 | 21 грам | да | да | не | не | |
| 2006 | Вавилон | да | да | не | не | |
| 2007 | АНА | да | да | не | не | Краткометражен филм |
| 2008 | Рудо и Курси | не | да | не | не | |
| 2010 | Прекрасно | да | да | да | не | |
| 2012 | Наран Џа | да | да | не | не | Краткометражен филм[9] |
| 2014 | Човекот-птица | да | да | да | не | |
| 2015 | Повратник | да | да | да | не |
Наводи
уреди- ↑ Agencias / El Siglo De Torreón (August 15, 2014). „1963: El mundo recibe a Alejandro González Iñárritu, internacional cineasta mexicano“. Elsiglodetorreon.com.mx. Посетено на February 24, 2015.
- ↑ „Alejandro Gonzalez Iñárritu: What I've Learned“. Esquire. January 12, 2015. Посетено на March 8, 2015.
- ↑ 3,0 3,1 Tobias, Scott (December 3, 2003). „Alejandro González Iñárritu“. The A.V. Club. Посетено на March 8, 2015.
- ↑ „Alejandro González Iñárritu“. Encyclopædia Britannica. Посетено на March 8, 2015.
- ↑ „In 'Birdman,' Alejandro G. Inarritu takes his doubts and lets them fly“. Los Angeles Times. 10 October 2014. Посетено на 12 July 2015. Не се допушта закосување или задебелување во:
|publisher=(help) - ↑ „Three amigos change face of Mexican film“.
- ↑ „'Birdman' Director Blasts Donald Trump Over Immigration Policy“. Rolling Stone. 9 November 2015.
- ↑ „'Revenant' director Iñárritu makes history, blasts Trump“. New York Post. 7 February 2016.
- ↑ Naran Ja. YouTube. https://www.youtube.com/watch?v=6kR9RHeGacI.
Надворешни врски
уреди| „Алехандро Гонсалес Ињариту“ на Ризницата ? |
- Алехандро Г. Ињариту на
Семрежната филмска база на податоци (англиски)
- Алехандро Гонсалес Ињариту — AllMovie (англиски)