Трката била освоена од 22-годишниот возач на Тим Инеос, Павел Сиваков од Русија, по второто место на првата планинска етапа и завршувањето со групата на последната етапа. Сиваков ја презел водечката маичка по последната етапа, откако претходниот предводник Јонас Вингегор претрпел големи загуби. Сиваков завршил пред Џеј Хиндли од Тим Санвеб на шестата етапа и ја претекнал Австралиецот за 2 секунди, благодарение на временските бонуси. Диего Улиси од ОАЕ Тим Емирати го заокружил подиумот, 10 секунди зад Хиндли и 12 секунди зад Сиваков.
Кај другите пласмани, бодовниот пласман го освоил Марк Саро од Групама-ФДЖ, кој завршил трипати меѓу првите десет и останал на трката до крајот, додека другите спринтери се повлекле. Зимон Гешке од Ванти-Гобер го освоил планинскиот пласман, претекнувајќи го Томаш Марчињски на последниот ден по голема борба во рамки на бегството, додека Шарл Плане од Тим Ново Нордиск ја освоил пласманот за активен возач, откако бил во бегство на четири од шест друмски етапи и не го предводел пласманот само еден ден. Завршувајќи како деветти во генералниот пласман, возачот на Бора-Хансгрое, Рафал Мајка ја освоил наградата за највисоко пласиран полски возач, додека екипниот пласман ја освоил Тим Инеос.
Трката била нарушена од смртта на возачот на Лото-Судал, Бјорг Ламбрехт, откако паднал на третата етапа, удирајќи во бетонска банкина и умирајќи при операција во болница, каде бил пренесен со амбулантно возило.[3] Четвртата етапа не била од натпреварувачки карактер; туку, била скратена и возена како велосипедски марш.[4]
Бидејќи Трката околу Полска е настан од Светската турнеја, сите осумнаесет UCI World Tour екипи биле автоматски поканети и се обврзани да учествуваат на трката.[5] Покрај полската национална екипа, уште три други професионални континентални екипи настапиле – Кофидис, Гаспром-РусВело and Тим Ново Нордиск, со што главната група имала 22 екипи.[6][7] Со исклучок на Трек-Сегафредо, кои имале шест возачи, секоја екипа настапила со седум возачи, со што на трката имало 153 возачи.[7] Од нив, 110 возачи на крајот ја завршиле трката.
На Трката околу Полска 2019 биле доделени четири различни маички. Генералниот пласман бил пресметуван преку додавање на завршните времиња на секој возач по секоја етапа, дозволувајќи временски бонуси за првите тројца на средните спринтови (три секунди за првиот, две секунди за вториот и една секунда за третиот) и на крајот на сите етапи: етапниот победник освојувал десет секунди бонус, додека вториот и третиот, шест и четири секунди соодветно.[8] Предводникот на генералниот пласман ја добивал жолтата маичка;[9] бил сметан за најважен пласман на Трката околу Полска 2019 и победникот на пласманот бил сметан како победник на трката.
Постоел и планински пласман, каде што водството било означено со виолетова маичка.[9] Во планинскиот пласман бодови се добивале со пристигнување прв на врвот на некое искачување пред другите. Секое искачување било категоризирано од прва, втора, трета или четврта категорија, каде што повеќе бодови имало на повисоките категоризирани искачување. Удвоени бодови се добивало на искачувањето на премиер прва категорија на завршната етапа.[10]
Дополнително, постоел и спринтерски пласман, каде се доделувала белата маичка.[9] Во боводниот пласман, велосипедистите добивале бодови ако завршиле меѓу првите дваесет на етапата.[11] За победа на етапата се освојувало 20 бода, со еден бод помалку до 1 бод за 20. место.[11] Четвртата и последна маичка го претставувала пласманот за активен возач, означен со сина маичка.[9] Ова било одлучувано на средните спринтови, каде што се доделувале бодови во скалата 3-2-1.[10]
Постоел и пласман за полски возачи.[12] Се пресметувал и екипен пласман,[13] каде што се земале времињата на најдобрите тројца возачи од секоја екипа по секоја етапа; водечката екипа на крајот на трката била онаа со најмало вкупно време.
На етапите 2 и 3, Фернандо Гавирија, кој бил втор во бодовниот пласман, ја носел белата маичка, бидејќи првопласираниот Паскал Акерман ја носел жолтата маичка како предводник на генералниот пласман. Поради истата причина, Дани ван Попел ја носел белата маичка на етапите 4 и 5, а Лука Мезгец ја носел белата маичка на шестата етапа.
На етапите 3, 4 и 5, Павел Франчак, кој бил втор во пласманот за активен возач, ја носел сината маичка, бидејќи првопласираниот Шарл Плане ја носел виолетовата маичка како предводник на планинскиот пласман.
_Tour_de_Pologne_stage_5_Bielsko-Bia%C5%82a.jpg)
Полска
Павел Сиваков (Инеос Гренадиерс) 
Џеј Хиндли (Тим ДСМ) 
Диего Улиси (ОАЕ Емирати) 
Зимон Гешке (ССС Team) 
Марк Саро (Групама-ФДЖ) .svg){kind=small}
Инеос 
_pictogram.svg){kind=small}
Лука Мезгец 
Јонас Вингегор 
.svg){kind=small}
