Локални избори во Македонија (2017)

Локални избори во Македонија во 2017 година — избори кои се одржале на 15 октомври 2017 година со цел избирање на советници и градоначалници во 80 општини во Република Македонија и во градот Скопје. Изборите биле распишани на 6 август 2017 од собранискиот претседател Талат Џафери. Листи со кандидати за градоначалници и советници поднеле 19 партии и коалиции, како и 64 групи избирачи. Изборната кампања траела од 25 септември до 13 октомври, а гласање во прв круг имало на 3.480 избирачки места на територијата на Македонија. Право на глас имале 1.814.644 граѓани запишани во избирачкиот список.

Локални избори во Македонија (2017)

15 и 29 октомври 2017

80 општини и Град Скопје   Прва партија Втора партија Трета партија   Партија СДСМ ДУИ ВМРО ДПМНЕ Последни избори 4 14 56 Освоени места 57 10 5 Промена во местата ▲ 53 ▼ 4 ▼ 51   Четврта партија Петта партија Шеста партија   Партија АА БЕСА ДПА Последни избори – – 2 Освоени места 3 1 1 Промена во местата ▲ 3 ▲ 1 ▼ 1

Во првиот круг, градоначалници биле избрани во 45 општини, а во 35 општини имало втор круг. СДСМ во првиот круг победиле во 37 општини и во Град Скопје, ВМРО-ДПМНЕ победиле во 3, а ДУИ во 2 општини. Во вториот круг, СДСМ победиле во 19 општини, ДУИ во 8, АА во 3, ВМРО-ДПМНЕ во 2, додека Беса и ДПА во по 1 општина.

Позадина

На локалните избори се избирало помеѓу 260 кандидати за 81 градоначалничко место. Од нив, 196 биле кандидати предложени од партии или коалиции, а 64 биле независни кандидати. Карактеристична била родовата нееднаквост, бидејќи само 15 од кандидатите биле жени (6%), додека останатите 245 кандидати (94%) биле мажи. Најголема конкуренција имало за градоначалничкото место во Скопје, каде се избирало помеѓу осум кандидати. Во 36 општини имало само по двајца кандидати, најчесто СДСМ против ВМРО-ДПМНЕ. Помеѓу кандидатите имало многу актуелни градоначалници. Двајца од нив, Трајче Димитриев во Демир Капија и Исмаил Јахоски во Пласница, се бореле за петти мандат. Уште осум градоначалници што отслужиле три мандати, се бореле за четврт.

Резултати за градоначалници по општина

Карта на резултатите од локалните избори за избор на градоначалник.

Карта на резултатите од првиот круг на локалните избори за избор на градоначалник.

Карта на резултатите од вториот круг на локалните избори за избор на градоначалник.

Грб	Општина	Број на гласачи	Победник	Освоени гласови	% на освоени гласови	Партија
	Скопје (детали)	461.312	Петре Шилегов	141.164	50,33%
	Аеродром	65.910	Златко Марин	22.559	52,19%
	Арачиново	9.366	Миликије Халими	3.067	58,81%
	Берово	11.169	Звонко Пекевски	5.006	63,33%
	Битола	83.692	Наташа Петровска	31.337	59,77%
	Богданци	6.890	Блаже Шапов	2.800	55,37%
	Боговиње	27.237	Аљбон Џемаили	6.430	53,70%
	Босилово	12.323	Зоран Зимбаков	4.075	53,80%
	Брвеница	15.186	Енвер Пајазити	3.871	55,38%	независен
	Бутел	33.275	Велимир Смилевски	9.993	57,02%
	Валандово	10.125	Перо Костадинов	4.074	55,31%
	Василево	10.451	Марјан Јанев	3.604	52,52%
	Вевчани	2.069	Сашо Јанкоски	870	53,15%
	Велес	46.612	Аце Коцевски	15.962	53,51%
	Виница	17.365	Ивица Димитров	5.570	52,23%
	Врапчиште	25.377	Исен Шабани	5.642	51,25%
	Гази Баба	61.831	Борис Георгиевски	17.173	53,57%
	Гевгелија	19.413	Сашо Поцков	8.345	54,55%
	Гостивар	79.632	Арбен Таравари	16.920	50,12%
	Градско	3.152	Роберт Бешовски	1.211	53,51%
	Дебар	18.425	Ружди Љата	4.430	52,04%
	Дебрца	4.625	Зоран Ногачески	1.785	56,70%
	Делчево	15.032	Горан Трајковски	5.100	55,40%
	Демир Капија	3.405	Лазар Петров	1.627	56,12%
	Демир Хисар	7.313	Марјанче Стојановски	3.185	55,43%
	Дојран	2.755	Анго Ангов	1.258	58,19%
	Долнени	11.526	Џемил Ќамили	3.844	53,93%
	Ѓорче Петров	37.797	Александар Наумоски	13.155	53,75%
	Желино	23.063	Блерим Сејди	5.443	51,27%
	Зелениково	3.779	Борче Гиевски	1.532	59,22%
	Зрновци	2.628	Блаже Станков	944	57,11%
	Илинден	14.042	Жика Стојановски	5.235	57,34%
	Јегуновце	10.268	Дарко Блажески	2.739	61,79%
	Кавадарци	32.706	Митко Јанчев	13.180	52,65%
	Карбинци	3.272	Јордан Насев	1.390	56,94%
	Карпош	53.906	Стефан Богоев	21.278	57,70%
	Кисела Вода	53.090	Филип Темелковски	16.207	54,89%
	Кичево	50.616	Фатмир Дехари	17.116	60,36%
	Конче	2.781	Благој Илиев	1.182	55,23%
	Кочани	33.280	Николчо Илијев	11.622	55,80%
	Кратово	8.285	Љупчо Бојаџиев	3.384	57,11%
	Крива Паланка	17.162	Борјанчо Мицевски	7.467	57,97%
	Кривогаштани	4.859	Рубинчо Шефтероски	2.002	53,90%
	Крушево	8.065	Томе Христоски	3.638	60,63%
	Куманово	92.764	Максим Димитриевски	26.289	52,53%
	Липково	25.105	Еркан Арифи	6.656	58,55%
	Лозово	2.072	Ацо Велковски	910	55,18%
	Маврово и Ростуше	9.847	Медат Куртовски	2.013	55,85%
	Македонска Каменица	6.764	Соња Стаменкова	2.714	54,24%
	Македонски Брод	5.257	Живко Силјаноски	2.679	66,46%
	Могила	5.554	Јасмина Гулевска	1.913	51,22%
	Неготино	16.084	Тони Делков	6.455	51,44%
	Новаци	3.079	Љубе Кузманоски	1.183	53,00%
	Ново Село	11.452	Боро Стојчев	3.005	52,13%
	Охрид	52.858	Јован Стојаноски	18.262	54,07%
	Петровец	7.642	Борче Митевски	3.197	62,05%
	Пехчево	4.261	Драган Тренчовски	1.680	52,65%
	Пласница	4.969	Исмаил Јахоски	1.449	59,12%
	Прилеп	64.985	Илија Јованоски	23.607	51,07%
	Пробиштип	12.931	Драган Анастасов	5.198	52,27%
	Радовиш	24.404	Герасим Конзулов	7.443	50,13%
	Ранковце	3.096	Ивица Тошевски	1.472	58,27%	независен
	Ресен	17.119	Живко Гошаревски	5.537	55,02%
	Росоман	3.411	Бранко Јанев	1.518	54,23%
	Сарај	30.942	Блерим Беџети	8.896	52,26%
	Свети Николе	14.893	Сашо Велковски	5.415	50,17%
	Сопиште	4.972	Стефче Трпковски	1.752	50,84%
	Старо Нагоричане	3.431	Жаклина Јовановска	1.379	65,36%
	Струга	60.575	Рамиз Мерко	13.945	49,53%
	Струмица	49.318	Коста Јаневски	18.502	59,45%
	Студеничани	15.378	Азем Садику	4.161	52,17%
	Теарце	22.028	Исен Асани	4.686	51,64%
‎	Тетово	82.887	Теута Арифи	18.136	49,09%
	Центар	43.505	Саша Богдановиќ	17.916	63,47%
	Центар Жупа	6.810	Аријан Ибраим	1.688	70,48%
	Чаир	57.767	Висар Ганиу	13.987	48,92%
	Чашка	6.017	Горан Стојановски	2.253	69,58%
	Чешиново-Облешево	5.704	Горанчо Крстев	2.155	49,91%
	Чучер-Сандево	7.560	Јован Пејковски	2.486	51,40%	независен
	Штип	42.159	Благој Бочварски	15.078	51,54%
	Шуто Оризари	23.289	Курто Дудуш	4.936	57,61%

Советнички места

Освоени советнички места Политичка партија Бр. на советници СДСМ    552 ВМРО-ДПМНЕ    432 ДУИ    133 БЕСА    63 АА (ДР-ДПА)    63 Независни советници    37 ДПА    18 ДПТМ    17 НДМ    7 СРМ    7 ДУИ-БЕСА-АА    4 ДНЕТ    3 ЛЕВИЦА    3 ГРОМ    3 БЕСА-АА    2 АА (НДП и Единство)    2 ПДП    1

Реакции по изборите

Политичар	Изјава
Зоран Заев	„Најважно е што граѓаните победија. Им порачувам на советниците и градоначалниците дека ерата на локални шерифи заврши. Обврската сега е поголема. Во Македонија има живот за сите. Сега нема изговор. Засукуваме ракави за сите граѓани во нашата убава Македонија. Народот тоа го заслужува. Заедно сме сплотени во едно општество за сите, само сплотени и Македонија ќе оди напред. Им порачувам на сите носители на функции, внимателно да си го слушаме народот. Ветивме ќе бидеме сервис на граѓаните, како тие ќе диктираат, ние ќе работиме.“
Никола Груевски	„Ќе се анализираат сите аспекти на денешните резултати, со цел да се утврди покрај сите масовни нерегуларности, што друго од нашата страна беше недоволно добро или погрешно направено заради што не добивме подобар резултат на овие избори. Јас како претседател на партијата секако имам највисока одговорност за изборните резултати што и претходно го кажав. За сето тоа, за причините, за резултатите и идниот правец ќе се дискутира во периодот веднаш по завршување на изборите.“
Али Ахмети	„Сигурно дека при ваквата голема победа има одредени изгубени битки, но тоа не значи дека е изгубена целата војна, како што е случајот со Гостивар. ДУИ е голема партија и така што и во случаите во општините Врапчиште, Желино и Боговиње, каде победил еден од другите кандидати ќе им помага, како што им помагаме на нашите кандидати.“
Зијадин Села	„Не го признаваме овој резултат. Имајќи предвид дека демократијата е волјата на мнозинството, а мнозинството во Струга е на албанското население, во сите албански села 100 проценти и кај албанското гласачко тело го имаме победено ДУИ и тоа со длабок резултат од два спрема еден. Не сме ги изгубиле изборите. Напротив, ако некој сакал да удира врз мојот легитимитет како претседател на Алијансата на Албанците ме направиле уште посилен.“
Биљал Касами	„Во Македонија згасна една партија на Албанците и сега ДУИ слободно може да се смета за огранок на СДСМ. ДУИ победи со гласовите на СДСМ, но ние победивме во сите општини со гласовите на Албанците.“

Надворешни врски

• Локални избори 2017, Државна изборна комисија на Македонија
• „СДСМ – 415.726, ВМРО-ДПМНЕ – 335.054 (ИЗВОР: ДИК)“, „Сакам да кажам“, 16 октомври 2017.