Општина Сопиште

Општина Сопиште — рурална општина во Македонија во Скопскиот Регион. Седиште на општината е селото Сопиште.

Општина Сопиште
Општина
Знаме Грб
Држава	Македонија
Регион	Скопски
Година кога е основана со закон	1945 (како месен народен одбор), 1996
Седиште	Сопиште
Населени места	Список Селата: Барово, Говрлево, Горно Соње, Добри Дол, Долно Соње, Држилово, Јаболци, Нова Брезница, Патишка Река, Ракотинци, Света Петка, Сопиште, Чифлик
Управа
• Градоначалник	Стефче Трпковски
Површина
• Вкупна	25,47 км2 (9,83 ми2)
Население (2021)
• Вкупно	6.713
• Густина	260/км2 (680/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+02
Регистарски таблички	SK
Мреж. место	opstinasopiste.gov.mk

Општината била првпат основана во 1996 година, откако дел од скопската општина Кисела Вода се отцепил. Во 2004 година, мал дел од Сопиште повторно преминал во територијата на Кисела Вода.

Сопиште зафаќа површина од 222,1 км². Се граничи со општините Македонски Брод, Студеничани, Желино и со општина Град Скопје. Поделена на 13 населени места, кои сите се села. Релјефот кој влегува во територијата на општината е претежно планински, и ридски. Сопиште се наоѓа на јужната страна на планината Водно. Географски, територијата на општината е карактеризирана претежно со шуми, ливади, полиња, пасишта, карпи и мал број на пештери.

Во Сопиште живеат околу 6 илјади жители, а густината на населението зафаќа околу 25 жители/1 км². Мнозинството од населението се Македонци и Албанци, кои зафаќаат околу 90% од населението. Останатиот дел се Турци, Срби и Власи. Службените јазици на општината се македонскиот и албанскиот.

Градоначалник на општината е Стефче Трпковски, од редовите на ВМРО-ДПМНЕ, кој стапил на должноста по локалните избори од 2013 година. Општинскиот совет е составен од 11 члена.

Голем број на населени места во општината, како што е селото Долно Соње, постоеле од XIX век, во времето на Отоманската Империја. Во селото Говрлево се наоѓаат и археолошки наоѓалишта.

Карта на Општина Сопиште со селските атари.

Демографска карта на Општина Сопиште со селските атари.

Географија

Поглед кон областа Каршијак која претежно се поклопува со општината

Општина Сопиште се наоѓа на јужната страна на планината Водно, на координати 42` и 20`. Прекрасен амбиент се граничи со општините Кисела Вода, Центар, Студеничани и Сарај. Патно е поврзана со пат кој доаѓа од Скопје преку Кисела Вода и продолжува кон Батинци и Македонски Брод.

Демографија

На пописот од 2002 година, Општина Сопиште има 5.656 жители (1.510 домаќинства, 3.398 станови), кои живеат во 13 населени места од збиен тип, со отсуство на класичен урбан центар.

Во општината постојат следните населени места: Сопиште (1.365 жители), Ракотинци (394), Добри Дол (431), Долно Соње (707), Горно Соње (240), Барово (24), Говрлево (31), Чифлик (664), Света Петка (718), Јаболци (44), Нова Брезница (89), Држилово (365) и Патишка Река (584).

Во минатото поради депопулационата политика кон селата имало големо движење од селата кон градот. Денес евидентно е враќањето на населението во селата делумно предизвикано од ослабената економска состојба, но и од наметнатиот нов тренд на живеење значајна е и миграцијата град-село кое население останува како постојано жителство во рамките на нашата општина со што се создаваат населби од урбан карактер.

Бројот на населението во општина Сопиште е релативно стабилен, со тенденција на бавен природен прираст. за разлика од високиот природен прираст од минатото, којшто денес е во процес на опаѓање и стационарно експанзивната старосна структура се должи на две одлики на населението на општината.

- висок природен прираст во четири населби од муслиманска вероисповед.

- демографската стабилност на населението во некои од населбите во приградската зона на Скопје каде степенот на регресија на населението е правопропорционално со оддалеченоста од Скопската агломерација и отсуството на функционално-привлечни фактори.

Статистика

Вкупно население на општината по поделбата од 2004 година изнесувало 5.656, од кои:

Народ	Број	Удел
Македонци	3.404	60,18%
Албанци	1.942	34,33%
Турци	243	4,30%
Срби	32	0,57%
Власи	4	0,07%
останати	31	0,55%

Сепак, според Законот за Град Скопје, каде се утврдени границите на скопските општини, дел од селото Сопиште потпаднало под Општина Кисела Вода и населението на селото се намалило од 5.325 на 1365. Тоа влијаело врз вкупното население на Општина Сопиште, и така од вкупното првично општинско население од 9.522 жители, паднало на 5.656 жители.

Народ	Врој	Удел
Македонци	7.216	75,7%
Албанци	1.942	20,3%
Турци	244	2,5%
Срби	58	0,60%
Власи	15	0,15%
останати	47	0,49%

Вероисповед	Вкупно
православни	6.829
муслимани	2.310
католици	6
протестанти	2
останати	375

Јазик	Вкупно
македонски	7.478
албански	1.944
турски	6
ромски	0
влашки	10
српски	49
бошњачки	0
останати	35

Општествени установи

Општината е неразвиена, како општествени институции се застапени:

• Општинска зграда
• Пошта
• Амбуланти
• Полициска станица
• Основно училиште

Историја

Општина Сопиште е создадена во 1996 година, откако дел од општината Кисела Вода се отцепил, создавајќи нова општина - Сопиште. Во 2004 година, мал дел од општината бил припоен повторно кон Општина Кисела Вода.

Самоуправа и политика

Градоначалник на општина Сопиште е Стефче Трпковски од редовите на ВМРО-ДПМНЕ. Тој бил реизбран на локалните избори од 2017 година за втор мандат од четири години. Советот на општина Сопиште е составен од 11 члена. Според последните локални избори од 2017 година, членовите на советот според политичката припадност за мандатот 2017-2021 се:

  ВМРО-ДПМНЕ: 6 места

  СДСМ: 3 места

  АА: 1 местo

  ДПА: 1 место

Поврзано

• Скопски Регион
• Општини во Македонија
• Скопје
• Сопиште

Надворешни врски

• Општина Сопиште во „АБВ - деловен именик“ Архивирано на 6 март 2016 г.
• Службено мрежно место
• Карта на Општина Сопиште на Google Maps.