Општина Демир Капија

Општина Демир Капија
Општина Демир Капија
	Општина
Знаме	Грб
Држава	Македонија
Регион	Вардарски
Година кога е основана	1913 (во рамки на Кралство Србија), 1996
Седиште	Демир Капија
Населени места	Список Градот Демир Капија и селата: Барово, Бесвица, Бистренци, Драчевица, Дрен, Иберли, Клисура, Кошарка, Копришница, Корешница, Прждево, Стрмашево, Челевец и Чифлик ;
Управа
• Градоначалник	Лазар Петров
Површина
• Вкупна	311,06 км2 (120,10 ми2)
Население (2021)
• Вкупно	3.777
• Густина	12/км2 (31/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+043
Регистарски таблички	DK
Мреж. место	opstinademirkapija.gov.mk

Општина Демир Капија — општина во југоисточна Централна Македонија со седиште во градот Демир Капија.

Географија

Историја

Археолошките испитувања досега немаат откриено кој би го потврдил името на античката населба која се наоѓа во Демир Капија. Единственото расположливо име кое го имаме е Стене, кое на коинê јазикот значи „Теснец“, "Тесница", "Теснина" или „Клисура“. Другата можна етимологија на името е дека името е поврзано со зборот "σθένος" (стхенос / стенос), кој е исто така од коинê јазикот и значи "јачина", "сила", "моќ". Овој збор има сродност со тракискиот збор "стене", чие значење е "јак(а)" или "силен" / "силна", при што укажува дека можеби и тракискиот "стене" има врска со името на градот Стене.

Словенското име кое се задржало до средниот век е Просек, а подоцна турскиот назив Демир Капи, во превод Железна Врата.

Според досегашните наоди со сигурност може да се тврди дека на просторот пред тунелот, нешто јужно од денешна Демир Капија постоела една пајонска населба. Откриени се тврдини на брегот покрај клисурата како и гробна некропола кои се карактеристични за сите илирски и пајонски племиња во Македонија. Во средниот век крај денешна Демир Капија се споменува утврдениот град Просек - Теснина, кој се наоѓал на левата страна на Вардар. Самиот град имал голема улога на стратешко место поради што кон крајот на IX век Бугарите ја преземале оваа територија од Византија. Подоцна овој простор потпаѓа под власта на Цар Самуил а потоа повторно под Византија.

Некогашната градска населба е утврдена со ѕидини, а од јужната страна е природно заштитена.Во римскиот дел на градот се откриени остатоци од канализација, керамика, стакло и др.

На овој простор подоцна е подигната црква која најверојатно датира од IX - X век. Во времето кога македонските Словени го примале христијанството. Судејќи според пронајдените гробови и гробните наоди црквата била во употреба сè до XV век кога била урната и напуштена.

Демир Капија како видно стратешко место претставувала седиште на многу култури и нации кои оставиле зад себе белег кој денес ни помага да откриеме нешто повеќе за нив а со тоа да го збогатиме нашето културолошко знаење

Стопанство

Демографија

Според проценка од 2016, општина Демир Капија има 4.039 жители.^[2] Според пописот од 2002 година општината има 4.545

Народ	Вкупно	Удел (%)
Македонци	4.209	87,94
Албанци	15	0,51
Турци	225	7,57
Роми	11	0,35
Власи	0	0,00
Срби	54	2,91
Бошњаци	1	0,02
останати	30	0,70

Вероисповед	Вкупно
православни	4.104
муслимани	409
католици	7
протестанти	0
останати	25

Јазик	Вкупно
македонски	4.209
албански	15
турски	225
ромски	11
влашки	0
српски	54
бошњачки	1
останати	30

Општествени установи

Самоуправа и политика

Градоначалник на општина Демир Капија е Лазар Петров од редовите на СДСМ. Тој бил избран на локалните избори од 2017 година за мандат од четири години.^[3] Советот на општина Демир Капија е составен од 9 члена. Според последните локални избори од 2017 година, членовите на советот според политичката припадност за мандатот 2017-2021 се:

СДСМ: 5 места

ВМРО-ДПМНЕ: 4 места

Културни и природни знаменитости

Редовни настани

Личности

Култура и спорт

Иселеништво

Наводи

↑ „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.
↑ „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.^{[мртва врска]}
↑ „Заклучок за конечност на резултати од гласањето во вториот круг на Локалните избори 2017“. Државна изборна комисија на Македонија. Посетено на 3 декември 2017.

Надворешни врски

Портал на Демир Капија Архивирано на 16 мај 2014 г.
Општина Демир Капија во „АБВ - деловен именик“ Архивирано на 6 април 2016 г.

[попис2021-1] „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.

[ДЗС-2] „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.^{[мртва врска]}

[3] „Заклучок за конечност на резултати од гласањето во вториот круг на Локалните избори 2017“. Државна изборна комисија на Македонија. Посетено на 3 декември 2017.

[1]

[2]

[3]