Општина Шуто Оризари

Општина Шуто Оризари
Општина Шуто Оризари
	Општина
Знаме	Грб
Држава	Македонија
Регион	Скопски
Посебна единица	Град Скопје
Година кога е основана со закон	1996
Седиште	Шуто Оризари
Населени места	Список Скопје (со населбите Шуто Оризари и Долно Оризари) и Горно Оризари ;
Управа
• Градоначалник	Курто Дудуш
Површина
• Вкупна	7,48 км2 (2,89 ми2)
Население (2021)
• Вкупно	25.726
• Густина	3,400/км2 (8,900/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+02
Регистарски таблички	SK
Мреж. место	sutoorizari.gov.mk

Општина Шуто Оризари — општина во состав на Град Скопје и единствена ромска општина во светот во која Ромите имаат свој градоначалник и можат да ги остваруваат своите национални права. Општината се наоѓа во северниот дел на територијата на градот Скопје. Градоначалник на општината е Курто Дудуш-Куцо. Центар на општината е истоимената населба.

Географија

Општината се граничи со Општина Бутел на југ и Општина Чучер-Сандево кон север.

Историја

Шуто Оризари почна да се развива по катастрофалниот земјотрес од 1963 г. По обновата на Скопје и неговата околина на местото на денешниот населбата започнува да се населува претежно ромското население. Денеска Шуто Оризари е едно од периферијата на денешно Скопје.Со Постепено Обликување на населбата,Општината Шуто Оризари почнува да добива изглед на урбанизирано приградско соседството .Со тек на време Шуто Оризари се здобива со свои административни и културни институции. Во 1996 година Шуто Оризари заедно со двете села околу него — Горно и Долно Оризари, формираат самостојна административна единица — општината Шуто Оризари.

Стопанство

Демографија

Според последниот попис од 2021 , Општина Шуто Оризари брои 25,726 луѓе од кои:

Народ	Вкупно	Удел (%)
Роми	15,359	59.70%
Албанци	8,970	34.87%
Македонци	1,083	4.21%
Бошњаци	127	0.49%
Турци	102	0.40%
Срби	24	0.09%
Други	61	0.24%

Вероисповед според последниот попис од 2021,

Вероисповед	Вкупно	Удел (%)
муслимани	23,703	92.14%
православни	1,315	5.11%
Други Христијани	536	2.08%
Други	172	0.67%

Говорници според последниот попис од 2021,

Јазик	Вкупно
ромски	15,263
албански	8,946
македонски	1,151
бошњачки	124
турски	121
српски	25
останати	96

Општина Шуто Оризари зафаќа површина од 7,48 км² и има густина на населеност од 2.780,75 жит/км². Во состав на општината влегува селото Горно Оризари.

Општествени установи

Во Општина Шуто Оризари има 2 основни училишта. Едното од нив се вика „Браќа Рамиз и Хамид“ каде учениците освен што учат на македонски јазик, имаат предмет ромски јазик. Другото училиште е „26 Јули“ каде се учи на албански јазик. Во општината има и амбуланта каде се лекуваат скоро сите жители од Шуто Оризари но и од околните села Бразда, Кучевиште, Побожје итн. Има и народна кујна каде посиромашните жители на општината се зачленети и земаат храна од понеделник до петок.

Самоуправа и политика

Поради демографијата, ромскиот и македонскиот се службени јазици во Шуто Оризари. Албански, исто така, се зборува, но тој не е службен јазик. Градоначалникот на општината, Курто Дудуш, е етнички Ром. Во 2009 година, владата на Република Македонија презела дополнителни мерки за да се зголеми вклучувањето на Ромите во образовниот процес: На 10 февруари 2009 година бил поставен камен-темелник, финансиран од владата, за изградба на средно училиште.

Во 2017 година, општината имала вкупно 314 вработени, од кои 18 биле вработени во општинската администрација, а останатите во општинските јавни претпријатија.^[2] Градоначалник на општина Шуто Оризари е Курто Дудуш од редовите на Лдп и Дом. Тој бил избран на локалните избори од 2017 година и локалните избори од 2021 година по што тој доби втор мандат од четири години.^[3] Советот на општина Шуто Оризари е составен од 19 члена. Според последните локални избори од 2021 година, членовите на советот според политичката припадност за мандатот 2021-2025 се:

СДСМ: 8 места

СРМ: 7 места

ДУИ: 2 места

АА: 1 место

БЕСА: 1 место

Културни и природни знаменитости

Редовни настани

Личности

Амди Бајрам — политичар и поранешен градоначалник на општината.

Култура и спорт

Иселеништво

Наводи

↑ „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.
↑ „Мора ли Шилегов да прима 101 нов работник, кога на располагање има 7.620?“, Скопско Ехо, бр. 75, 7.6.2018, стр. 4-5.
↑ „Заклучок за конечност на резултати од гласањето во вториот круг на Локалните избори 2017“. Државна изборна комисија на Македонија. Посетено на 3 декември 2017.

Надворешни врски

[попис2021-1] „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.

[2] „Мора ли Шилегов да прима 101 нов работник, кога на располагање има 7.620?“, Скопско Ехо, бр. 75, 7.6.2018, стр. 4-5.

[3] „Заклучок за конечност на резултати од гласањето во вториот круг на Локалните избори 2017“. Државна изборна комисија на Македонија. Посетено на 3 декември 2017.

[1]

[2]

[3]