Општина Аеродром
Општина Аеродром — скопска општина. Формирана е со одделување од Општина Кисела Вода, според новата територијална организација предвидена со законот од 2004 година на 12 април 2005 година, кога за првпат е одржана седница на Советот на општината.[2] Претходно, територијата на Општина Аеродром била во рамките на Општина Кисела Вода. Општина Аеродром официјално била прогласена за општина во 2013 година.
| Општина Аеродром | |||
|---|---|---|---|
| Општина | |||
| |||
 | |||
| Држава | Македонија | ||
| Седиште | Град Скопје | ||
| Населени места | Список
| ||
| Управа | |||
| • Градоначалник | Тимчо Муцунски | ||
| Површина | |||
| • Вкупна | 21,85 км2 (8,44 ми2) | ||
| Население (2021)[1] | |||
| • Вкупно | 77.735 | ||
| • Густина | 3,600/км2 (9,200/ми2) | ||
| Часовен појас | CET (UTC+01:00) | ||
| • Лете (ЛСВ) | CEST (UTC+02:00) | ||
| Повикувачки број | +02 | ||
| Регистарски таблички | SK | ||
| Мреж. место | aerodrom.gov.mk | ||
Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете. |
Име на општинатаУреди
Името на Општината е добиено по воениот аеродром, кој се наоѓал кај поликлиниката „Јане Сандански” и касарната „Гоце Делчев”.
Како најново и најсовремено превозно средство, авионите последни биле вклучени во сообраќајот во Скопје. Аеродромот бил наречен „Скопје”, а се наоѓал сосема на крајот од градот, кај денешната населба „Аеродром“.
Првиот патнички авион слетал во Скопје на 15 јуни 1928 година. Авионот бил од типот „Потез-29”, а превезувал пет патници.
Во 1929 година била воспоставена авионска линија Солун-Скопје-Белград. Времето на тргнување било така планирано што на патниците и трговците од Солун им овозможувало заштеда на време. Авионите поаѓале од Скопје во 07:00 часот наутро.
Прв пилот бил М. Јерошенко.
Есента во 1926 година бил одржан првиот аеромитинг со учество на воени авиони и пригодна програма. Секоја година се одржувале аеромитинзи на Зајчев рид и во стариот Аеродром. Покана од аеродромот „Скопје“ до Скопското научно друштво за прослава на славата Св. Илија во 1938 година. Посетителите на аеромитинзите за 30 динари можеле да пробаат да летаат со авион. Како куриозитет старите скопјани го сметаат слетувањето на Еми Џонсон, една од првите жени-пилоти во светот, на скопскиот аеродром во 1930 година при нејзиното враќање од Австралија за Лондон.
Во 1937 година, во договор со авионското друштво „Аеропут” и Сидна, Министерството за сообраќај воспоставило авионски сообраќај со Кралството Југославија и со странство. Со оваа линија стигнувал и весникот „Правда” од Белград.
Аеродромот бил бомбардиран од нацистичка Германија во април 1941 година.
Од 1924 до 1931 година се одржувале фудбалски натпревари помеѓу маалата. Клубот „Славија” бил формиран од трите спортски клубови „Југ”, „Победа” и „Славија”, кои настапувале под името Железнички клуб „Славија” ЖКС.
ГеографијаУреди
Граници на општината се следните: од мостот на железничката пруга на реката Вардар – тромеѓе на Општина Аеродром, Центар и Гази Баба и се движи долж Транспортен центар „Скопје”, железничката пруга во правец кон Велес до мостот Маркова река, продолжува по надворешната граница на катастарска општина Долно Лисиче до реката Вардар и свртува спротивно до мостот на железничката пруга на реката Вардар.
Територија на општината е 20 км2, од кои урбан дел е 10,4 км2 или 60%, а рурално земјиште 9,6 км2 или 40%.
СтопанствоУреди
Број на фирми:
- 6.788 регистрирани деловни субјекти со пријавени работници (податокот е од Агенција за вработување).
ДемографијаУреди
Вкупен број на население: 77.735 жители.[3]
Пол:
Националност:
- Македонци: 66.245 - 85.22%[3]
- Срби: 2.155 - 2.77%[3]
- Албанци: 851 - 1.09%[3]
- Власи: 652 - 0.84%[3]
- Турци: 464 - 0.60%[3]
- Роми: 459 - 0.59%[3]
- Бошњаци: 403 - 0.52%[3]
- Други: 1.157 - 1.49[3]
- Не се изјасниле: 5.349 - 6.88%[3][б 1]
Образование (за лица над 15 години):
- без основно: 488[се бара извор]
- некомплетно основно: 2264[се бара извор]
- основно: 9254[се бара извор]
- средно: 35078[се бара извор]
- вишо: 2535[се бара извор]
- високо: 10603[се бара извор]
- магистри: 417[се бара извор]
- доктори: 274[се бара извор]
- возрасни кои учат ОУ: 20[се бара извор]
(невработени 13.000; 10% ВСС); домаќинства 21.495; станови (живеалишта) 23.754[се бара извор]
Спроед податоците заклучно со 2011 година, вкупниот број на ученици во Општина Аеродром во 2011 се зголемил за 9,9 % во однос на вкупниот број на ученици во 2007. Аеродром е прва општина по зголемувањето на вкупниот број на ученици.[4]
Според пописот од 2021 г.[5] општината брои 81.338 жители, и со тоа е една од поголемите општини по населеност во земјата.
| Народ | Број | Удел (%) |
|---|---|---|
| Македонци | 69.278 | 85,17 |
| Албанци | 1.010 | 1,24 |
| Турци | 519 | 0,64 |
| Роми | 495 | 0,61 |
| Власи | 673 | 0,83 |
| Срби | 2.236 | 2,75 |
| Бошњаци | 452 | 0.56 |
| Други неспомнати | 1.305 | 1,60 |
| Не се изјасниле | 68 | 0,08 |
| Непознато | 54 | 0,07 |
| Лица за кои податоците се преземени
од административни извори |
5.248 | 6.45 |
Општествени установиУреди
Самоуправа и политикаУреди
Во 2017 година, општината имала вкупно 976 вработени, од кои 109 биле вработени во општинската администрација, а останатите во општинските јавни претпријатија.[6] Градоначалник на општина Аеродром е Златко Марин од редовите на СДСМ. Тој бил избран на локалните избори од 2017 година за мандат од четири години.[7] Советот на општина Аеродром е составен од 27 члена. Според последните локални избори од 2017 година, членовите на советот според политичката припадност за мандатот 2017-2021 се:
Досегашни градоначалнициУреди
Досегашни градоначалници на Општина Аеродром биле:[8]
- Кирил Тодоровски (2005-2009)
- Југослав Зибероски (заменик-градоначалник 2008)
- Ивица Коневски (2009-2017)
Културни и природни знаменитостиУреди
Редовни настаниУреди
ЛичностиУреди
Култура и спортУреди
ИселеништвоУреди
БелешкиУреди
- ↑ Лица за кои податоците се превземени од административни извори (Голем дел од нив се по националност Македонци, но одлучиле да го бојкотираат пописот)
НаводиУреди
- ↑ „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.
- ↑ „Општина Аеродром, Портрет“. Завод за статистика на Македонија. 2005. Архивирано од изворникот на 2017-04-07. Посетено на 23 мај 2013.CS1-одржување: бот: непознат статус на изворната URL (link)
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 „Попис 2021“ (PDF).
- ↑ Во основните училишта за 10 години дури 46.500 ученици помалку
- ↑ „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.[мртва врска]
- ↑ „Мора ли Шилегов да прима 101 нов работник, кога на располагање има 7.620?“, Скопско Ехо, бр. 75, 7.6.2018, стр. 4-5.
- ↑ „Мандати за градоначалници и совет во РМ – Локални избори 2017“. Државна изборна комисија на Македонија. Посетено на 18 октомври 2017.
- ↑ „Општина Аеродром, Досегашни градоначалници“
Надворешни врскиУреди
| „Општина Аеродром“ на Ризницата ? |
- Портал на Општина Аеродром Архивирано на 25 септември 2021 г.
- Општина Аеродром во „АБВ - деловен именик“[мртва врска]