Општина Босилово

Општина Босилово — општина во Струмичко, Југоисточна Македонија. Седиште на општината е селото Босилово.

Општина Босилово
Општина
Знаме Грб
Држава	Македонија
Седиште	Босилово
Населени места	Список Бориево, Босилово, Гечерлија, Дрвош, Еднокуќево, Иловица, Моноспитово, Петралинци, Радово, Робово, Сарај, Секирник, Старо Балдовци, Турново, Хамзали и Штука
Управа
• Градоначалник	Ристо Манчев
Површина
• Вкупна	161,99 км2 (62,54 ми2)
Население (2021)
• Вкупно	11.508
• Густина	71/км2 (180/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+034
Регистарски таблички	SR
Мреж. место	opstinabosilovo.gov.mk

Карта на општината.

Демографска карта на општината.

Општината Босилово се граничи со Општина Берово на север, Општина Василево на запад, Општина Струмица на југозапад и Општина Ново Село на исток.

Географија

Општината се простира на површина од 161,99 км. Сместена во југоисточниот дел на Република Македонија, со правец на протегање североисток - југозапад, распространета во средишниот дел во Струмичкото Поле, зазема значајно место во Струмичкиот регион. Низ нејзиниот средиштен дел поминува реката Струмица и реката Турија кои подоцна се влеваат во реката Струма во Република Бугарија.

Општина Босилово се наоѓа на надморска височина од 250 метри, опфаќајки ги јужните падини на планината Огражден. Од север се граничи со Општина Берово, од исток со Општина Ново Село, југоисточно граничи со Општина Струмица, а западно со Општина Василево.

Општина Босилово има вкупно 14.260 жители со 16 населени места или вкупно 3744 домаќинства.

Сите села кои егзистираат на територија на оваа општина се низински, со просечна густина од {{жкм²|95,4}}. Централна населба на општината е Босилово, во кое живеат вкупно 1698 жители, или 11,9% од вкупниот број на жители во општината. Општина Босилово има прилично добра географска положба и сообраќајна поврзаност. Се наоѓа на само 7 км од најголемиот урбан центар во Регионот, Градот Струмица со кој е поврзан со магистралниот пат М6, кој воедно ја поврзува општината граничниот премин со Република Бугарија. Со повеќето локални патишта таа е поврзана и со останатите населени места во регионот.

Хидрографска мрежа

Река	Сливна површина (км2)	Должина (км)	Просечен пад	Пошуменост (%)
Турија	45	7	4%	15%
Струмица	380	9,5	1,1%	15%
Штука	—	4	—	15%
Иловица	25,6	9,80	1,34%	15%

Историја

Општина Босилово како локална самоуправа била формирана во 1996 година а инаку како стара општина функционира од 1963 година.

Демографија

Народ	Вкупно	Удел (%)
Македонци	13.649	95,71
Албанци	0	0,00
Турци	494	3,47
Роми	24	0,17
Власи	0	0,00
Срби	6	0,06
Бошњаци	0	0,00
останати	83	0,59

Вероисповед	Вкупно
православни	12.353
муслимани	619
католици	959
протестанти	67
останати	262

Јазик	Вкупно
македонски	13.609
албански	0
турски	616
ромски	11
влашки	0
српски	13
бошњачки	0
останати	11

Според последниот попис од 2002 година, општината има 14.260 жители.

Старосен состав

Возраст	Жители
0-19 години	4.093
20-60 години	7.828
над 60 години	2.339
Вкупно	14.260

Состав по образование

Вид образование	Број
Високо	117
Више	160
Средно	2.133
Основно	3.749
Непотполно основно	3.180
Нешколувани	477
Вкупно	9.816

Општествени установи

Во општината работат следниве основни училишта:

• ОУ „Гоце Делчев“ - Босилово
• ОУ „Гоце Делчев“ - Еднокуќево
• ОУ „Гоце Делчев“ - Робово
• ОУ „Гоце Делчев“ - Старо Балдовци
• ОУ „Гоце Делчев“ - Петралинци
• ОУ „Гоце Делчев“ - Дрвош
• ОУ „Гоце Делчев“ - Сарај
• ОУ „Гоце Делчев“ - Гечерлија

Самоуправа и политика

Зградата на седиштето на Општина Босилово

Општинската администрација на Општина Босилово се наоѓа во истоименото село Босилово. Градоначалник на општина Босилово е Зоран Зимбаков од редовите на СДСМ. Тој бил избран на локалните избори од 2017 година за мандат од четири години. Советот на општина Босилово е составен од 15 члена. Според последните локални избори од 2017 година, членовите на советот според политичката припадност за мандатот 2017-2021 се:

  СДСМ: 8 места

  ВМРО-ДПМНЕ: 7 места

Во склоп на општината работат следните одделенија:

• Одделение за правни работи, општи работи и јавни дејности
• Одделение за финансиски прашања
• Одделение за комунални работи, заштита на животната средина и локален економски развој
• Одделение за внатрешна ревизија
• Одделение за инспекциски работи (Инспекторат)
• Одделение за управување со човечки ресурси

Културни и природни знаменитости

Археолошки наоѓалишта

Име	Населено место	Вид	Период
Тумба	Гечерлија	населба	римско време
Долно градиште	Дрвош	населба	среден век
Мало градиште	Дрвош	населба	доцна антика
Селиште	Дрвош	населба/некропола	среден век
Тумба	Дрвош	могила	римско време
Ушите	Дрвош	населба	римско време
Чешмина Глава	Дрвош	населба	римско време
Тумба	Дрвош	населба	римско време
Гробишта	Иловица	населба	доцна антика
Варница	Иловица	градиште	доцна антика
Крива Топола	Иловица	населба	римско време
Крст	Иловица	могила	римско време
Куши Тумба	Иловица	населба	доцна антика
Црквите	Иловица	некропола	римско време
Гаскарник	Сарај	населба	доцна антика
Говедарник	Хамзали	населба	доцна антика
Тумба	Хамзали	населба	доцна антика
Тумба	Штука	населба	доцна антика
Црквиште	Штука	градиште	доцна антика

Цркви

• Црква „Св. Ѓорѓи“ - Дрвош
• Црква „Св. Ѓорѓи“ - Петралинци
• Црква „Св. Димитриј“ - Иловица
• Манастир „Св. Климент и Наум Охридски“ - Хамзали
• Црква „Св. Кирил и Методиј“ - Еднокуќево
• Црква „Св. Кирил и Методиј“ - Петралинци
• Црква „Успение на Пресвета Богородица“ - Секирник
• Црква „Св. Никола Чудотворец“ - Секирник

Култура и спорт

Знамето на Општина Босилово е составено од неколку елементи. Во прицврстениот дел има два триаголника кои се допираат во средината на страничната лента. Триаголниците се поставени на сина основа. Од триаголниците изгрева сонце со пет краци.

Надворешни врски

• Портал на Општина Босилово
• Општина Босилово во „АБВ - деловен именик“ Архивирано на 6 март 2016 г.