Отвори го главното мени

Демократска партија на Албанците

(Пренасочено од ДПА)

Демократската партија на Албанците (ДПА) е политичка партија на етничките Албанци во Македонија[1]. Основана е на 4 јули 1997 во Тетово со обединувањето на Партијата за демократски просперитет на Албанците (ПДПА) и Народната демократска партија (НДП). ПДПА е основана во 1994 откако порадикалните членови на Партијата за демократски просперитет (ПДП), на чело со Арбен Џафери и Мендух Тачи, се отцепија од матичната партија, додека НДП е основана во август 1990 како порадикален конкурент на ПДП. Партијата е регистрирана по пет години од своето основање, во 2002 година.[2] Прв лидер на ДПА бил Арбен Џафери, кого на 30 јуни 2007 година го замени Мендух Тачи.[3]

Демократска партија на Албанците
(ДПА)
Partia Demokratike Shqiptare
(PDSH)
ВодачМендух Тачи
ОсновачАрбен Џафери
Основана1997
ШтабТетово
ИдеологијаЗаштита на правата на Албанците
Боицрвена, црна
Собрание
2 / 120
Општини
1 / 80
Мрежно место
gurra-pdsh.org/
Политика на Република Македонија
Политички партии
Избори

Содржина

Изборни резултатиУреди

 
Седиштето на ДПА во Тетово

Парламентарни избориУреди

На изборите во 1998 година, ДПА освои 11 мандати. По изборите влезе во коалиционата влада предводена од ВМРО ДПМНЕ и учествуваше во владата до 2002 година. На парламентарните избори во 2002 година ДПА освои 5,2% од гласовите и 7 мандати во Собранието и премина во опозиција. На парламентарните избори во 2006 година ДПА освојува 7,5% од гласовите и 11 мандати и повторно влегува во владата. На предвремените парламентарни избори во 2008 година, ДПА повторно добива 11 мандати, а на предвремените парламентарни избори во 2011 година - 8 пратеници. По предвремените парламентарни избори во 2008 година ВМРО-ДПМНЕ го прекинува традиционалното партнерство со ДПА и формира коалиција со најголемата албанска партија во парламентот ДУИ. Оттогаш ДПА е во опозиција.

Година на избори Лидер Број на гласови % на гласови Број на мандати +/– Влада
1998 Арбен Џафери
11 / 120
ВМРО-ДПМНЕДА–ДПА
2002 Арбен Џафери 64,025 5.35
7 / 120
4 Опозиција
2006 Арбен Џафери 70,261 7.50
11 / 120
4 ВМРО-ДПМНЕ–ДПА-НСДП
2008 Мендух Тачи 81,557 8.26
11 / 120
0 Опозиција
2011 Мендух Тачи 66,315 5.90
8 / 123
3 Опозиција
2014 Мендух Тачи 66,393 5.92
7 / 123
1 Опозиција
2016 Мендух Тачи 30,964 2.60
2 / 120
5 Опозиција

Претседателски избориУреди

ДПА имала свои кандидати на четири претседателски избори и тоа во 1999, 2004, 2009 и 2014. Ниеден кандидат од оваа партија не успеал да освои мнозинство во првиот круг.

НаводиУреди

  1. Blagoja Nineski (2001). Izborite mediumite i partiite vo Makedonija: 1990-2000. NIP "Studentski zbor“. 
  2. „Џафери ја регистрираше ДПА без промени во статутот“, „Дневник“
  3. „Мендух Тачи – нов лидер на ДПА“, „Макфакс“

Надворешни врскиУреди