ФК Вардар

„ФК Вардар“ води овде. За други истоимени поими, видете ФК Вардар (појаснување).

ФК Вардар е македонски фудбалски клуб од Скопје кој моментално игра во Првата македонска фудбалска лига. Клубот игра на Филип II Арената во Скопје со моментален капацитет од 33.460. ФК Вардар е најтрофејниот и најпознатиот македонски фудбалски клуб, со освоени 11 национални првенства и 5 национални купови.

Вардар
Целосно име	Фудбалски Клуб Вардар
Основан	22 јули 1947 (1947-07-22)
Локација	Скопје, Македонија
Стадион	Филип II Арена
Капацитет	33.460
Претседател	Мирко Спасески
Тренер	Александар Васоски
Лига	Прва македонска фудбалска лига
2019/20 (недовршена)	1. од 10 места
Мреж. место	Официјално мрежно место
Домашни бои Гостински бои
Тековна сезона

Спортски клуб Вардар
Фудбал	Ракомет (мажи)	Ракомет (жени)

Историја

Решение за основање на ФК Вардар од Скопје. Основачко собрание одржано на 22 јули, 1947 година, документот е заверен на 28 јули, 1947 година

Фудбалски клуб со името Вардар во Скопје имало уште од 1911 година, тој клуб бил познат како Вардар Топаана. Според пишаните документи овој прв клуб со име Вардар со голема мака и напор се трудел да го рашири фудбалот како спорт. Со почетоците на Балканските и Првата светска војна овој клуб како и останатите згаснале. Второто појавување на клубот Вардар е во 1920 година. Денешниот фудбалски клуб Вардар е формиран во 1947 година кога тогашните скопски фудбалски клубови (и воопшто спортски друштва) „Македонија“ и „Победа“ се соедниниле во еден клуб кој го добил името Вардар и препознатливата црвено-црна боја. Првите квалификациони натпревари Вардар ги одиграл против Слога од Нови Сад, со резултати 1:1 во гости и победа од 1:0 во Скопје, Вардар станува член на Првата сојузна лига на Југославија. За времето на сојузната лига на СФРЈ Вардар беше единствениот клуб од Македонија, со што своевидно претставуваше фудбалска репрезенатција на Македонија. Во тие години сите млади и талентирани фудбалери од Македонија играа во Вардар.

За Вардар, најуспешен период беше кога предводен од Дарко Панчев и Илија Најдоски ја освои југословенската прва лига. Со освојување на лигата, Вардар стана единствениот македонски фудбалски клуб кој го освоил југословенското првенство. По распаѓањето на Југославија и составувањето на македонската Прва Лига, Вардар беше еден од најдобрите клубови. Но, следните шест години успехот на Вардар почна да опаѓа, а успесите се враќаат под водство на тренерот Ѓоко Хаџиевски, со освоени две титули во сезоните 2001/02 односно 2002/03. Во сезона 2010/2011 ФК. Вардар испаѓа од прва лига, но по направената фузија со ФК Миравци останува да се натпреварува во првата лига.

Навивачи

Главна статија: Комити Запад

Од основањето на клубот па до средината на осумдесеттите Македонците од цела Македонија, СФРЈ и дијаспората навиваа за Вардар. Одењето на стадион да се гледа Вардар земало нагорна линија по освојувањето на Титовиот куп во 1961 година. Во 1987 година (4 мај) на натпреварот со Црвена Звезда на западната трибина првпат се истакнува транспарент со натпис Комити. До почетокот на 1991 година секое македонско гратче имаше свои Комити, па на секој натпревар имаше и знамиња Комити - Велес, Струмица, Кавадарци па дури и Битола (сè до тепачката на натпреварот со Црвена Звезда - 1991). Од осамостојувањето Комити Запад до 1999 беа единствената вардарова навивачка група. По недоразбирањето со водството на Комитите во 1999 година се оформи нова вардарова навивачка група Лојал Фанс. Денес се активни и двете групи, кои во 2007 година повторно се обединија под мотото "ВАРДАР - ТОА СМЕ НИЕ!!!".

Натпревари за паметење

Арена Тоше Проески

ФК Вардар во својата историја имал многу одиграни натпревари за паметење. Меѓу многуте може да се издвои победата над белградски ФК Партизан со 5:0. Како натпревар со најмногу публика на градскиот стадион во Скопје ќе биде запаметен бараж натпреварот за пласман во првата југословенска лига со Трепча на кој стадионот беше целосно преполнет, а Вардар победи со 2:1. Натпревари за паметење се сите средби на домашен терен со големата југословенска фудбалска четворка (Партизан, Црвена Звезда, Динамо Загреб, Хајдук) на кои стадионот се преполнуваше, а неретко доаѓало и до инциденти помеѓу навивачките групи.

Во првите години од осамостојувањето на Македонија за натпревари за паметење се издвојуваат мечевите со ФК Пелистер. Од најновата историја на клубот најзапаметени натпревари, а воедно и најголем успех на клубот, се во 2003 година кога Вардар за малку ќе се пласираше во ЛШ. Тоа беа средбите на домашен терен против ЦСКА Москва и Спарта Прага.

ФК Вардар во својата досегашна историја има забележано 60 официјални европски натпревари во квалификациите за Лигата на шампионите, во Купот на УЕФА, во Купот на победниците на Куповите, во Интертото Купот и во Митропа Купот. На нив има забележано 14 победи, 17 ремија и 29 порази.

ФК Вардар во групната фаза на Лига Европа

Во 2017-18 во втората рунда од квалификациите на Лигата на Шампионите Вардар се падна со шведската екипа ФК Малме.Првиот натпревар заврши со резултат(1-1)кој се играше во Малме.Во вториот натпревар Вардар со (3-1) победи во Струмица и се пласираше во следната фаза од натпреварувањето со головите на Бобан Грнчаров,Тигран Барсегјан и Бобан Николов.Во третата фаза од квалификациите Вардар се падна со Данската екипа ФК Копенханген.Во Скопје победи Вардар со резултат од (1-0)со голот на Џонатан Балотели.Во вториот натпревар Вардар имаше резултат што го носеше во следната фаза т.е во плеј-офф на ЛШ,но во последните 20 минути прими два гола и резултатот беше (4-1) и беше елиминиран од Лигата на Шампионите.Но,учествувањето во Европските натпреварувања донесе учество во плеј-офот на Лига Европа каде што се паднаа со турските гиганти ФК Фенербахче.Натпреварот во Скопје заврши (2-0) со головите на Тигран Барсегјан и автоголот на Мехмет Топал,а вториот натпревар во Истанбул заврши (1-2) со победа на ФК Вардар,а головите ги постгнаа Џаба Џигаури и Никола Глигоров,со ова Вардар се пласираше во групната фаза на Лига Европа и стана првата екипа што постигнала вакво нешто.Во групната фаза на Лига Европа се падна во групата Л со екипите на Реал Сосиедад,Розенборг и Зенит Саинт Петерсбург.Во деби мечот Вардар во Скопје загуби од екипата на Зенит со резултат(0-5),исто така го загуби мечот против Розенборг(3-1)во Норвешка но првиот гол го постигна Хуан Фелипе и стана првиот стрелец за Вардар кој постигнал гол во Европско натпреварување.Во третиот меч Вардар загуби со (0-6) против Реал Сосиедад.

Настапи на европски натпреварувања

Главна статија: ФК Вардар во европски фудбал

Првиот европски меч на ФК Вардар бил против ФК Данфермлајн Атлетик каде што изгубил 5-0 во рамките на Европскиот куп на победниците на куповите во сезоната 1961/62. Муарем Зеќир го држи рекордот за најмногу настапи во Европа со 21 одигран натпревар. Рекордот за најмногу постигнати голови во европските натпревари за ФК Вардар го држи Вандеир со 13 голови. Најубедливата победа во европските натпреварувања ФК Вардар ја остварил против ФК Етникос Ахна во Интертото купот во 2004 година остварувајќи победа од 5-1 на двата меча со тоа остварувајќи вкупен резултат од 10-2.

ФК Вардар е првиот македонски фудбалски клуб што се пласирал во групна фаза на Европско натпреварување,откако ги победи Фенербахче во 2017-18 плеј-офф рундата на Лига Европа

Тренери на ФК Вардар низ историјата

• Благоја Павловски - Ситното,
• М. Бачи,
• Драган Луковски,
• Фрањо Глазер,
• Стеван Каранфиловиќ,
• Тихомир Огњанов,
• Петар Шулинчевски,
• Борис Маровиќ,
• Сима Вилиќ,
• Оскар Јазбиншек,
• Илеш Шпиц,
• Кирил Симоновски - Џина,
• Александар Томашевиќ,
• Хуго Рушевлјанин,
• Фрањо Пазмањ,
• Душан Варагиќ,
• Часлав Божиновски,
• Стјепан Бобек,
• Вукашин Вишњевац,
• Илија Димоски,
• Андон Дончевски,
• Кирил Дојчиновски,
• Ѓоко Хаџиевски,
• Ванчо Трпевски,
• Ѓоре Јовановски,
• Антал Лика,
• Зоран Стратев,
• Јане Јаневски,
• Кочо Димитровски
• Илчо Ѓорѓиоски

Раководители на клубот

• Димче Беловски - прв претседател на друштвото (22 јули, 1947 година - 27 јуни, 1948 година)
• Ангеле Божиновски - прв претседател на фудбалската секција (20 јули, 1947 година - 12 јануари, 1950 година)
• Живко Тодоровски - претседател на друштвото (12 јануари, 1950 година - до средина на 1951 година)
• Перо Коробар - претседател на клубот (1950 - 1959 година)
• Ристо Бужаровски - претседател на клубот (1960 - 18 јануари, 1963 година)
• Кочо Китановски - претседател на клубот (12 февруари, 1965 година - 1970 година)
• Блажо Ристоманов - претседател на клубот (1970 - 1976 година)
• Душко Ѓорѓиев - претседател на клубот (1976 - 1978 година)
• Џоџа Николовски - претседател на клубот (1978 - 1984 година)
• Проф. Д-р Ангел Симов - претседател на клубот (1984 - 1985 година)
• Стојан Чамински - претседател на клубот (1985 - 1989 година)
• Филип Ѓурчиновски – претседател на клубот (1989 - 1995 година)
• Борче Дамев – претседател на клубот (1995 - 1997 година)
• Љубомир Чадиковски – претседател на клубот (1997 - 1998 година)
• Александар Трпевски – претседател на клубот (1998 - 2003 година)
• Драган Живковиќ – претседател на клубот (2003 - 2004 година)
• Периодот од 2004 година до 2011 година, во клубот се промениле повеќе претседатели: Борче Ристевски, Васил Марковски – Циле, Трифун Костовски, Атанас Костовски, Орце Камчев, Ванчо Шехтански и Тони Костовски.
• Зоран Шишковски – претседател на клубот (2011 - 20 јануари, 2014 година)
• Мирко Спасевски - претседдател на клубот (18 јануари, 2014 година - 5 јануари, 2021 година)

Освоени првенства

Македонска Прва лига

• 1992/93
• 1993/94
• 1994/95
• 2001/02
• 2002/03
• 2011/12
• 2012/13
• 2014/15
• 2015/16
• 2016/17

Освоени купови

Југословенски куп

• 1960/61

Куп на Македонија

• 1992/93
• 1994/95
• 1997/98
• 1998/99
• 2006/07

Суперкуп на Македонија

Во септември 2015 година, „Вардар“ го освоил Суперкупот на Македонија, откако ја совладал екипата на „Работнички“ со резултат 4-3, по подобро изведување на пеналите. Во основните 90 минути и по двете продолженија, резултатот бил нерешен 1-1. Првиот гол на средбата го постигнал играчот на „Вардар“ Филип Ивановски, во 12. минута, а „Работнички“ изедначил во 47. минута, со голот на Баже Илијоски. При изведувањето на пеналите, голманот на „Вардар“ Филип Гачевски, со две одбрани, имал пресудно влијание во освојувањето на купот. Имено, во првата серија од пеналите, за „Работнички“ погодил Цикарски, а „Вардар“ изедначил со голот на Амбарѕумјан. Во втората серија погодиле Вујчиќ и Стојков, додека во третата серија, Илиевски погодил за „Работнички“, а фудбалерот на „Вардар“, Ивановски, не успеал да даде гол. Меѓутоа, во четвртата и петтата серија, голманот на „Вардар“ ги одбранил ударите на Алтипармаковски и Ристевски, додека за „Вардар“ погодиле Глигоров и Фелипе. На тој начин, „Вардар“ по вторпат го освоил Супекупот на Македонија, по оној во 2013 година.

Рекорди

• Најмногу постигнати голови: Андон Дончевски (217 голови) .
• Најдобар просек на ефикасност: Дарко Панчев 207 натпревари/132 гола (0,65 голови по натпревар).
• Најмногу првенствени голови: Васил Рингов (97 голови).
• Најмногу првенствени голови во 1.МФЛ: Саша Ќириќ 1992/93 (36 голови).
• Најмногу голови во европските натпреварувања: Дос Сантош Вандаир 2003/05 (12 голови).
• Најмногу одиграни натпревари: Кочо Димитровски 845 (416 првенствени), Методија Спасовски 647 (375 првенствени), Ѓоре Јовановски 486 (271 првенствен), Драган Мутибариќ 461 (256 првенствени), Атанас Мечкаров 435 (231 првенствен).
• Најуспешен тренер: Ѓоко Хаџиевски (5 шампионски титули и 2 национални купа).
• Најголема победа во УЕФА натпреварувањето : 19/06/2004,Етникос Ахна 1-5 ФК Вардар.
• Најмногу гледачи: ФК Вардар - Црвена ѕвезда 1985/86 (30.000 гледачи).
• Најмногу гледачи на меѓународни натпревари: ФК Вардар - Бате Борисов 2012/13 (31.332 гледачи)

Играчи

Моментален состав

Обновено на 12 август 2017

Бр. Позиција Играч 1 ГМ Игор Алексовски 3 ОД Горан Попов 5 ОД Висар Муслиу 6 ОД Бобан Грнчаров (капитен) 7 СР Џамбул Џигаури 9 НП Дејан Блажевски 10 СР Бобан Николов 11 СР Тигран Барсегјан 14 ОД Дарко Велковски 16 СР Никола Глигоров 17 НП Ацо Стојков 18 НП Бојан Колевски 19 ОД Ховханес Хамбарџумјан

Бр. Позиција Играч 20 СР Бобан Николов 21 ОД Евгениј Новак 22 СР Филип Стојчевски 23 ОД Бесир Демири 32 ОД Дарко Глишиќ 33 СР Бесар Исени 48 НП Итало 70 СР Хуан Фелипе Рибеиро 72 НП Максим Максимов 80 Бојан Ристов 90 ГМ Филип Гачевски 69 Петар Танев

На позајмица надвор

Бр. Позиција Играч 26 СР Виктор Димков (во Скопје) 31 ОД Есмин Личина (во Скопје) ОД Виктор Велкоски (во Скопје)

Поврзано

• Фудбалска федерација на Македонија

Надворешни врски

• Официјална страница на мрежно местото на ФФМ
• Неофицијално мрежно место за ФК Вардар
• Видео документарец за почетоците на ФК Вардар