Кирил Дојчиновски
Кирил Дојчиновски (роден на 14 јули 1943, Скопје, Југославија — 10 август 2022) — поранешен македонски и југословенски фудбалер.
| Кирил Дојчиновски | |||
|---|---|---|---|
| Лични податоци | |||
| Полно име | Кирил Дојчиновски | ||
| Роден на | 14 октомври 1943 | ||
| Роден во | Скопје, Македонија | ||
| Починал на | 10 август 2022 (возр. 78) | ||
| Кариера* | |||
| Години | Клуб | Наст. | (Гол.) |
| 1963-1967 | Вардар | 106 | (0) |
| 1967-1974 | Црвена звезда | 190 | (3) |
| 1974-1975 | Троја | 25 | (3) |
| 1975-1977 | Париз | 38 | (0) |
| Репрезентација ‡ | |||
| 1968-1974 | Југославија | 6 | (0) |
|
* Ажурирано на: 9 мај 2012 ** Ажурирано на: 2 јуни 2012 | |||
Животопис
уредиКирил Дојчиновски е роден на 14 јули 1943 година во Скопје. Починал на 10 август 2022 година во родниот град.[1]
Кариера
уредиКирил својата кариера ја започнал во ФК Вардар. За првиот тим заиграл во сезоната 1963-1964, а дресот на Вардар го носел до јуни 1967 и во тој период одиграл 106 првенствени натпревари. Потоа, тој преминал во Црвена звезда, а дебитирал на 22 јули 1967. До 14 мај 1974 година, тој одиграл вкупно 420 натпревари за Црвена звезда од кои 189 биле првенствени при што постигнал 11 голови. Со Црвена звезда освоил четири шампионски титули: 1967-1968, 1968-1969, 1969-1970 и 1972-1973, како и два трофеи од Фудбалскиот Куп на Југославија (1968 и 1970). Кариерата ја продолжи во Франција, во екипите Троја (1974-1975) и Париз (1975-1977) каде што ја завршил кариерата.
Дојчиновски играл и за фудбалската репрезентација на СФРЈ при што настапил и на Светското првенство во 1974 година.[2]
По завршувањето на професионалната кариера, тој работел како тренер на неколку клубови во Ел Салвадор, а исто така бил и тренер на фудбалската репрезентација на Ел Салвадор. Потоа, тој бил тренер и неколку македонски фудбалски клубови, како: ФК Вардар, ФК Пелистер, ФК Македонија Ѓорче Петров, ФК Брегалница од Штип и ФК Брегалница од Делчево.[3]
Надворешни врски
уреди- Профил на Репрезентација РС Архивирано на 9 јуни 2009 г.
Наводи
уреди- ↑ mkd.mk (2022-08-10). „Почина Кирил Дојчиновски, легендата на македонскиот фудбал“. mkd.mk. Архивирано од изворникот на 2022-09-26. Посетено на 2022-08-12.
- ↑ „Официјално мрежно место на Фудбалската федерација на Македонија (пристапено на 12.8.2022)“. Архивирано од изворникот на 2022-08-12. Посетено на 2022-08-12.
- ↑ „Официјално мрежно место на Фудбалската федерација на Македонија (пристапено на 12.8.2022)“. Архивирано од изворникот на 2022-08-12. Посетено на 2022-08-12.