Петар Шулинчевски

Петар Шулинчевски - Шули (роден во Белград, 16 март 1938 - починат во Скопје, 29 септември 2015) — македонски легендарен фудбалер и фудбалски тренер.

Петар Шулинчевски
Роден	16 март 1938 Белград
Починал	29 септември 2015 Скопје, Македонија
Занимање	Фудбалер - напаѓач Фудбалски тренер

Животопис

Петар Шулинчевски е роден во Белград 16 март 1938 година од таткото Илија (1915-1980) и мајката Вера (1917-2008). Кариерата ја почнал во ФК Преспа, Ресен, за веќе од 1956 година да заигра во ФК Вардар. Бил дел на првите 11 играчи кои во Белград во 1961 го освоиле тогашниот Куп на Маршалот против Вартекс. Во дресот на Вардар за 12 години одиграл преку 300 натпревари во кои постигнал 190 голови. Од Вардар привремено се преселил во САД во 1968 каде одиграл една сезона во дресот на Чикаго Мустангс (30 утакмици, 16 голови, 7 асистенции). По завршувањето на играчката кариера долги години бил тренер на ФК Вардар, во Костур - Грција, ФК Борец - Велес, Металург - Скопје, а последните неколку години од тренерската кариера во помладите селекции ФК Вардар.

Петар бил оженет во 1960 со Ружица (родена во Скопје 26 јули 1946 - почината 3 јули 2012) со кого имале две деца Татјана (родена во Скопје во 1965) и Кристофер (роден во Сент Луис, САД во 1969). Петар имал и брат Слободан (роден во Ресен во 10 јуни 1946 - починат 27 мај 2020).

Петар починал во Скопје на 29 септември 2015.