Отвори го главното мени

Алекс Сандро Лобо Силва (роден на 26 јануари 1991 во Катандува) e бразилски фудбалер, играч од одбраната на Јувентус.

Алекс Сандро
Valais Cup 2013 - OM-FC Porto 13-07-2013 - Alex Sandro.jpg
Лични податоци
Роден на 26 јануари 1991 (1991-01-26) (28 г.)
Роден во Катандува, Бразил
Држава Бразил Бразил
Висина &100000000000001800000001,80 м
Позиција лев бек
Клупски податоци
Сегашен клуб Јувентус Јувентус
Број 12
Младинска кариера
Атл. Паранаенсе Атл. Паранаенсе
Кариера*
Години Клуб Наст. (Гол.)
2007-2010 Атл. Паранаенсе Атл. Паранаенсе 17 (0)
2010-2011 Деpортиво Малдонадо Депортиво Малдонадо 0 (0)
2010-2011Сантос Сантос 30 (1)
2011-2015 Порто Порто 87 (3)
2015- Јувентус Јувентус 103 (10)
Репрезентација
2011 Бразил Бразил 20 11 (0)
2012 Бразил Бразил 23 3 (0)
2011- Бразил Бразил 15 (1)
  • Сениорските учества и голови се сметаат само за домашни натпревари
податоците се од 6 јануари 2011.

† Учества (Голови).

‡ Учествата и головите за репрезентација се според податок од 17 ноември 2010

Технички карактеристикиУреди

Во татковината неговиот напредок бил споредуван со оној на познатиот сонародник Роберто Карлос[1]; за многу кратко време тој станал еден од најдобрите бекови во моментов.[2][3][4][5][6]

Клупска кариераУреди

Атлетико ПаранаенсеУреди

Алекс Сандро ја започнал својата фудбалска кариера во 2006 година, кога бил купен од страна на Атлетико Паранаенсе, каде што, во две сезони, наизменично тренирал со првиот тим и со младинската екипа. Официјалното деби, како професионален фудбалер, го имал на 18 октомври 2008 во натпреварот против Интернасионал од 30-тото коло на бразилското првенство, влегувајќи како замена на местото на Нетињо во 80-тата минута во поразот со 2-1.[7] Тоа бил неговиот единствен настап за првиот тим на Атлетико Паранаенсе во неговата прва сезона како професионалец. Следната сезона одиграл уште 16 натпревари; на 10 октомври, 2009, повторно против Интернасионал за прв пат во својата професионална кариера одиграл цел натпревар (90 минути),[8] а на 25 истиот месец го добил првиот црвен картон во својата кариера во поразот со 3-2 од Куритиба.[9]

Депортиво Малдонадо и СантосУреди

По три години поминати во клубот од Куритиба, завршила неговата авантура таму, откако Атлетико Паранаенсе го продале на инвеститорите, со користење на уругвајскиот клуб Депортиво Малдонадо како посредник за одржување на правата за регистрација. На 1 март 2010, Алекс Сандро потпишал за Сантос на две-годишна позајмица.[10] Своето деби за Сантос го направил на 8 мај 2010, во натпреварот против Ботафого што завршил 3-3, но дебито за него не завршило успешно бидејќи бил исклучен во финишот на натпреварот откако заработил втор жолт картон.[11] На 25 септември истата година го постигнал својот прв гол во професионалната кариера, во победата на домашен терен над Крузеиро со 4-1.[12] Во двете сезони во Сантос, одиграл вкупно 38 натпревари и постигнал два гола.

ПортоУреди

 
Алекс Сандро во дресот на Порто.

На 23 јули, 2011, четири дена подоцна откако во Порто дошол Данило (неговиот соиграч од репрезентацијата под 20 години), португалскиот клуб го купил и Алекс Сандро за сума од 9,6 милиони евра, потпишувајќи петгодишен договор со клаузула за откуп од 50 милиони евра.[13] Своето деби за "змејовите" го направил на 19 февруари 2012, во победата со 3-1 на гостувањето против Виторија Сетубал.[14] На 16 март, го пoстигнал својот прв гол во дресот на Порто, во победата со 2-0 на гостувањето против Насионал.[15].

На 18 септември 2012, го направил своето деби во Лигата на шампионите во победата со 2-0 на гостувањето во Загреб против Динамо.

Вкупно во четири сезони со Порто, одиграл 137 натпревари и постигнал 3 гола. Со клубот освоил три трофеја: два наслова во португалското првенство (2011–2012, 2012–2013) и Суперкупот на Португалија 2013.

ЈувентусУреди

На 20 август, 2015, Алекс Сандро потпишал петгодишен договор со Јувентус во трансфер вреден 26 милиони евра, сума која на Порто му била исплатена во три години.[16]

Своето деби за Јувентус го направил на 12 септември 2015, во ремито 1-1 на домашен терен против Кјево во Серија А.[17] На 31 октомври, Алекс Сандро одиграл клучна улога во победата над градскиот ривали Торино со 2-1, асистирајќи му на Хуан Квадрадо за победничкиот гол во судиското продолжение.[18] На 21 ноември 2015, тој му асистирал на Пауло Дибала со нафрлување од левата страна, за единствениот гол во победата со 1-0 на домашен терен против Милан во лигата.[19] Четири дена подоцна, на 25 ноември, тој асистирал за уште еден победнички гол, на Марио Манџукиќ, во победата со 1-0 на домашен терен над Манчестер Сити во Лигата на шампиони со која клубот си обезбедил место во осминафиналето од натпреварувањето.[20] На 17 јануари 2016 година, Алекс Сандро го постигнал својот прв погодок за Јувентус - и неговиот прв во Серија А - со удар од работ на шеснаесеттникот со десната (послаба) нога, во гостинската победа над Удинезе со 4-0.[21] На 17 февруари било потврдено дека Алекс Сандро ќе мора да отсутвува од терените десетина дена, поради повреда на левиот бутен мускул ректус феморис со која се здобил за време на тренинг со Јувентус. Повредата го принудила да го пропушти првиот натпревар од осминафиналето на Лигата на шампионите на 23 февруари против Баерн Минхен.[22] Тој се вратил за вториот натпревар во Минхен, играјќи како стартер на позицијата лево крило и оставил одличен индивидуален впечаток, иако неговиот тим сепак бил елиминиран по продолженија.[23] На 25 април 2016, Алекс Сандро со Јувентус го освоил своето прво скудето во карирета, откако најголемиот конкурент на Јуве за насловот во таа сезона, Наполи, загубил во Рим од Рома со што математички била потврдена титулата.[24] На 21 мај, додал уште еден успех со освојувањето на Купот на Италија по победата со 1-0 по продолженија над Милан во финалето, во кое тој играл влегувајќи од клупата во 62-рата минута.[25]

Следната сезона тој се утврдил како прв избор на позицијата лев бек, истиснувајќи го од стартната постава францускиот ветеран Патрис Евра,[2][26] кој поради тоа го напуштил клубот во јануари 2017. На 27 ноември 2016, тој постигнал автогол во поразот со 3-1 од Џенова.[27] Сепак, тоа не ја поколебало неговата одлична форма во сезоната 2016-2017, во која бил еден од најконстантните играчи на Јувентус. Својот прв гол за сезоната го постигнал на 3 декември 2016, во победата со 3-1 над Аталанта на Алијанц стадионот.[28] На 17 мај 2017, Алекс Сандро бил асистент за двата гола на бјанконерите во финалето на Купот на Италија кој ги постигнале неговиот сонародник Дани Алвес и Леонардо Бонучи со кој бил одбранет насловот од претходната сезона победувајќи го Лацио со 2-0.[29] Четири дена подоцна, тој бил стрелец на третиот гол за Јувентус во победата со 3-0 над Кротоне со која била математички била осигурана титулата во Серија А (шестта едноподруго за Јувентус, втора за Алекс Сандро). Конечно, на 3 јуни 2017 на стадионот Милениум во Кардиф, Алекс Сандро го започнал на позицијата лев бек финалето во Лигата на шампионите во кое тој и неговите соиграчи биле поразени од Реал Мадрид со 4-1. Сезоната ја завршил со 43 настапи во сите натпрварувања (11 повеќе во однос на првата сезона во Јувентус) и 3 постигнати гола.

Во летото 2017, тој бил трансфер-мета на англискиот Челси, кој сакал да го доведе во Лондон. Сепак, по долгите преговори Јувентус одлучил да ги одбие сите понуди на сините, вклучувајќи ја и последната која изнесувала 70 милиони евра, и да го задржи бразилскиот бек во својте редови.[30] На 27 ноември 2017, на Гран гала дел Калчо - манифестација на која се доделуваат награди за италијанскиот фудбал - тој бил избран во Идеалниот тим на годината на Серија А за прв пат во својата кариера.[31] На 13 февруари 2018, Алекс Сандро го забележал својот 100-ти настап за Јувентус во натпреварот на домашен терен против Тотенхем во Лигата на шампионите, што завршил нерешено 2-2. Пет дена подоцна, по прекрасната асистенција на Федерико Бернардески тој со својот гол го решил градското дерби против Торино, кое бјанконерите го добиле со 1-0.[32] Сезоната ја завршил со освојување на својата трета двојна круна со Јувентус.

На почетокот на сезоната 2018-2019, во првото коло од Серија А на гостувањето кај Кјево во победата со 3-2, тој асистирал за победничкиот гол на Јувентус во 93-тата минута кој го постигнал Бернардески. На 23 октомври 2018, Алекс Сандро го забележил својот 50-ти настап во Лигата на шампионите (не сметајќи ги натпреварите во квалификациите) во гостинската победа со 1–0 над Манчестер Јунајтед.[33][34] На 3 декември 2018, втора година по ред бил избран во Идеалниот тим на годината на Серија А. На 20 декември 2018, Алекс Сандро го продолжил својот договор со Јувентус до 2023 година.[35] На 8 март 2019, во победата со 4-1 над Удинезе, тој за прв пат во кариерата ја носел капитенската лента на Јувентус, преземајќи ја во 25-тата минута од натпреварот откако стартниот капитен во тој натпревар Андреја Барцаљи излегол од игра поради повреда.[36] На 30 истиот месец, тој го забележал својот 100-ти настап во Серија А, во победата на неговиот тим над Емполи со 1-0 во Торино.[37] На 20 април 2019, со својот прв гол за сезоната тој му помогнал на Јувентус да стигне до победата против Фјорентина, а таа победа за клубот значела ново скудето;[38] осмо во низа за Јувентус, четврто лично за него.[39]

Репрезентативна кариераУреди

Во 2011 година, бил повикан во репрезентацијата под 20 години за да земе учество на Светското првенство за играчи под 20 години и на Младинското првенство на Јужна Америка за играчи под 20 години; Бразил го освоил златото и на двата турнири.[40]

Нa 10 ноември, 2011 го направил своето деби за сениорската репрезентација, во пријателски натпревар против Габон, кој завршил со резултат од 2-0 за кариоките.[41]

На 6 јули, 2012 бил повикан во составот на Олимписката репрезентација на Бразил за Летните олимписки игри 2012 кој се одржале во Лондон и други градови од Велика Британија.[42][43] Дебитирал за Олимписката репрезентација на 1 август, во натпреварот против Нов Зеланд, одигран на Сент Џејмсис Парк во Њукасл во групната фаза од турнирот.[44] Бразилската репрезентација стигнала до финалето на турнир, каде биле поразени од Мексико на 11 август на Вембли со 2-1[45][46]; Алекс Сандро го започнал натпреварот како стартер, но бил заменет во 32-рата минута од страна на напаѓачот Хулк. Вкупно на целиот турнир одиграл 198 минути.

Хронологија на репрезентативните настапиУреди

Сениорска репрезентацијаУреди

Олимписка репрезентацијаУреди

Статистика на кариератаУреди

Статистиката е ажурирана на 22 октомври 2019.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2010   Сантос A1/СП+А 1+24 1+1 КБ 4 1 КС 0 0 - - - 29 3
2011 A1/СП+А 7+6 0 - - - КЛ 11 0 Скп - - 24 0
Вкупно Сантос 8+30 1+1 4 1 11 0 0 0 53 3
2011-2012   Порто ПЛ 7 1 КП+ЛКП 1+3 0 ЛШ+ЛЕ 0+1 0 - - - 12 1
2012-2013 ПЛ 25 1 КП+ЛКП 0+5 0 ЛШ 6 0 СП 0 0 36 1
2013-2014 ПЛ 26 0 КП+ЛКП 6+4 0 ЛШ+ЛЕ 6+5 0 СП 1 0 48 0
2014-2015 ПЛ 28 1 КП+ЛКП 0+1 0 ЛШ 11[47] 0 - - - 40 1
авг. 2015 ПЛ 1 0 КП+ЛКП 0+0 0 ЛШ 0 0 - - - 1 0
Вкупно Порто 87 3 20 0 29 0 1 0 137 3
авг. 2015-2016   Јувентус А 22 2 КИ 5 0 ЛШ 5 0 СИ 0 0 32 2
2016-2017 А 27 3 КИ 4 0 ЛШ 11 0 СИ 1 0 43 3
2017-2018 А 26 4 КИ 2 0 ЛШ 10 0 СИ 1 0 39 4
2018-2019 A 31 1 КИ 2 0 ЛШ 9 0 СИ 1 0 43 1
2019-2020 A 7 0 КИ 0 0 ЛШ 3 0 СИ 0 0 10 0
Вкупно Јувентус 113 10 13 0 38 0 3 0 167 10
Вкупно во кариерата 238 15 37 1 78 0 4 0 357 16

ТитулиУреди

КлупскиУреди

  СантосУреди

  ПортоУреди

  ЈувентусУреди

РепрезентативниУреди

  БразилУреди

НаводиУреди

  1. Pasquale Cacciola (5 agosto 2012). calcionapoli24.it, уред. „CN24 - Londra 2012, piccole stelle crescono: Alex Sandro, l'esterno verdeoro sulle orme di Roberto Carlos!“ ((италијански)). конс. 8 agosto 2012. 
  2. 2,0 2,1 Nick Valerio (17 April 2017). „The rise of Alex Sandro“. Football Italia. конс. 12 September 2017. 
  3. http://www.corrieredellosport.it/calcio/2015/04/08-403792/Ecco+chi+sono+i+23+italiani++fra+i+500+pi%C3%B9+forti+al+mondo
  4. http://www.tuttosport.com/news/calcio/serie-a/juventus/calciomercato/2015/08/14-3195213/siqueira_contratto_pronto_ma_la_juve_insiste_per_alex_sandro/
  5. http://www.tuttojuve.com/calciomercato/gazzetta-alex-sandro-quasi-fatta-con-il-porto-244870
  6. http://www.90min.com/it/posts/2468107-juventus-che-colpo-accordo-con-il-porto-per-alex-sandro
  7. transfermarkt.co.uk (уред.). „Internacional vs. Atlético Pr 2 - 1(2008)“. конс. 20 август 2015. 
  8. transfermarkt.co.uk (уред.). „Internacional vs. Atlético Pr 1 - 1 (2009)“. конс. 20 август 2015. 
  9. soccerway.com (уред.). „Coritiba vs. Atlético Pr 3 - 2“. конс. 8 agosto 2012. 
  10. santosfc.com, уред. (10 marzo 2010). „Mais novo Menino da Vila, Alex Sandro é convocado para a Seleção Sub-19“ ((португалски)). конс. 8 agosto 2012. 
  11. soccerway.com (уред.). „Botafogo vs. Santos 3 - 3“. конс. 8 agosto 2012. 
  12. soccerway.com (уред.). „Santos vs. Cruzeiro 4 - 1“. конс. 8 agosto 2012. 
  13. Alessio Calfapietra (23 luglio 2011). tuttomercatoweb.com, уред. „UFFICIALE: il Porto acquista Alex Sandro“ ((италијански)). конс. 8 agosto 2012. 
  14. soccerway.com (уред.). „Vitória Setúbal vs. Porto 1 - 3“. конс. 8 agosto 2012. 
  15. soccerway.com (уред.). „Nacional vs. Porto 0 - 2“. конс. 8 agosto 2012. 
  16. juventus.com, уред. (20 agosto 2015). „Alex Sandro è bianconero“. 
  17. „Juventus 1 - 1 Chievo“. Football Italia. 12 September 2015. конс. 26 November 2015. 
  18. Michael Yokhin (22 February 2017). „Alex Sandro living up to his billing as 'new Roberto Carlos' at Juventus“. ESPN FC. конс. 12 September 2017. 
  19. „Juventus 1 AC Milan 0: Dybala magic seals victory for champions“. Four Four Two. 21 November 2015. конс. 26 November 2015. 
  20. „Juventus beat Manchester City to qualify from Champions League group“. ESPN FC. 25 November 2015. конс. 26 November 2015. 
  21. Daniella Matar (17 January 2016). „Juventus wins 4-0 at 10-man Udinese, Roma held 1-1 by Verona“. Yahoo.com. конс. 18 January 2016. 
  22. „Alex Sandro medical update“. Juventus.com. 17 February 2016. конс. 17 February 2016. 
  23. Bayern Munich 4-2 Juventus - A Tactical Analysis“, „The Tactics Room“. (на en-GB)
  24. Наполи загуби во Рим, Јувентус ја одбрани титулата“, kajgana.com, 25 април 2016 (посет. 7 ноември 2019 г).
  25. „Coppa Italia: Morata in extra time“. Football Italia. 21 May 2016. конс. 21 May 2016. 
  26. Patrice Evra left out of Juventus squad as he ponders his future“, „Sky Sports“. (на en)
  27. Genoa 3-1 Juventus“, „BBC Sport“, 27 ноември 2016. (на en-GB)
  28. Juventus-Atalanta 3-1, gol di Alex Sandro, Rugani, Mandzukic e Freuler“, La gazzeta dello sport, 3 декември 2016 (посет. 7 ноември 2019 г).
  29. Mercoledì 17 maggio 2017 - Roma, stadio Olimpico - Juventus-Lazio 2-0 http://www.laziowiki.org
  30. Clamoroso! Rifiutati 70 milioni dal Chelsea per Alex Sandro mondobianconero.com пристапено 8.11.2019
  31. „Gran Galà AIC: cinque della Juventus nella Top 11, Sarri miglior allenatore“. 27 ноември 2017. 
  32. Filippo Conticello (18 февруари 2018). „Torino-Juventus 0-1: gol di Alex Sandro, che assist di Bernardeschi. Higuain k.o.“. La Gazzetta dello Sport. конс. 18 февруари 2018. 
  33. „Man. United - Juventus: la vigilia“ (Italian). UEFA.com. 22 October 2018. конс. 23 October 2018. 
  34. Scott Murray (23 October 2018). „Manchester United 0-1 Juventus“. The Guardian. конс. 23 October 2018. 
  35. Alex Sandro e la Juve insieme fino al 2023: le cifre del rinnovo www.calcioefinanza.it
  36. Микеле Руотоло. „Juventus-Udinese: out Barzagli, Alex Sandro capitano e non Bonucci“, calcionews24.com, 9 март 2019 (посет. 13 ноември 2019 г).
  37. „Talking Points: #JuveEmpoli“. Juventus F.C. 31 March 2019. конс. 4 April 2019. 
  38. „Alex Sandro, gol-scudetto con vista sul mercato: c'è già il prezzo“. Calciomercato.com | Tutte le news sul calcio in tempo reale. конс. 13 ноември 2019. 
  39. „Ronaldo stands out in Juventus' 8th consecutive Serie A title win“. CBC Sports. 20 April 2019. конс. 25 April 2019. 
  40. FIFA.com (уред.). „FIFA U-20 World Cup Colombia 2011“. конс. 13 agosto 2012.  Unknown parameter |lingua= ignored (помош);
  41. soccerway.com (уред.). „Gabon vs. Brazil 0 - 2“. конс. 13 agosto 2012. 
  42. super-calcio.it (уред.). „Olimpiadi di calcio 2012: le convocazioni della nazionale brasiliana“. конс. 12 luglio 2012.  Unknown parameter |data= ignored (помош);
  43. golmania.it, уред. (06-07-12). „Olimpiadi, Brasile: i convocati di Menezes“. конс. 12-07-12. 
  44. soccerway.com (уред.). „Brazil U23 vs. New Zealand U23 3 - 0“. конс. 13 agosto 2012. 
  45. london2012.com (уред.). „Peralta nets match-winning brace for Mexico“. конс. 13 agosto 2012.  Unknown parameter |lаnguage= ignored (помош);
  46. tuttosport.com (уред.). „Messico oro, battuto 2-1 il Brasile in finale“. конс. 13-08-12.  Unknown parameter |data= ignored (помош);
  47. 2 настапи во плејофот.

Надворешни врскиУреди