Отвори го главното мени

Тиџеј ван Гардерен

американски велосипедист

Тиџеј ван Гардерен (англиски: Tejay van Garderen; р. 12 август 1988 во Такома, Вашингтон) — американски професионален друмски велосипедист, кој вози за UCI World Tour екипата ЕФ Едукејшн Фирст.[2]

Тиџеј ван Гардерен
Ван Гардерен на Париз-Ница 2013
Лични податоци
Цело имеТиџеј ван Гардерен
Роден12 август 1988 (1988-08-12) (31 г.)
Такома,  САД
Висина1,86 м[1]
Маса72 кг[1]
Податоци за клубот
Мом. клубЕФ Едукејшн Фирст
ДисциплинаДрумски велосипедизам
УлогаВозач
Вид на возачСпецијалист за хронометри
Аматерски клубови
2004–2005
2005–2006
2007
Рио Гранде
Тим 5280
ВМГ Рејсинг/САД Национален тим
Професионални клубови
2008–2009
2010–2011
2012–2018
2019-
Континентал Рабобанк
Тим ХТЦ-Колумбија
БМЦ Рејсинг Тим
ЕФ Едукејшн Фирст
Значајни победи
Големи трки
Џиро д’Италија
1 индивидуална етапа (2017)
Тур де Франс
Пласман за млад возач (2012)
2 етапи ТТТ (2015, 2018)
Вуелта а Еспања
1 етапа ТТТ (2015, 2017)

Етапни трки

Сиркуито Монтањес (2009)
Трка околу Калифорнија (2013)
САД Про Сајклинг Челинџ (2013, 2014)
Последна промена
2 февруари 2019

Живее во Ница, Франција, во текот на сезона.[3]

Ран животУреди

Тиџеј ван Гардерен е роден во Такома, Вашингтон, но поголемиот дел неговото детство го поминал во Монтана. Има холандско потекло и прилично добро го говори холандскиот јазик.[4] Започнал да вози на 10 години. Со 14 веќе го искачувал врвот Еванс за околу два часа..[5] Освоил 10 јуниорски национални првенства во друмски велосипедизам (друмска трка, критериум и хронометар) и велокрос.[6] Две од неговите рани екипи биле Тим Рио Гранде (2004–2005)[7] и Тим 5280 (2005–2006, сега дел од Гармин-Сервело)[8]

КариераУреди

Под 23 години (2007–2009)Уреди

Прва голема сениорска трка на Ван Гардерен била на 18 години на Трката околу Калифорнија 2008, како дел од националниот тим. Ја напуштил трката на етапата 4.[9] Тој возел во САД и Европа во 2007 и дошол 20. на Тур де л’Авенир.

Ван Гардерен му се придружил на Рабобанк Континентал во 2008. Живеел во Холандија и бил втор на Флеш ду Суд и Сиркуто Монтањес. Освоил етапа на Тур де л’Авенир и дошол 24. на Светското друмско првенство за под 23 години во Варезе, Италија.

Ван Гардерен имал високи очекувања за Тур де л’Авенир во 2009. Двајца француски возачи, вклучувајќи го фаворитот, Ромен Сикар, оствариле голема разлика од 1 и пол минута од главната група на првата етапа. Ван Гардерен бил втор во генералниот пласман на една етапа до крајот. Ромен Сикар бил сигурен за победа, но бил казнет 2 минути за недозволена промена на велосипедот и неговото водство паднало на само 1 секунда, но доволно да го задржи Ван Гардерен од неговата најголема победа во неговата кариера.

Ван Гардерен му се приклучил на Тим ХТЦ-Колумбија следната година.[10]

ХТЦ-Колумбија (2010–2011)Уреди

 
Ван Гардерен на Тур де Франс 2011

Ван Гардерен дошол во екипата со најмногу победи во 2009, благодарение на спринтерите Марк Кевендиш и Андре Грајпел. Завршил 9. на неговата прва етапна трка, Волта ао Алгарве, искачувајќи се 5. на етапата до врвот Алто до Малхао. На Трката околу Турција, дошол втор на две етапи и втор во генералниот пласман, 29 секунди зад Џовани Висконти.

Ван Гардерен го поддржувал водачот Мајкл Роџерс на 6. и 8. етапа на Трката околу Калифорнија. Завршил 28. во генералниот пласман, додека Роџерс ја освоил трката.

Ван Гардерен го започнал Критериум ду Дофине 2010 како заеднички лидер на ХТЦ-Колумбија со Канстанцин Сивцов и Петер Велитс. Откако скоро го изненадил Алберто Контадор на прологот, тој стигнал до четвртото место на хронометарот на етапата 3 и се поместил до второто место во генералниот пласман. Сепак, изгубил време на планинските етапи и завршил трет.

Ван Гардерен возел силно на Вуелта а Еспања, имајќи две многу силни недели на трката. Потоа, паднал малку во формата, но сè уште бил вреден помагач на Петер Велитс, кој дошол до третото место во генералниот пласман на трката.

Во 2011, Ван Гардерен бил втор на етапата 3 на Волта ао Алгарве[11] и втор на воведниот хронометар на Тур де Свис (зад Фабијан Канчелара).[12] Неговата силна форма на Трката околу Калифорнија му ја донела маичката за најдобар млад возач. Тој бил дел од составот за Тур де Франс 2011. Ова бил негов прв Тур де Франс и тој возел во корист на Тони Мартин и Петер Велитс.[13] На осмата етапа, Ван Гардерен освоил доволно бодови на искачувањето од втора категорија за да ја заработи маичката во планинскиот пламсман и наградата за најборбен возач. Тој бил првиот Американец, кој ја облекол точкастата маичка во историјата на Тур де Франс (Грег Лемон кратко водел во планинскиот пласман во текот на Тур де Франс 1986, но бидејќи исто така бил и лидер во генералниот пласман, тој не ја носел маичката). во текот на драматичната етапа 8, тој бил наречен „Bozeman Boss“ од коментаторот Фил Лигет[14] На Трката околу Јута, Ван Гардерен го освоил хронометарот на третата етапа.[15]

БМЦ Рејсинг Тим (2012–2018)Уреди

 
Ван Гардерен во текот на хронометарот на деветтата етапа на Тур де Франс 2012

Откако ХТЦ-Хајроад бил распуштен, Ван Гарден му се приклучил на БМЦ Рејсинг Тим заедно со неговиот колега од ХТЦ Марко Пиноти.[16] Ван Гардерен ја освоил маичката во пласманот за млад возач на Париз-Ница во почетокот на март,[17] носејќи ја маичката целата трка.

Ван Гардерен бил избран за Тур де Франс како еден од главните помошници за бранителот на титулата од претходната година, Кедел Еванс. Во првата недела возел одлично, доаѓајќи на четвртото место на прологот и носејќи ја белата маичка - за најдобро пласиран возач под 25 години во генералниот пласман - до етапата 7, кога загубил малку време на првата завршница на врв на Тур. Повторно се здобил со маичката по четвртото место на етапата 9, индивидуален хронометар. На етапата 11, Ван Гардерен се обидел да му помогне на Еванс со неуспешен долг напад и се покажал посилен тој ден, наметнувајќи силно темпо на завршното искачување. На крајот завршил на петтото место во генералниот пласман станувајќи третиот Американец, кој го освоил пласманот за најдобар млад возач, по Грег Лемонд во 1984 и Ендру Хемпстен во 1986. Во август, Ван Гардерен завршил втор на САД Про Сајклинг Челинг 2012 зад Кристијан Ванде Велде (Гармин-Шарп).[18] Претходно победил на втората етапа на трката во спринтот со Ванде Велде, заработувајќи ја жолтата маичка на трката.[19] Ја предал маичката на неговиот сонародник следниот ден, но ја повратил на етапата 4, за повторно да ја изгуби на етапата 6.

 
Ван Гардерен во текот на хронометарот на шестата етапа на Трката околу Калифорнија 2013

Ван Гардерен ја започна сезоната 2013 со настап на Тур де Сан Луис, каде завршил втор во генералниот пласман. Исто така имал добри резултати на европските велосипедски трки, завршувајќи четвртти на Париз-Ница,[20] и трети на Критериум Интернасионал.[21] Во мај, Ван Гардерен ја освоил првата голема етапна трка во неговата кариера, Трката околу Калифорнија.[22] Возел одлично на сите клучни етапи, завршувајќи втор на втората етапа[23] и освојувајќи го индивидуалниот хронометар на шестата етапа.[24] Го одбранил водството на седмата етапа, која завршувала на нагорнина.[25] Сепак му недостасувала форма на Тур де Франс 2013, завршувајќи на 45. место.[26] Тиџеј имал добра форма и победил на САД Про Сајклинг Челинџ, кој се одржувал на високи надморски височини низ Колорадо.[27]

Во 2014 година, Ван Гардерен завршил петти на Тур де Франс.[28]

Во 2015 година, Ван Гардерен дошол до неговата прва победа во сезоната на четвртата етапа на Волта а Каталуња, која претставувала кралска етапа на трката. Меѓутоа, бил далеку во генералниот пласман за да има некакво значење неговата победа.[29] Во јуни возел на Критериум ди Дофине како подготовка за Тур де Франс. Се борел со Крис Фрум, кој го победил во генералниот пласман за десет секунди, поради што завршил втор.[30]

И покрај силните први две недели,[31] го напуштил Тур де Франс 2015 во текот на седумнаесеттата етапа поради болест еден ден по вториот ден за одмор. При напуштањето од трката се наоѓал на третото место во генералниот пласман.[32]

Одбрал да не учествува на Летните олимписки игри поради гружа за вирусот зика.

Бил именуван во почетниот состав за Џиро д’Италија 2017.[33] Ја освоил осумнаесеттата етапа на Џиро д’Италија 2017,[34] со што стигнал до прва етапна победа на некоја голема трка. На Вуелта а Еспања 2017 имал добар почеток со победата на екипниот хронометар со Тим БМЦ на првата етапа и десеттото место во генералниот пласман, со што трет пат успеал да заврши меѓу најдобрите десет на некоја голема трка.

ДостигнувањаУреди

2000
1.   Јуниорски национален критериум 10-12
1.   Јуниорски национален хронометар 10–12
1.   Јуниорска национална друмска трка 10–12
2002
1.   Јуниорски национален велокрос 13–14
2003
1.   Јуниорски национален велокрос 15–16
1.   Јуниорски национален хронометар 15–16
2004
1.   Јуниорска национална друмска трка 15–16
1.   Јуниорски национален хронометар 15–16
2. Јуниорски национален критериум 15–16
2005
1.   Јуниорски национален критериум 17–18
2. Јуниорска национална друмска трка 17–18
3. Јуниорски национален хронометар 17–18
2006
1.   Јуниорски национален хронометар 17–18
2008
1. Етапа 5а (ТТТ) Волта а Љејда
2. Краен пласман Сиркуто Монтањес
8. Краен пласман Тур де л’Авенир
1. Етапа 9
2009
1. Краен пласман Сиркуто Монтањес
2. Краен пласман Тур де л’Авенир
3. Краен пласман Трка Олимпија
1. Етапа 1 (ТТТ)
1. Етапа 5
2010
1. Етапа 1 (ТТТ) Вуелта а Еспања
2. Краен пласман Трка околу Турција
3. Краен пласман Критериум ду Дофине
4. Краен пласман Тур де л’Ен
1.   Пласман за млад возач
9. Краен пласман Волта ао Алгарве
2011
1. Етапа 3 (ITT) Трка околу Јута
2. Краен пласман Волта ао Алгарве
3. Краен пласман САД Про Сајклинг Челинџ
1.   Пласман за млад возач
5. Краен пласман Трка околу Калифорнија
1.   Пласман за млад возач
Тур де Франс
  на етапа 8
Најборбен возач на етапа 8
2012
2. Национално хронометарско првенство
2. Краен пласман САД Про Сајклинг Челинџ
1. Етапа 2
4. Краен пласман Трка околу Калифорнија
4. Светски хронометарски првенства UCI
5. Краен пласман Тур де Франс
1.   Пласман за млад возач
5. Краен пласман Париз-Ница
1.   Пласман за млад возач
7. Краен пласман Волта ао Алгарве
2013
1. Краен пласман   Трка околу Калифорнија
1. Етапа 6 (ITT)
1. Краен пласман   САД Про Сајклинг Челинџ
1. Етапа 5 (ITT)
2. Краен пласман Тур де Сан Луис
3. Краен пласман Критериум Интернасионал
1.   Пласман за млад возач
4. Краен пласман Париз-Ница
7. Краен пласман Тур де Свис
2014
1.   Светско првенство во екипен хронометар
1. Краен пласман   САД Про Сајклинг Челинџ
1. Пласман Колорадо
1. Етапа 3
1. Етапа 6 (ITT)
2. Краен пласман Трка околу Оман
3. Краен пласман Волта а Каталуња
1. Етапа 4
5. Краен пласман Тур де Франс
6. Краен пласман Трка околу Баскија
2015
1. Етапа 9 (ТТТ) Тур де Франс
1. Етапа 1 (ТТТ) Вуелта а Еспања
1. Етапа 4 Волта а Каталуња
2. Краен пласман Трка околу Оман
2. Краен пласман Критериум ди Дофине
1. Етапа 3 (ТТТ)
2016
1. Етапа 1 (ТТТ) Тирено-Адријатико
2. Краен пласман Вуелта а Андалусија
1. Етапа 4 (ITT)
5. Краен пласман Волта а Каталуња
6. Краен пласман Тур де Свис
1st Stage 7
7. Вуелта а Мурсија
10. Краен пласман Тур де Романди
2017
1. Етапа 18 Џиро д’Италија
1. Етапа 1 (ТТТ) Тирено-Адријатико
2.   Светско првенство во екипен хронометар
5. Краен пласман Волта а Каталуња
1. Етапа 2 (ТТТ)
6. Краен пласман Тур де Романди
10. Краен пласман Вуелта а Еспања
1. Етапа 1 (ТТТ)
2018
1. Прилог Трка околу Јута
1. Етапа 3 (TTT) Тур де Франс
1. Етапа 1 (TTT) Тур де Свис
2. Краен пласман Трка околу Калифорнија
1. Етапа 4 (ITT)
3.   Светско првенство во екипен хронометар
3. Краен пласман Волта ао Алгарве
8. Тур ди Финистер

Распоред на резултатитеУреди

Распоред на резултатите на големите трки
Голема трка 2010 2011 2012 2013 2014 2015 2016 2017 2018
  Џиро 20
  Тур 82 5 45 5 СО 29 32
  Вуелта 35 СО СО 10
Распоред на резултатите на поважните етапи трки
Етапна трка 2010 2011 2012 2013 2014 2015 2016 2017 2018
  Париз-Ница 31 5 4 СО 16 СО
  Тирено-Адријатико 25 21
  Волта а Каталуња 62 СО 3 30 5 5 17
  Трка околу Баскија 65 СО 6 11
  Тур де Романди СО СО 10 6 45
  Критериум ди Дофине 3 14 13 2
  Тур де Свис 11 7 6 35 37

СО = се откажал; — = не учествувал

НаводиУреди

  1. 1,0 1,1 „Профил на Тиџеј ван Гардерен“.  Unknown parameter |http://www.letour.fr/le-tour/2013/us/riders/bmc-racing-team/van-garderen-tejay.html?xtmc= ignored (помош);
  2. „EF Education First Pro Cycling“. Cyclingnews.com. Immediate Media Company. Архивирано од изворникот на 2 јануари 2019. конс. 3 јануари 2019. 
  3. Cafe Chat: Tejay Van Garderen, HTC's Young American, PodiumCafe, 26 април 2010
  4. „De Nederlandse stamboom van Tejay Van Garderen“. ZIE.nl. 16 јули 2011. конс. 19 мај 2013. 
  5. Врв Еванс 7/25/03. bicyclerace.com
  6. Интервју со Тиџеј ван Гардерен, Velocity Nation
  7. Околу тимот | Тим Рио Гранде. Riograndecycling.com. 22 август 2011.
  8. www.cyclingnews.com. Autobus.cyclingnews.com. 22 август 2011.
  9. Two world champs go one-two in SLO. Трка околу Калифорнија – 2.HC САД, 18-25 февруари, 2007. Етапа 4 – 22 февруари: Сисајд до Сан Луис Обиспо, 213,4 км. CyclingNews
  10. Американецот Тиџеј ван Гардерен оди во Колумбија-Хајроад следната година, VeloNews
  11. Тиџеј ван Гардерен - Тим ХТЦ – Хајроад. Highroadsports.com. 2011-08-22.
  12. АФП: Канчелара победи на воведниот хронометар на Тур де Свис. Google.com (2011-06-09). 2011-08-22.
  13. Ван Гардерен како поддршка на Кевендиш и Мартин на Тур де Франс. Cyclingnews.com (2011-06-29). 2011-08-22.
  14. One and Done? | Bicycling Magazine. Bicycling.com. 2011-08-22.
  15. Трка околу Јута: Тиџеј ван Гардерен добил роденденски подарок со етапната победа | The Salt Lake Tribune. Sltrib.com. 2011-08-22.
  16. БМЦ потпишува со Пиноти и Ван Гардерен“, „Cycling News“, Future Publishing Limited, 1 септември 2011 (посет. 1 јануари 2012 г).
  17. Вигинс не така лесно на Ез“, „Париз-Ница“, Amaury Sport Organisation, 11 март 2012 (посет. 11 март 2012 г).
  18. Vande Velde stuns Leipheimer, taking overall victory“, „Cycling News“, Future Publishing Limited, 27 август 2012 (посет. 24 октомври 2012 г).
  19. John Henderson. „Tejay van Garderen wins second stage of USA Pro Challenge“, „TheDenverPost“, 2012 The Denver Post, 22 август 2012 (посет. 25 октомври 2012 г).
  20. Париз-Ница 2013 – Извештај за трката“, „Cyclingen“, Cyclingen, 16 март 2013 (посет. 25 март 2013 г).
  21. Chris Froome wins Criterium International in Impressive SKY One-Two“, „Cyclingen“, Cyclingen, 24 март 2013 (посет. 25 март 2013 г).
  22. Peter Sagan takes finale as Tejay van Garderen wins 2013 Amgen Tour of California“, „VeloNews“, Competitor Group, Inc., 19 мај 2013 (посет. 26 мај 2013 г).
  23. Кајл Мур. „Tour of California: Janier Acevedo conquers hellish stage two summit finish“, „VeloNation“, VeloNation LLC, 13 мај 2013 (посет. 13 мај 2013 г).
  24. Tejay van Garderen wins Tour of California 6th stage“, „USA Today“, 17 мај 2013 (посет. 18 мај 2013 г).
  25. Лора Вајсло. „Tour of California: Konig king of Mt Diablo“, „Cyclingnews.com“, Future plc, 18 мај 2013 (посет. 19 мај 2013 г).
  26. Даниел Бенсон. „Кител победи на Шанзелизе“, „Cyclingnews.com“, Future plc, 21 јули 2013 (посет. 16 август 2013 г).
  27. Тиџеј ван Гардерен победи на САД Про Челинџ“, „USA Today“, 25 август 2013 (посет. 16 октомври 2013 г).
  28. Classements à l'issue de l'étape 21“, „Тур де Франс“, Amaury Sport Organization (посет. 18 септември 2014 г).
  29. Волта а Каталуња: Ван Гардерен победи на кралската етапа“, „Cyclingnews.com“, Future plc, 26 март 2015 (посет. 26 март 2015 г).
  30. Фрум победи на крај и трката на Критериум ди Дофине“, „Cyclingnews.com“, Future plc, 14 јуни 2015 (посет. 30 јуни 2015 г).
  31. Американецот Тиџеј ван Гардерен педалира кон подиум на Тур де Франс“, „Richmond Times Dispatch“, 23 јули 2015.
  32. Тиџеј ван Гардерен морал да го напушти Тур де Франс поради болест на седумнаесеттата етапа“, „The Guardian“, 22 јули 2015 (посет. 22 јули 2015 г).
  33. „2017: 100th Giro d'Italia: Start List“. Pro Cycling Stats. конс. 2 мај 2017. 
  34. Giro d'Italia: Van Garderen wins in St. Ulrich“, „Cyclingnews.com“, Immediate Media Company, 25 мај 2017 (посет. 3 јули 2017 г).

Надворешни врскиУреди