Критериум ди Дофине
Критериум ди Дофине (пред 2010 г.: Критериум ди Дофине Либере) — годишна велосипедска друмска трка, која се вози на 8 етапи низ областа Дофине во Франција во текот на првата половина на јуни. Трката била започната од локалниот весник, Дофине Либере, преку кој трката го добила и името. Многу години, организацијата на настанот била поделена помеѓу издавачите на весникот и Amaury Sport Organisation (ASO): во 2010, весникот ги отстапил сите организациски надлежности на ASO и името на трката било скратено. Заедно со Тур де Свис, Дофине е важна трка во рамките за подготовка на Тур де Франс во јули и е дел од календарот на Светската турнеја.
 | |
| За трката | |
|---|---|
| Датум | почеток на јуни |
| Регион | Дофине (Франција) |
| Месно име | Critérium du Dauphiné (француски) |
| Прекар | Дофине Либере |
| Дисциплина | Друмски велосипедизам |
| Натпреварување | Светска турнеја на UCI |
| Вид | Етапна трка |
| Организатор | Amaury Sport Organisation |
| Директор на трката | Бернар Тевене |
| Историја | |
| Прво одржување | 1947 |
| Одржувања | 73 (до 2021) |
| Прв победник |  Едуард Клабински (ПОЛ) |
| Најмногу победи |
|
| Неодамнешен победник |  Ричи Порт (АВС) |
Бидејќи Дофине е планинска област, победниците често се специјалисти за искачување. Многу искачувања се познати од Тур де Франс, како Мон Ванту, Алп д’Ез, Кол ду Галибие или Кол де ла Шартрос, кои често се појавуваат на Дофине Либере. Сите велосипедисти, кои го освоиле Тур де Франс пет или повеќепати, исто така имаат победено на Дофине Либере.
Првиот Дофине Либере бил одржан во 1947, кога Едуард Клабински од Полска бил победник. Нело Лореди, Луис Окања, Шарли Моте, Бернар Ино и Крис Фрум го делат рекордот за најмногу победи, по три секој од нив.
Историја
уредиПо Втората светска војна, кога велосипедизмот се повратил по општиот петгодишен прекин, весникот Дофине Либере одлучил да основа и организира велосипедска етапна трка низ регионот Дофине. Трката е поставена во јуни, пред Тур де Франс. Од нејзините почетоци, трката била користена како подготовка за Тур де Франс од француските велосипедисти, вклучувајќи ги Луисон Бобе и Џон Робик. Исто така, служела како тест патека за напредната опрема за велосипедистите.
Моменталната форма на критериум е последица на спојувањето со „Трката на шесте провинции во Дофине“ во 1969.
Критериумот е единствената друга трка, која е освоена од сите петократни победници на Тур де Франс (Анкетил, Меркс, Хино, Индуран и Армстронг). Седум возачи ја имаат освоено Дофине Либере и Тур де Франс во истата година: Луисон Бобе во 1955, Жак Анкетил во 1963, Еди Меркс во 1971, Луис Окања во 1973, Бернар Тевене во 1975, Бернар Хино во 1979 и 1981, Мигел Индуран во 1995, Бредли Вигинс во 2012 и Крис Фрум во 2013 и 2015 година.
Градови, кои најмногупати биле домаќини на некој почеток или крај се: Гренобл (44 пати), Авињон (32 пати), Сент-Етјен (23 пати), Анси (22 пати), Шамбери (21 пат), Гап (21 пат), Лион (19 пати), Екс ле Бен (18 пати), Валенс (16 пати), Бријансон (15 пати) и Вал ле Бен (15 пати).
Маички
уредиВодачот на генералниот пласман носи жолта маичка со сина лента, со што се разликува од другите возачи. На почетокот на 1948 била доделена црвената маичка со бели точки на водачот во планинскиот пласман на трката, додека во 1955 била доделена зелената маичка за најдобриот спринтер.
Победници
уреди
Повеќекратни победници
уреди| Победи | Велосипедист | Изданија |
|---|---|---|
 Нело Лореди (ФРА) |
1950, 1951, 1954 | |
 Луис Окања (ШПА) |
1970, 1972, 1973 | |
| Бернар Ино (ФРА) |
1977, 1979, 1981 | |
| Шарли Моте (ФРА) |
1987, 1989, 1992 | |
 Крис Фрум (ВБР) |
2013, 2015, 2016 | |
| Жан Дото (ФРА) |
1952 + 1960 | |
| Жак Анкетил (ФРА) |
1963 + 1965 | |
| Рајмонд Пулидор (ФРА) |
1966 + 1969 | |
| Бернар Тевене (ФРА) |
1975 + 1976 | |
 Луис Ерера (КОЛ) |
1988 + 1989 | |
 Лорен Дифо (ШВА) |
1993 + 1994 | |
| Мигел Индураин (ШПА) |
1995 + 1996 | |
 Ленс Армстронг (САД) |
2002 + 2003 | |
| Кристоф Моро (ФРА) |
2001 + 2007 | |
| Алехандро Валверде (ШПА) |
2008 + 2009 | |
| Бредли Вигинс (ВБР) |
2011 + 2012 | |
 Јакоб Фуглсанг (ДАН) |
2017 + 2019 |
Велосипедистите со закосени букви се сè уште активни
Победи по земја
уредиИмало 71 издание од 1947 година. На три изданија (2002, 2003 и 2006) им биле одземени победите од нивните првични победници Ленс Армстронг и Леви Лајпхајмер.
| Држава | Победи |
|---|---|
 Франција
|
30 |
 Шпанија
|
10 |
 Обединето Кралство
|
8 |
 Колумбија
|
4 |
 Белгија
|
3 |
 САД
|
3 |
 Швајцарија
|
3 |
 Австралија
|
2 |
 Данска
|
2 |
 Германија
|
1 |
 Казахстан
|
1 |
 Холандија
|
1 |
 Полска
|
1 |
 Словенија
|
1 |
Наводи
уреди- ↑ 1,0 1,1 „Lance Armstrong: Governing body strips American of Tour wins“. BBC News. 22 октомври 2012. Посетено на 22 октомври 2012.
- ↑ 2,0 2,1 „Меѓународен велосипедистички сојуз“. Архивирано од изворникот на 2019-12-10. Посетено на 2013-09-26.
Надворешни врски
уреди| „Критериум ди Дофине“ на Ризницата ? |
- Официјална страница Архивирано на 8 јануари 2009 г.
- Достигнувања на Cycling Archives