Вуелта а Еспања 2017

72. издание на Вуелта а Еспања

Вуелта а Еспања 2017 (познато и како: Трка околу Шпанија 2017) — 72. издание на велосипедската голема трка Вуелта а Еспања, која ќе се одржува помеѓу 19 август и 10 септември како завршна голема трка во сезоната на Светската турнеја.[1][2][3][4]

Вуелта а Еспања 2017
Детали за трката
Издание72. Вуелта а Еспања
НатпреварувањеСветска турнеја на UCI 2017 2.UWT
Етапи21
Датуми19 август – 10 септември
Растојание3.297,7 км
ДржавиESP Шпанија
FRA Франција
AND Андора
ПоаѓалиштеНим
ОдредиштеМадрид
Екипи22
Возачи на почеток198
Возачи на крај158
Просечна брзина39,971 км/ч
Добитници на наградите
ПобедникGBR Крис Фрум (Тим Скај)
ВторопласиранITA Винченцо Нибали (Бахреин-Мерида)
ТретопласиранRUS Илнур Закарин (Катјуша-Алпесин)
БодовенGBR Крис Фрум (Тим Скај)
ПланинскиITA Давиде Вилела (ЕФ Едукејшн-ИзиПост)
МладинскиCOL Мигел Анхел Лопес (Астана)
БорбеностESP Алберто Контадор (Трек-Сегафредо)
КомбиниранGBR Крис Фрум (Тим Скај)
ЕкипенKAZ Астана
20162018▶
Документација

Трката започнала во Ним, Франција, а ќе заврши во Мадрид.[3] Тоа било првпат трката да започне во Франција и само третпат надвор од Шпанија, по 1997 година (Португалија) и 2009 година (Холандија).[3]

Генералниот пласман бил освоен по првпат од победникот на Тур де Франс 2017, Крис Фрум од Тим Скај, пред Винченцо Нибали од Бахреин-Мерида.[5] Фрум станал само трет возач кој победил на Тур и Вуелта по Жак Анкетил (1963) и Бернар Ино (1978) и прв кој успеал по префрлањето на местото во календарот на Вуелта.[6] Фрум, исто така, ги освоил бодовниот и комбинираниот пласман, станувајќи прв возач кој освоил три маички на една Вуелта од Денис Меншов во 2008 година. Планинскиот пласман бил освоен од возач на Канондејл-Драпак, Давиде Вилела, додека возачот на Трек-Сегафредо, Алберто Контадор, ја освоил наградата за борбеност на неговата завршна голема трка, како и завршната планинска етапа на сликовитиот Англиру. Астана го освоила екипниот пласман.[7]

Екипи уреди

 
Арената во Ним, Франција, била домаќин на презентацијата на екипите на 19 август.

Изданието на Вуелта а Еспања во 2017 година било составено од 22 екипи.[8] Сите осумнаесет UCI World Tour екипи биле автоматски поканети и се обврзани да учествуваат на трката.[9] На 27 март 2017, организаторот на Вуелта, Унипублик, ги објавил четирите професионални континентални екипи на кои им биле дадени специјални покани.[10] Презентацијата на екипите – каде членовите на секоја екипа биле претставувани пред медиумите и локалните власти – се одржала на Нимската арена во Ним, Франција, на 19 август, пред почетокот на првата етапа, одржана во градот.[11]

Секоја екипа имала дозвола за максимум девет возачи, што предизвикала на почетокот да има 198 возачи.[12] Од нив, 75 биле првпат на Вуелта а Еспања.[13] Возачите доаѓале од 33 држави. Шест држави имале повеќе од 10 возачи на трката: Шпанија (31), Франција (20), Италија (20), Белгија (17), Холандија (15) и Колумбија (12).[12] Просечната возраст на возачите била 27,6 години,[14] движејќи се од 20-годишниот Ленард Кемна (Тим Санвеб) до 40-годишниот Свен Тафт (Орика-Скот).[15][16] Тим Манзана Постобон имала најнизок просек, додека Трек-Сегафредо највисок просек.[17]

Екипи од Светската турнеја на UCI (18)Професионални континентални екипи (4)

Фаворити пред трката уреди

 
Победникот на Тур де Франс 2017, Крис Фрум (Тим Скај), бил сметан од многумина за водечки фаворит пред трката.

Моменталниот првак на Вуелта, Наиро Кинтана (Мовистар Тим) одбрал да не ја брани титулата, откако настапил на обете големи трки, Џиро и Тур претходно во сезоната.[18] Крис Фрум (Тим Скај), кој пристигнал на Вуелта со четвртата победа од Тур еден месец претходно, бил сметан како фаворит од повеќето коментатори и обложувалници.[19][20] Фрум претходно трипати завршил втор на Вуелта. Победа во Шпанија би го направило само трет возач после Жак Анкетил (во 1963) и Бернар Ино (во 1978) кој ги освоил Тур и Вуелта во една година.[19] Во отсуство на Кинтана, бројот еден бил предаден на трикратниот победник Алберто Контадор (Трек-Сегафредо), кој на почетокот на август најавил дека ќе се повлече од велосипедизмот по трката.[21] Контадор бил сметан како фаворит, иако неговите резултати на претходните големи трки фрлиле сомнеж на неговиот потенцијал.[22] Победникот од 2010 година, Винченцо Нибали (Бахреин-Мерида) бил сметан како најголем соперник на Фрум за победа, пропуштајќи го Тур де Франс.[20] Фабио Ару (Астана), победник во 2015 година, ја започнал трката како фаворит откако завршил петти на Тур де Франс.[22] Третопласираниот од 2016 година, Естебан Чавес (Орика-Скот), има шанси за победа на трката. Други возачи за можен висок пласман на трката биле Стевен Краусвајк (Лото НЛ-Џамбо) и Рафал Мајка (Бора-Хансгрое), трет во 2015 година. Можни фаворити за нивен деби-настап биле Илнур Закарин (Катјуша-Алпесин), кој завршил петти на Џиро во мај, како и браќата Адам и Сајмон Јејтс (обајцата Орика-Скот).[20]

Рута и етапи уреди

Рутата на Вуелта а Еспања била претставена на 13 јануари 2017 година. Како традиција од претходните години, трката започнала со екипен хронометар. Меѓутоа, само по третпат во историјата на трката, започнала во Франција. На третата етапа трката ќе ја напушти Франција, со планинска етапа до Андора ла Веља. Првата завршница на нагорнина е на петтата етапа. Кралската етапа е дваесеттата етапа, која вклучува искачување до Алто де л’Англиру. На крај, трката завршува со традиционалната кружна трка во Мадрид.[23]

ЕтапаДатумТекtypeРастојание (км)ПобедникCевкупен лидер
1  19 авг  Ним –   Ним
 
екипен хронометар
13,7  БМЦ Рејсинг Тим    Роан Денис  
2  20 авг  Ним –   Грисан
 
рамна етапа
203,4  Ив Ламперт    Ив Ламперт  
3  21 авг  Прад –   Андора ла Веља
 
планинска етапа
158,5  Винченцо Нибали    Крис Фрум  
4  22 авг  Аскалдес-АнгурдањТарагона
 
рамна етапа
198,2  Матео Трентин    Крис Фрум  
5  23 авгБеникасим – Алкосебре
 
среднопланинска етапа
175,7  Алексеј Луценко    Крис Фрум  
6  24 авгВилјареал – Сагунто
 
ридеста етапа
204,4  Томаш Марчињски    Крис Фрум  
7  25 авгЉирија – Куенка
 
ридеста етапа
207  Матеј Мохорич    Крис Фрум  
8  26 авгЕлјин – Ксорет дел Кати
 
среднопланинска етапа
199,5  Жилијан Алафилип    Крис Фрум  
9  27 авгОривела – Бенитачел
 
среднопланинска етапа
174  Крис Фрум    Крис Фрум  
10  29 авгКаравака де ла Круз – Ел Посо
 
ридеста етапа
164,8  Матео Трентин    Крис Фрум  
11  30 авгЛорка – Опсерваторија Калар Алто
 
планинска етапа
187,5  Мигел Анхел Лопес    Крис Фрум  
12  31 авгМотрил – Антекера
 
ридеста етапа
160,1  Томаш Марчињски    Крис Фрум  
13  1 сепКоин – Томарес
 
рамна етапа
198,4  Матео Трентин    Крис Фрум  
14  2 сепЕсиха – Сиера де ла Пандера
 
планинска етапа
175  Рафал Мајка    Крис Фрум  
15  3 сепАлкала ла Реал – Sierra Nevada Ski Station
 
планинска етапа
129,4  Мигел Анхел Лопес    Крис Фрум  
16  5 сепСиркуито де Навара – Логроњо
 
индивидуален хронометар
40,2  Крис Фрум    Крис Фрум  
17  6 сепВилјадиего – Arredondo, Cantabria
 
планинска етапа
180,5  Штефан Денифл    Крис Фрум  
18  7 сепСуансес – Санто Торибио де Лиебана
 
ридеста етапа
169  Сандер Арме    Крис Фрум  
19  8 сепКасо – Хихон
 
ридеста етапа
149,7  Томас де Гент    Крис Фрум  
20  9 сепКорвера – Алто де Л’Англиру
 
планинска етапа
117,5  Алберто Контадор    Крис Фрум  
21  10 сепАројомолинос – Мадрид
 
рамна етапа
117,6  Матео Трентин    Крис Фрум  

Преглед на трката уреди

Пласмани уреди

Постоеле четири главни пласмани на Вуелта а Еспања 2017, меѓу кои најважен бил генералниот пласман. Генералниот пласман бил пресметуван преку додавање на завршните времиња на секој велосипедист по секоја етапа, вклучувајќи ги и добиените временски бонуси. Велосипедистот со најмало вкупно време бил предводник на трката, препознаван преку црвената маичка; победникот на овој пласман бил сметан за победник на Вуелта.[24]

Дополнително, постоел бодовен пласман, каде се доделувала зелена маичка. Во бодовниот пласман, велосипедистите добивале бодови доколку завршат меѓу најдобрите на етапите или на средните спринтови. Велосипедистот со најмногу бодови го предводел пласманот и бил препознаван со зелената маичка.[24]

Постоел, исто така, и планински пласман. Организаторите категоризирале некои искачувања како екстра, прва, втора, трета или четврта категорија; бодовите за овој пласман биле освојувани од првите велосипедисти на врвот на некое искачување, каде повеќе бодови биле достапни за повисоко категоризираните искачувања. Велосипедистот со најмногу бодови водел во пласманот и бил препознаван од сината точкаста маичка.[24]

Четвртиот поединечен пласман бил комбинираниот пласман, во кој се доделувала белата маичка. Овој пласман бил сметан преку додавање на местата на секој велосипедист во генералниот, бодовниот и планинскиот пласман — возачот морал да има резултат во сите пласмани за да може да учествува во овој пласман — велосипедистот со најмал вкупен збир бил победник на пласманот.[24]

Постоела и награда за борбеност. Оваа субјективна награда била доделувана на возач кој се сметал за најборбен, најхрабар во текот на една етапа, исклучувајќи ги хронометрите. Победникот го носел црвениот број наредниот ден. На последниот ден на трката, судиите одлучувале кој е најборбен возач во текот на целата трка.[24]

За екипниот пласман биле собирани времињата на најдобрите тројца велосипедисти од секоја екипа по секоја етапа; водечката екипа била екипата со најмало вкупно време.[24]

Водство во пласманите по етапа
Етапа Победник Генерален пласман
 
Бодовен пласман
 
Планински пласман
 
Комбиниран пласман
 
Екипен пласман Награда за борбеност
1 Ванти-Груп Гобер Роан Денис недоделена[N 1] Николас Роуш Даниел Ос Ванти-Груп Гобер недоделан
2 Ив Ламперт Ив Ламперт Ив Ламперт[N 2] Квик-Степ Флорс Маркел Иризар
3 Винченцо Нибали Крис Фрум Винченцо Нибали Давиде Вилела Крис Фрум[N 3] Орика-Скот Александар Жење
4 Матео Трентин Матео Трентин Диего Рубио
5 Алексеј Луценко Астана Алексеј Луценко
6 Томаш Марчињски Енрик Мас
7 Матеј Мохорич Мовистар Тим Луис Анхел Мате
8 Жилијан Алафилип Пшемислав Њемјец
9 Крис Фрум Крис Фрум[N 4] Марк Солер
10 Матео Трентин Матео Трентин Матео Трентин
11 Мигел Анхел Лопес Ромен Барде
12 Томаш Марчињски Омар Фраиле
13 Матео Трентин Астана Томас де Гент
14 Рафал Мајка Луис Анхел Мате
15 Мигел Анхел Лопес Крис Фрум Сандер Арме
16 Крис Фрум Крис Фрум
17 Штефан Денифл Даниел Морено
18 Сандер Арме Хосе Хоакин Рохас
19 Томас де Гент Даниел Наваро
20 Алберто Контадор Енрик Мас
21 Матео Трентин недоделена
На крај Крис Фрум Крис Фрум Давиде Вилела Крис Фрум Астана Алберто Контадор
  1. Иако Роан Денис ја добил маичката на подиумот во Ним, немало бодови за пласманот на етапата. Алесандро Де Марки ја носел маичката на втората етапа.
  2. На третата етапа, Матео Трентин, кој бил втор во бодовниот пласман, ја носел зелента маичка, бидејќи првопласираниот Ив Ламперт ја носел црвената маичка како предводник во генералниот пласман.
  3. На етапите 4-8 и на 10-14, Естебан Чавес, кој бил втор во комбинираниот пласман, ја носел белата маичка, бидејќи првопласираниот Крис Фрум ја носел црвената маичка како предводник на генералниот пласман. На деветтата етапа, од истата причина, Јан Поланц ја носел белата маичка, како и Винченцо Нибали на петнаесеттата етапа, Мигел Анхел Лопес на етапите 16-20 и Алберто Контадор на етапата 21.
  4. На етапите 10, 17, 19 и 20, Матео Трентин, кој бил втор во бодовниот пласман, ја носел зелената маичка, бидејќи првопласираниот Крис Фрум ја носел црвената маичка како предводник на генералниот пласман. На етапите 18 и 21, Винченцо Нибали ја носел зелената маичка од истата причина.

Завршни пласмани уреди

 
Завршен подиум на Вуелта а Еспања 2017.
Легенда
  Го означува предводникот на генералниот пласман[25]   Го означува предводникот на бодовниот пласман[25]
  Го означува предводникот на планинскиот пласман[25]   Го означува предводникот на комбинираниот пласман[25]

Генерален пласман уреди

 Генерален пласман
ВозачЕкипаВреме
1.   Крис Фрум    Тим Скај82ч 30' 02
2.   Винченцо Нибали Бахреин-Мерида+ 2' 15
3.   Илнур Закарин Катјуша-Алпесин+ 2' 51
4.   Вилко Келдерман Тим ДСМ+ 3' 15
5.   Алберто Контадор  Трек-Сегафредо+ 3' 18
6.   Ваут Пулс Тим Скај+ 6' 59
7.   Мајкл Вудс ЕФ Едукејшн-ИзиПост+ 8' 27
8.   Мигел Анхел Лопес Астана+ 9' 13
9.   Стевен Краусвајк Лото НЛ-Џамбо+ 11' 18
10.   Тиџеј ван Гардерен БМЦ Рејсинг Тим+ 15' 50
11.   Естебан Чавес Орика-Скот+ 16' 46
12.   Луис Мејнчес ОАЕ Емирати+ 17' 41
13.   Фабио Ару Астана+ 21' 41
14.   Николас Роуш БМЦ Рејсинг Тим+ 22' 00
15.   Серхио Пардиља Каха Рурал-Сегурос РГА+ 22' 59
16.   Микел Ниеве Тим Скај+ 28' 00
17.   Ромен Барде АГ2Р Ла Мондијал+ 31' 21
18.   Даниел Морено Мовистар+ 42' 16
19.   Сандер Арме Лото-Судал+ 59' 01
20.   Дарвин Атапума ОАЕ Емирати+ 1ч 02' 58
Извор: ProCyclingStats


Екипен пласман уреди

Завршен екипен пласман (1–10)[26]
Место Екипа Време
1 Астана 247ч 16' 21"
2 Мовистар Тим + 6' 16"
3 Тим Скај + 8' 12"
4 ОАЕ Абу Даби + 49' 02"
5 Лото НЛ-Џамбо + 1ч 07' 28"
6 Орика-Скот + 1ч 35' 21"
7 Бахреин-Мерида + 2ч 02' 09"
8 Каха Рурал-Сегурос РГА + 2ч 07' 45"
9 Ванти-Груп Гобер + 2ч 10' 38"
10 Квик-Степ Флорс + 2ч 28' 01"

Наводи уреди

  1. „UCI expands WorldTour to 37 events“. Cycling News. Посетено на 2 октомври 2016.
  2. „The UCI reveals expanded UCI WorldTour calendar for 2017“. UCI. Посетено на 2 октомври 2016.
  3. 3,0 3,1 3,2 „Vuelta a España set for French start in 2017“. Cycling Weekly. 2 септември 2016. Посетено на 2 септември 2016.
  4. „2017 Vuelta a Espana to start in Nimes“. Cycling News. 2 септември 2016. Посетено на 2 септември 2016.
  5. „Крис Фрум wins Vuelta a Espana win: Stage-by-stage guide to the victory“. BBC Sport. 10 септември 2017. Посетено на 19 септември 2017.
  6. „Крис Фрум seals Vuelta a España title to win historic Vuelta-Tour double“. Guardian. 10 септември 2017. Посетено на 19 септември 2017.
  7. „Крис Фрум completes Tour de France - Vuelta a Espana double“. Cyclingnews.com. Immediate Media Company. 10 септември 2017. Посетено на 11 септември 2017.
  8. „Teams – The riders, videos, photos – La Vuelta 2017“. Вуелта а Еспања. Unipublic. Посетено на 5 јули 2017.
  9. „UCI Cycling Regulations: Part 2: Road Races page 110 article 2.15.127“ (PDF). uci.ch. Меѓународен велосипедистички сојуз. Архивирано од изворникот (PDF) на 2 јули 2015. Посетено на 20 август 2015.
  10. Вин, Најџел (27 март 2017). „Wildcard teams revealed for 2017 Vuelta a España“. Cycling Weekly. Time Inc. UK. Посетено на 29 август 2017.
  11. „2017 Vuelta a Espana launched across Nimes' Roman landmarks - Gallery“. Cyclingnews.com. Immediate Media Company. 19 август 2017. Посетено на 29 август 2017.
  12. 12,0 12,1 „Start list – La Vuelta 2017“. Вуелта а Еспања. Unipublic. Посетено на 29 август 2017.
  13. „Vuelta a España 2017 – Debutants“. ProCyclingStats. Архивирано од изворникот на 30 август 2017. Посетено на 30 август 2017.
  14. „Vuelta a España 2017 – Peloton averages“. ProCyclingStats. Архивирано од изворникот на 30 август 2017. Посетено на 30 август 2017.
  15. „Vuelta a España 2017 – Youngest competitors“. ProCyclingStats. Архивирано од изворникот на 30 август 2017. Посетено на 30 August 2017.
  16. „Vuelta a España 2017 – Oldest competitors“. ProCyclingStats. Архивирано од изворникот на 30 август 2017. Посетено на 30 август 2017.
  17. „Vuelta a España 2017 – Average team age“. ProCyclingStats. Архивирано од изворникот на 30 август 2017. Посетено на 30 август 2017.
  18. „Quintana confirms he will stay at Movistar and target 2018 Tour de France“. cyclingnews.com. 17 август 2017. Архивирано од изворникот 2017-08-18. Посетено на 18 август 2017.
  19. 19,0 19,1 Хенрис, Колин (28 јули 2017). „Крис Фрум the bookies' favourite as he targets historic Vuelta a Espana 2017 win“. Road Cycling UK. Архивирано од изворникот 2017-08-18. Посетено на 18 август 2017.
  20. 20,0 20,1 20,2 Канингем, Крег (18 август 2017). „Vuelta a España 2017: Who are the bookmakers backing for victory?“. cyclingweekly.com. Архивирано од изворникот 2017-08-18. Посетено на 18 август 2017.
  21. „Contador to wear number 1 at final Vuelta a Espana“. cyclingnews.com. 8 август 2017. Архивирано од изворникот 2017-08-18. Посетено на 18 август 2017.
  22. 22,0 22,1 Фотерингем, Аласдер (15 август 2017). „Vuelta a Espana Preview: Крис Фрум and unfinished business“. cyclingnews.com. Архивирано од изворникот 2017-08-18. Посетено на 18 август 2017.
  23. „2017 Route“. Вуелта а Еспања. Unipublic. Посетено на 30 јануари 2017.
  24. 24,0 24,1 24,2 24,3 24,4 24,5 „Sporting stakes / rules“. lavuelta.com. Архивирано од изворникот 2017-08-18. Посетено на 18 август 2017.
  25. 25,0 25,1 25,2 25,3 Race regulations 2017, стр. 50.
  26. 26,0 26,1 26,2 26,3 „Classifications – La Vuelta 2017“. Вуелта а Еспања. Unipublic. Посетено на 5 септември 2017.

Извори уреди

Надворешни врски уреди