Даниел Ос

Даниел Ос
	Ос на Јапонскиот куп 2012
Лични податоци
Цело име	Даниел Ос
Роден	13 јануари 1987 (37 г.); Тренто, Италија
Висина	1,90 м
Маса	75 кг
Податоци за клубот
Мом. клуб	Бора-Хансгрое
Дисциплина	друмски велосипедизам
Улога	возач
Вид на возач	специјалист за класици
Професионални клубови
2009–2012; 2013–2017; 2018-	Ликвигас; Аксент Џобс-Ванти; Бора-Хансгрое
Значајни победи
	Големи трки Тур де Франс 1 етапа ТТТ (2015) Вуелта а Еспања 1 ТТТ етапа (2017)
	Големи трки Тур де Франс 1 етапа ТТТ (2015) Вуелта а Еспања 1 ТТТ етапа (2017)
Освоени медали
Друмски велосипедизам
Натпреварувач за Аксент.џобс-Вилемс Веранда
Светски првенства
	Последна промена; 19 јануари 2019

Даниел Ос (италијански: Daniel Oss; р. 13 јануари 1987 во Тренто) — италијански професионален друмски велосипедист, кој моментално вози за американската UCI World Tour екипа Бора-Хансгрое.^[1]

Кариера

Во 2004 година, првите резултати на Ос во велодромски и друмски велосипедизам биле извонредни; тој се покажал на Националното студентско велодромско првенство во Порденоне, собирајќи три подиума во поединечен пласман; во истата година бил трет во медисон на Европското студентско првенство.

По една година надвор од велосипедизмот, Ос се вратил во 2006, успевајќи да заврши пет трки, вклучувајќи ги Понтон, Исолатес Вичентина, Кремона Песина и Бибано. Во 2007, тој освоил две помали трки, додека во 2008, покрај три други трки, учествувал на Светското друмско првенство во Варезе, постигнувајќи го осмото место во хронометарот за возачи под 23 години.

Во 2009, станал професионалец, придружувајќи ѝ се на екипата Ликвигас;^[2] тој бил меѓу првите десет за првпат на една професионална трка, кога на прологот на Волта а Каталуња завршил на деветтото место, четири секунди зад победникот Тор Хушовд. Во текот на истата година, тој учествувал на Националното велодромско првенство и бил прв во екипниот пласман заедно со колегите Јакопо Гварниери, Елија Вивијани и Давиде Чимолаи. Кон крајот на сезоната, тој бил способен да заврши во првите пет на бројни професионални трки: две четврти места на Трката околу Мисури и петти на ГП Индустрија е Комерчио ди Прато.

Во 2010, Ос бил петти на Гент-Вевелгем и четврти на една од етапите на Три дена Де Пане. Исто така, учествувал по првпат на некоја голема трка, каде завршил 124. на Тур де Франс,^[3] каде исто така ја добил и наградата за борбеност на етапата 18, за неговото учество во бегството. Тој одиграл клучна улога како водач за спринтерот и колегата Елија Вивијани во воведната етапа на Про Сајклинг Челинџ. Водството на Ос му донело две етапни победи на Вивијани и бодовниот пласман. На шестата етапа во Денвер, Вивијани му донел награда за помошта на Ос, дозволувајќи да победи во спринтерската завршница.

Ос го напуштил Ликвигас-Канондејл на крајот на сезоната 2012 и му се приклучил на Аксент Џобс-Ванти за сезоната 2013.^[4] Поминал пет години со екипата пред да се пресели во Бора-Хансгрое за сезоната 2018.^[1]