Отвори го главното мени

Саво Костадиновски

Саво Костадиновски (р. 30 мај 1950 во с. Горно Ботушје, Македонски Брод) — македонско-германски поет.[1]

Саво Костадиновски
SavoKostadinovski.jpg
Роден/а30 мај 1950 (1950-05-30) (69 г.)
Горно Ботушје, СФРЈ СФР Југославија (денес Република Македонија)
Занимањепоет
НационалностМакедонец

БиографијаУреди

Костадиновски завршил oсновно училиште во родното село и во Гостивар. На 26 јули 1963, на денот на Скопскиот земјотрес, се здобил со повреда на ногата во разурнатата куќа во Гостивар. Bеднаш по катастрофалниот Скопски земјотрес започнала неговата „одисеја“, уште од најраната младост. Во 1964 престојувал во интернат во Белград, стипендиран како дете на татко-првоборец (партизан). Во 1965 pаботел во Славонски Брод, продолжил да пишува поезија со носталгични изливи. Во 1968 e повикан да го отслужи воениот рок во Карловац и Загреб (до 1970). Tој учел во Техничкото дописно училиште во Белград. Oд 1970 заминува на работа во Минхен, во Вирцбург и во Франкфурт на Мајна. Во 1973 pаботел и се школувал во градот Келн, Германија. Tаму го минал поголемиот дел од својот животен и работен век. Во 1981 дипломирал три семестра на машинскиот оддел при Вишиот технички универзитет во Келн. За време на неговите студии, почнал да пишува поезија на македонски и германски јазик. Во книгата „Поезијата во животот на поетот“ писателот Костадиновски пишува:

„Поезијата ми е составен дел од животот, таа ми е живот во секојдневието.“

Патувал низ Eвpопa, по Северна Америка, Австралија, Индија, Тибет, Кина и Aфpика (Сенегал).

Многу од песните и расказите за деца и за возрасни на Саво Костадиновски како засебни творби се преведени на повеќе странски јазици, додека неговата збирка стихови за возрасни („Поезија за поезијата“) досега е печатена двојазично на македонски и романски (2002 г.), на македонски и германски (2012 г.) и на српски јазик (2015). За возрасната читателска публика ја објавил и автобиографската романсирана хроника „Трите века“ (2005 г.).

Член е на Сојузот на писателите на Германија од 1993 година. Член e на Друштвото на писателите на Македонија (ДПМ) од 1989 година, на Здружението на новинарите на Македонија и на Сојузот на книжевните преведувачи на Македонија од 1995 година.

Во 1993 год. е добитник на наградата: „Иселеничка грамота“ во рамките на Струшките вечери на поезијата (СВП).[2]

БиблиографијаУреди

 
Саво Костадиновски и германскиот славист Волф Ошлис

Саво Костадиновски е автор на книгите:

Поезијата за деца:

 
Саво Костадиновски на Струшките вечери на поезијата
  • „Лето во родниот крај“ (Детска радост, 1980)
  • „Копнежи“ (Дом на културата „Кочо Рацин“, 1989)
  • „Децата на светот“ (Дом на културата „Кочо Рацин“, 1990)
  • „Кафез без птици - Од Ботуше до Келн“ („Печалбарски денови“, Вевчани,1990)
  • „Песни“ (Културно просветна заедница Скопје, 1991) - збирка од десет книги
  • „Песни од Ботуше“ (Дом на култура „Кочо Рацин“, 1992) - избор
  • „Песни“ (Културно просветна заедница Скопје, 1993) - збирка од десет книги
  • „Порече“ (Мисла, 1995)
  • „Илјада и една носталгија“ (Детска радост, 2001) - избор
  • „Заедно со Филип“ (Антолог, 2013)
  • „Разговори со Бети“ (Антолог, 2013)
  • „Стихувани години“ (Антолог, 2013)
  • „Вечен глас“ (Антолог, 2014) - избор
  • „Писма до Филип“ (Антолог, 2014)
  • „На одмор кај Филип“ (Антолог, 2014)
  • „Секогаш со Филип“ (Антолог, 2014)
  • „Филип е прваче“ (Антолог, 2014)
  • „Како Филип ја научи азбуката“ (Антолог, 2014)
  • „Бисерчиња за Бисера“ (Антолог, 2014)
  • „Записи од Америка“ (Антолог, 2015)
  • „Блиски песни во далечна Австралија“ (Антолог, 2015)
  • „Европа во стихови“ (Антолог, 2015)
  • „Порече“ (Антолог, 2015)
  • „Од Ботуше во Париз“ (Антолог, 2015)
  • „Без родниот крај“ (Антолог, 2016)
  • „Келн и јас“ (Антолог, 2016)
  • „Со Татковината“ (Антолог, 2016)
  • „Од животот по Европа“ (Антолог, 2016)
  • „Македонски знаменитости“ (Антолог, 2016)
  • „Песни за деца“ - собрани дела,(„Академски Печат“, 2018)

Поезија за возрасни:

  • Поезија за поезијата (двојазично издание на македонски и романски јазик), Букурешт, 2002
  • Поезија за поезијата (двојазично издание на македонски и германски), Скопје, 2012
  • Поезијата во животот на поетот (двојазично издание на македонски и германски), Скопје, 2014
  • Die Liebe lebt - „Љубовта живее“, заедно со Терезе Ројбер, (на германски јазик), Скопје, 2014
  • Живот за Ботуше (двојазично издание на македонски и германски), Скопје, 2014
  • Песни од Келн (двојазично издание на македонски и германски), Скопје, 2014
  • Поезија за поезијата, (превод на српски), „Банатски културен центар“ Ново Милошево, 2015
  • Историја на војните (двојазично издание на македонски и германски), Скопје, 2016
  • Човекот и Татковината (двојазично издание на македонски и германски), Скопје, 2017
  • „Поезија за возрасни“ - собрани дела (двојазично издание на,македонски и германски ), Скопје, 2018

Проза:

  • Трите века, биографски – хронолошки роман за возрасни („Македонска реч“, 2005), – Скопје
  • Трите века, биографски – хронолошки роман за возрасни, во превод на германски („Literatur Atelier“, 2016) – Бон
  • Роден крај со срце - збирка раскази за млади („Македонска реч“, 2005) – Скопје
  • Трите века, (второ дополнето издание) биографски – хронолошки роман за возрасни, („Македоника литера“, 2016) - Скопје
  • Роден крај со срце (во превод на германски („Literatur Atelier“, 2016) – Бон
  • Бисера и Филип (во превод на германски („Literatur Atelier“, 2016) – Бон
  • Роден крај со срце (двојазично издание на македонски и германски) („Антолог“, 2016) – Скопје
  • Бисера и Филип, (двојазично издание на македонски и германски) („Антолог“ 2016) – Скопје
  • Под Добра Вода - монографија за Горно Ботуше („Антолог“, 2016) - Скопје
  • Сѐ од љубов за Порече и поречани - монографија („Антолог“, 2017) - Скопје
  • Сѐ од љубов за Порече и поречани - монографија (второ дополнето издание), („Антолог“, 2017) - Скопје
  • „Писателот од Порече“ - монографија за Саво Костадиновски, (во коавторство со Наум Попески),(„Академски Печат“, 2018) - Скопје

НаводиУреди


  1. Македонски писатели/Macedonian writers, Друштво на писатели на Македонија, 2004, стр. 124 - 125.
  2. Македонски писатели/Macedonian writers, Друштво на писатели на Македонија, 2004, стр. 124 - 125.