Димитар Башевски
Димитар Башевски — македонски романописец, поет и преведувач.[1]
Животопис
уредиДимитар Башевски е роден во село Ѓавато, Битолско на 27 јуни 1943 година. Завршил Филозофски факултет на Универзитетот „Св. Кирил и Методиј“ во Скопје. Член на Друштвото на писателите на Македонија од 1969 година. Долги години работел како новинар, уредник и постојан дописник на весникот „Нова Македонија“ од Атина. Бил директор и главен уредник на издавачката куќа „Култура“. Сега е главен уредник на издавачката куќа „Слово“. Член е на Македонскиот ПЕН центар и бил негов претседател од 2000 до 2006 година.[2]
Дела
уредиБашевски е автор на следниве дела:
- Туѓинец (роман, 1969)
- Враќање (роман, 1972)
- Раска (роман, 1974)
- Нема смрт додека ѕвони (роман, 1980)
- Една година од животот на Иван Плевнеш (роман, 1985)
- Куќата на животот (поезија, 1987)
- Сарајановскиот каранфил (роман, 1990)
- Дневникот на Ања (роман за деца, 1994)
- Привремен престој (поезија, 1995)
- Совладано време (поезија, 1998)
- Бунар (роман, 2001)
- Аголен камен (поезија, 2005)
- Братот (роман 2007)
- Во дланката своја си гледам (поезија, 2010)
- Прозорци (роман, 2010)
- Белег. Сон (поезија, избор, 2012)
- Прозорци, нова верзија (роман, 2013)
- Мајсторот (раскази, 2013)
- Скршнувања (поезија, 2016)
- Круг (роман, 2017)
- Избрани дела (во шест тома, 2019)
- Писма од карантин (есеи, 2021)
- Дни, години (поезија, 2023)[3]
- Црни букви на црвено (поезија, 2025)
Неговите дела се преведувани и објавувани во странство на англиски, чешки, грчки, романски, српски, црногорски, албански и бугарски. Застапуван во антологиите на македонската поезија и проза. Три негови кратки раскази се застапени во антологијата на македонскиот краток расказ, „Џинџуџе во земјата на афионите“ (Темплум, 2022).[4] Преведува од англиски и од словенските јазици.
Награди и признанија
уредиДобитник е на наградите:
- Награда „11 Октомври“[5];
- Награда „Рациново признание“[5];
- Награда „Ванчо Николески“[5];
- Награда „13 Ноември“[5];
- Лауреат на престижната награда „Роман на годината“ на Утрински весник за неговото дело, романот „Бунар“, 2001;
- Награда „Св. Климент Охридски“, 2019;[6]
- Награда „Браќа Миладиновци“ на Струшките вечери на поезијата 2023.[5][7][8][9]
Наводи
уреди- ↑ „Био-библиографски белешки за членовите -Димитар Башевски“. Македонски ПЕН центар. Архивирано од изворникот на 2011-03-24. Посетено на 2010-09-19.
- ↑ „Авторски портрет на Димитар Башевски во НУБ“. A1.on.mk. Посетено на 2023-08-13.
- ↑ „Излезе книгата „Дни, години" од Димитар Башевски“. Нова Македонија. Посетено на 2023-08-13.
- ↑ Никола Гелевски и Владимир Мартиновски (приредувачи), Џинџуџе во земјата на афионите: антологија на македонскиот краток расказ. Скопје: Темплум, 2022, стр. 77-80.
- ↑ 5,0 5,1 5,2 5,3 5,4 „Димитар Башевски добитник на наградата „Браќа Миладиновци" на Струшките вечери на поезијата за 2023 година за поетската збирка „Дни, години"“. Министерство за култура на Македонија. Посетено на 13 август 2023.
- ↑ „Доделување на наградата „Св. Климент Охридски"“. Собрание на Македонија. Посетено на 2023-08-13.
- ↑ „Биографија на Димитар Башевски“. Струшки вечери на поезијата. Посетено на 2023-08-13.
- ↑ „Димитар Башевски е добитник на наградата „Браќа Миладиновци"“. Нова Македонија. Посетено на 2023-08-13.
- ↑ „Поетската награда „Браќа Миладиновци" на СВП годинава оди во рацете на Димитар Башевски“. Слободен печат. Посетено на 2023-08-13.