Симеон Јанков

Симеон Јанков – македонски писател и преведувач

Симеон Јанков

Животопис

Симеон Јанков е роден на 21 август 1981 г. во Скопје. Завршил средно во СУГС „Раде Јовчевски Корчагин“ - Скопје. Дипломирал Македонска книжевност и јужнословенски книжевности на Филолошкиот факултет „Блаже Конески“. Во средношколските и студентските денови, се занимавал со бокс, а многу години подоцна, веќе не толку редовно и пред сѐ, од чисто задоволство, и со уште два други боречки спорта. Во минатото, аматерски се занимавал со проучување на словенската митологија, а во последните неколку години, страсно ги проучува врските меѓу македонскиот јазик и словенските, воопшто, од една страна, и останатите индоевропски јазици, од друга, фасциниран од нивната блискост, која најчесто не е воочлива на прв поглед, притоа служејќи се со литературата на некои од најголемите и најреномираните научници на тоа поле, како Макс Фасмер, Рик Дрексен, Олег Трубачов и други, и се надева дека, некогаш во иднина, користејќи ги живите и најфасцинантни примери, ќе напише една небелетристичка книга од таа област, читлива и достапна за пошироката публика.

Живее во Скопје. Романот е засега единствениот литературен жанр во кој се пронаоѓа. Покрај тоа што пишува преведува од англиски, руски, српски и хрватски јазик.

Творештво

• „Црна шума“, роман („Ми-Ан“, Скопје, 2019)
• „Најосаменото место“, роман (Или-Или, Скопје, 2021)

Претставувања и промоции

• Промоција на романот „Најосаменото место“ од Симеон Јанков
• Разговор со Симеон Јанков, македонски автор кој има што да им понуди на читателите

Наводи

Македонска книжевност