Отвори го главното мени

Алваро Борха Мората Мартин (роден на 23 октомври 1992, во Мадрид) е шпански фудбалер, напаѓач на Атлетико Мадрид и на шпанската репрезентација.

Алваро Мората
Álvaro Morata.jpg
Лични податоци
Роден на 23 октомври 1992 (1992-10-23) (26 г.)
Роден во Мадрид, Шпанија
Држава Шпанија Шпанија
Висина &100000000000001900000001,90 м
Позиција напаѓач
Клупски податоци
Сегашен клуб Атлетико Мадрид Атлетико Мадрид
Број 22
Агент Италија Џузепе Боцо[1]
Младинска кариера
Атлетико Мадрид Атлетико Мадрид
Хетафе Хетафе
Реал Мадрид Реал Мадрид
Кариера*
Години Клуб Наст. (Гол.)
2010-2013 Реал Мадрид Кастиља РМ Кастиља 83 (44)
2011-2014 Реал Мадрид Реал Мадрид 37 (10)
2014-2016 Јувентус Јувентус 63 (15)
2016-2017 Реал Мадрид Реал Мадрид 26 (15)
2017- Челси Челси 47 (16)
2019–Атлетико Мадрид Атлетико Мадрид 14 (6)
Репрезентација
2009 Шпанија Шпанија 17 6 (2)
2010 Шпанија Шпанија 18 2 (3)
2010-2012 Шпанија Шпанија 19 13 (11)
2013- Шпанија Шпанија 21 12 (13)
2014- Шпанија Шпанија 25 (13)
  • Сениорските учества и голови се сметаат само за домашни натпревари
податоците се од 6 јануари 2011.

† Учества (Голови).

‡ Учествата и головите за репрезентација се според податок од 17 ноември 2010

Технички карактеристикиУреди

Мората е добар во играта со главата, и има технички умешен удар; поради неговиот стил на игра е споредуван со Фернандо Мориентес.[2]

Клупска кариераУреди

ПочетоциУреди

Тој играл две години во младинската школа на Атлетико Мадрид и една година во младинската школа на Хетафе пред да потпише за Реал Мадрид во 2008 година. Во месец јули, 2010 година, по одличната сезона со Реал Мадрид Ц, зачинета со освојување на два младински наслови за кој придонесол постигнувајќи 34 гола[3], е промовиран во Реал Мадрид Кастилја, т.е. во Б тимот на Реал Мадрид, и во истиот месец тој присуствувал на летните подготовки во САД со првиот тим, преводен од Жозе Мурињо.[4]

Реал Мадрид КастилјаУреди

 
Мората во 2010 на тренинг со Реал Мадрид Кастилја.

Тој го направил своето деби за Реал Мадрид Б на 15 август 2010 година, во пријателски натпревар против Алкоркон постигнувајќи го единствениот гол во натпреварот.[5] Тој го направи своето деби во лигата на 29 август следната, во победата со 3-2 против Корухо,[6] a неговиот прв официјален гол во кариерата пристигнува на 31 октомври 2011 во ремито 1-1 со Алкала. На 9 јануари 2012 година, ги постигнал неговите први два гола на еден натпревар за Кастилја во вториот натпревар против Корухо, за победа од 4-1.[7]

На 13 февруари 2012 Мората го одбележал својот прв хет-трик во неговата кариера, во високата победа со 7-1 против Депортиво Ла Коруња Б.[8] Еден месец подоцна, на 13 март 2012, Мората го постигнал првиот погодок за Кастилја во Дерби мадрилењо против Атлетико Мадрид Б, натпревар што завршил со победа на неговиот тим со 4-3.[9] Својата прва сезона во Сегунда Дивизион Б ја затворил со 28 натпревари во кои постигнал 15 гола, но РМ Кастилја не успева да избори промоција во Сегунда Дивизион.

Првиот натпревар на Мората, во неговата втора сезона, дошол на 21 август 2011 во победата со 1-0 против Спортинг Хихон Б.[10] На 18 септември тој го постигнал првиот гол во новата сезона, во победата над Хетафе Б со 4-0, стрелајќи за третиот гол во 86-тата минута.[11] На 11 ноември 2012 година Мората и носи важна победа на Кастилја, постигнувајќи ги двата гола во победата над Селта Виго Б, во победата на гости со 2-0.[12] Својата втора сезона во Реал Мадрид Кастилја ја завршил со 37 настапи и 17 постигнати гола, а благодарение на неговите голови клубот ја освоил Сегунда Дивизион Б, а со тоа изборил промоција во Сегунда Дивизион.

Првиот натпревар во неговата последна сезоната со РМ Кастилја, Мората го имал на 1 септември 2012 година во поразот од Алмерија со 1-0.[13] Една недела подоцна, го постигнал својот прв гол во Сегунда во победата со 3-2 против Ксерез, стрелајќи за израмнувачкиот погодок за 1-1 во 31-вата минута на асистенција на Хуанфран.[14] На 24 март 2013 година бил за прв пат во оваа сезона бил двоен стрелец против Кордоба во победата со 4-0, а тој ги постигнал последните два гола.[15] Во оваа сезона не одиграл многу натпревари за Реал Мадрид Кастилја бидејќи Жозе Мурињо често го повикувал во првиот тим, всушност одиграл само 18 натпревари во кој имал 12 гола.

Реал МадридУреди

 
Мората на летните подготовки во Лос Анџелес.

Тој го направил своето деби за првиот тим на 12 декември 2010 година, на возраст од 18 години, заменувајќи го Анхел Ди Марија во 88-мата минута во првенствениот натпревар во кој Реал Мадрид како гостин со 3-1 ја победил Сарагоса. Оваа сезона, исто така, тој го започнал натпреварот од вториот круг на Копа дел Реј, против Леванте, кој Реал лесно го добил со убедливи 8-0.[16] Мората добил само два настапи за првиот тим, сепак, ја освоил својата прва голема титула како професионалец, откако Реал ја совладал Барселона со 1-0 во финалето на Копа дел Реј. Во втората сезона, Мората забележал само еден настап за Реал Мадрид и тоа во последните 10 минути од првенствениот натпревар против Еспањол (5-0 за Реал) одигран на 4 март 2012.[17] По завршувањето на шампионатот, Мората за прв пат во неговата кариера станал шампион на Шпанија, откако Реал ја освоил 32. титула во Примера.

Во својата трета сезона, Мората го постигнал својот прв гол за кралевите, во победата над Леванте со 2-1, а токму неговиот гол во 84-тата минута се покажал како победнички.[18] На 4 декември 2012, го имал своето деби во Лигата на шампионите, влегувајќи од клупата како замена за Карим Бензема во последните 10 минути од натпреварот против Ајакс во групната фаза; Мората забележал асистенција за Хозе Марија Калехон кој во 88-мата минута ги поставил конечните 4-1.[19] На 17 февруари 2013 година, го постигнал својот втор гол за сезоната против Рајо Валјекано, уште во втората минута од натпрварот, но подоцна бил рано заменет уште по 27 минути игра со Раул Албиол, бидејќи Реал Мадрид останал со 10 играчи по исклучувањето на Серхио Рамос.[20] Сезоната ја завршил со 15 настапи и 2 постигнати гола.

По одличните перформанси прикажани на Европското првенство за играчи под 21 година, Алваро и дефинитивно бил промовиран во првиот тим. Четвртата сезона ја започнал со настап во првиот првенствен натпревар, победата со 2-1 против Реал Бетис, влегувајќи од клупата како замена за Карим Бензема во 81-вата минута.[21] Првиот гол во новата сезоната Мората го одбележал на 5 октомври 2013 година кога ја затресол мрежата на Леванте во 90-тата минута, а четири минути подоцна Кристијано Роналдо направил целосен пресврт и му донел победа на Реал со 3-2 како гостин. На 18 март 2014 година, тој го одбележал својот прв гол во Лигата на шампионите, во победата над Шалке 04 со 3-1.[22] Следниот месец, Мората го освоил својот втор наслов во Копа дел Реј по победата над Барселона со 2-1.[23] На 17 мај 2014 година, во последниот натпревар од сезоната против Еспањол, за прв пат во дресот на Реал Мадрид Мората бил двоен стрелец, овозможувајќи му на својот тим да дојде до победа од 3-1.[24] Само седум дена подоцна ја освоил својата прва титула во Лигата на шампионите, десетта за Реал Мадрид, по победата со 4-1, во продолженија, над градскиот ривал Атлетико Мадрид.[25] Мората го започнал финалето на клупата за резерви, но се појавил во игра во 79-тата минута, заменувајќи го Бензема.

ЈувентусУреди

 
Мората со Јувентус во 2014

На 19 јули 2014 година Јувентус го откупил договорот на Мората за сума од 20.000.000 €; договорот предвидува право Реал Мадрид да го врати играчот до сезоната 2016-17 за максимален износ од 30 милиони евра. Тој одлучил да го носи дресот со број 9,[26] кој се испразнил со заминувањето од клубот на Мирко Вучиниќ. Само два дена по неговата презентација во клубот, младиот шпански напаѓач, се судрил со голманот Рубињо на тренинг, при што заработил искривување на коленото од втор степен, повреда која го извадила од акција за околу 50 дена.[27]

Мората го направил своето деби на 13 септември 2014 година во победата, 2-0, против Удинезе. На 27 септември, го постигнал својот прв гол во дресот на Јувентус, за да го постави конечниот резултат во победата со 3-0, на гостувањето кај Аталанта.[28] На 9 ноември за прв пат постигнал два гола на еден натпревар во дресот на Јувентус, во победата над Парма со 7-0 во Торино.[29]

Враќање во Реал МадридУреди

ЧелсиУреди

На 19 јули 2017 година, англискиот клуб Челси објавил дека ги договориле сите услови со Реал Мадрид за трансфер на Мората на Стемфорд Бриџ, а исто така клубот ги договорил и личните услови на Мората.[30] На 21 јули, откако шпанскиот напаѓач успешно ги поминал медицинските тестови официјално потпишал петгодишен договор со Челси.[31][32]

Репрезентативна кариераУреди

 
Мората во 2010 со шпанската репрезентација под 19 години.

Мората бил повикан во шпанската репрезентација под 17 години за Светско првенство 2009 година во Нигерија, кадешто тој одиграл четири натпревари и постигнал два гола за третопласираниот тим на турнирот.[33]

Потоа, тој ја претставувал репрезентацијата под 19 години на Јапонскиот меѓународна турнир,[34] каде што му помогнал на својот национален тим да заврши на второто место зад домаќините.[35]

Мората бил избран од шпанската репрезентација за тимот кои се појавил на Европското првенство за играчи под 19 години во Романија, помагајќи и на Шпанија да го освои турнирот со шест постигнати гола, кој го прават најдобар стрелец на ова натпреварување.[36]

Тој го направил своето деби за Шпанија под 21 година на Европското првенство 2013 во Израел. Неговите голови во првите два натпревари од групната фаза биле од суштинско значење за неговата репрезентација, бидејќи донеле минимални победи против Русија (1-0) и Германија (1-0), а биле постигнати доцна во натпреварите во 82-рата и 86-тата минута;[37][38] тој ја затворил групната фаза со гол и во неговиот трет настап против Холандија (3–0).[39] Мората постигнал гол и во полуфиналето против Норвешка во 93-тата минута само за да го постави конечниот резултат 3-0 за Шпанија. Единствен натпревар на овој турнир во кој не постигнал гол беше финалето, но и без тоа Шпанија го освои првенството со победа над Италија (4-2),[40] а Мората беше најдобар стрелец на турнирот со 4 гола. Во својот следен натпревар одигран на 5 септември 2013 против Австрија во квалификациите за Европското првенство 2015, Мората постигнал 4 гола во победата со 6-2 во Грац.[41]

На 7 ноември 2014 година, Мората бил повикан од селекторот на сениорската репрезентација Висенте дел Боске за натпреварите против Белорусија и Германија.[42] Тој го направил своето деби на 15 ноември, влегувајќи на местото на Иско во последните десет минути од победата во Хуелва над Белорусија со 3-0 во квалификациите за Евро 2016.[43]

Хронологија на репрезентативните настапиУреди

Клупска статистикаУреди

Статистиката е ажурирана на 14 јули 2014.

Сезона Екипа Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2010-2011   Реал Мадрид Кастилја 2ªБ 28 15 - - - - - - - - - 28 15
2011-2012 2ªБ 37 17 - - - - - - - - - 37 17
2012-2013 18 12 - - - - - - - - - 18 12
Вкупно Реал Мадрид Кастилја 83 44 - - - - - - 83 44
2010-2011   Реал Мадрид 1 0 КдР 1 0 ЛШ 0 0 - - - 2 0
2011-2012 1 0 КдР 0 0 ЛШ 0 0 СШ 0 0 1 0
2012-2013 12 2 КдР 2 0 ЛШ 1 0 СШ 0 0 15 2
2013-2014 23 8 КдР 6 0 ЛШ 5 1 - - - 34 9
Вкупно Реал Мадрид 37 10 9 0 6 1 - - 52 11
2014-2015   Јувентус А 17 5 КИ 2 2 ЛШ 5 0 СИ 1 0 25 7
2015-2016 А 34 7 КИ 5 3 ЛШ 8 2 СИ 0 0 47 12
Вкупно Јувентус 63 15 9 5 20 7 1 0 93 27
Вкупно во кариерата 183 70 18 5 26 8 1 0 228 83

ТитулиУреди

КлупскиУреди

  Реал МадридУреди

  Реал Мадрид КастилјаУреди

  ЈувентусУреди

РепрезентацијаУреди

Шпанија 19Уреди

Шпанија 21Уреди

Надворешни врскиУреди

НаводиУреди

  1. italianfootballdaily, уред. (2 јули 2014). „Alvaro Morata: The Agent Is In Milan“. конс. 14 јули 2014. 
  2. http://elpais.com, уред. (13-12-10). „Morata, el recogepelotas atlético que admiraba a Raúl“. конс. 17-12-12. 
  3. marca.com, уред. (26-06-10). „Una generación para la historia“. конс. 17-12-12. 
  4. realmadrid.com, уред. (30-07-10). „At the gates of the first team“. конс. 17-12-12. 
  5. marca.com, уред. (15-08-10). „El Alcorcón cae ante un buen Real Madrid Castilla“. конс. 17-12-12. 
  6. realmadrid.com, уред. (29-08-10). „3-2: Primeros tres puntos para el Castilla“. конс. 17-12-12. 
  7. Coruxo 1 - Real Madrid Castilla 4 soccerway.com
  8. marca.com, уред. (13-02-11). „Morata hace un 'hat trick' en el 7-1 del Castilla“. конс. 17-12-12. 
  9. Real Madrid Castilla 4 - Atletico Madrid II 3 soccerway.com
  10. Real Madrid Castilla 1 - Sportin Gijon II 0 soccerway.com
  11. Real Madrid Castilla 4 - Getafe II 0 soccerway.com
  12. Celta de Vigo 0 - Real Madrid Castilla 2 soccerway.com
  13. Almeria 1 - Real Madrid Castilla 0 transfermarkt.it
  14. Real Madrid Castilla 3 - Xerez 2 transfermarkt.it
  15. Real Madrid Castilla 4 - Cordoba 0 transfermarkt.it
  16. Real Madrid 8 - Levante 0 transfermarkt.it
  17. Real Madrid 5 - Espanyol 0 transfermarkt.it
  18. Levante 1 - Real Madrid 2 transfermarkt.it
  19. Real Madrid 4 - Ajax 1
  20. Real Madrid 2 - Rayo Vallecano 0 transfermarkt.it
  21. Real Madrid 2 - 1 Real Betis soccerway.com
  22. Morata esalta il Real e manda un segnale all'Inter tuttomercatoweb.com
  23. Coppa del Re, una cavalcata di Bale decide il Clasico: Real campione tuttomercatoweb.com
  24. Real Madrid vs. Espanyol soccerway.com
  25. Il Real Madrid vince la Champions League ansa.it
  26. Accordo con il Real Madrid per l'acquisizione definitiva del calciatore Alvaro Morata juventus.com
  27. „Juve: Morata, stop di quasi 2 mesi“. конс. 2 novembre 2014.  Unknown parameter |data= ignored (помош); Unknown parameter |edior= ignored (помош);
  28. ansa.it (уред.). „Juve va con Tevez-Morata, 3-0 a Bergamo“. конс. 2 novembre 2014.  Unknown parameter |data= ignored (помош);
  29. Juventus 7 - 0 Parma - legaseriea.it legaseriea.it
  30. „Morata transfer agreed“. Chelsea F.C. 19 July 2017. конс. 19 July 2017. 
  31. „Alvaro Morata: Chelsea complete £60m deal for Real Madrid striker“. BBC. 21 July 2017. конс. 21 July 2017. 
  32. „Morata is a Blue“. chelseafc.com. 21 July 2017. конс. 21 July 2017. 
  33. Convocatoria Torneo Internacional de Japón Sub-19 (Japan U19 International Tournament callup); Royal Spanish Football Federation, 7 August 2010 (шпански)
  34. La Sub-19 gana y se adjudica el segundo puesto (U19 win and finish second); Royal Spanish Football Federation, 24 August 2010 (шпански)
  35. Spain's Morata takes U19 scoring plaudits UEFA.com, 1 August 2011
  36. Morata late show gives Spain winning start; UEFA.com, 6 June 2013
  37. Morata sends Spain through as Germany crash out; UEFA.com, 9 June 2013
  38. Spain beat Netherlands to top Group B; UEFA.com, 12 June 2013
  39. Morata wins Golden Boot in Spanish clean sweep; UEFA.com, 18 June 2013
  40. [http://www.transfermarkt.co.uk/spielbericht/index/spielbericht/2319491 Österreich U21 - Spain U21 2-6 5.9.2013]
  41. Chelsea’s Diego Costa left out of Spain squad to play Belarus and Germany“, The Guardian, 7 ноември 2014 (посет. 7 ноември 2014 г).
  42. Much-changed Spain dominate Belarus“, UEFA.com, 15 ноември 2014 (посет. 15 ноември 2014 г).