Кога ми ги убиваа животните
Кога ми ги убиваа животните — роман за деца на македонскиот писател Трајче Крстески, првобитно издаден во 2004 година.
| Автор | Трајче Крстески |
|---|---|
| Земја |  Македонија |
| Јазик | македонски |
| Жанр | роман |
Издадена | 2004 |
| Медиум | печатено издание |
Содржина
уреди- Внимание: Овој дел од статијата обелоденува содржина на книгата.
Напишана во прво лице, со јас раскажувачот Дамјан, го следиме продолжението на романот „Светлина зад ридот“. „Дејството од селото Живно се префрла во најблискиот град. Петре треба да тргне во средно училиште и Дедото заминува во град за да му обезбеди услови за живот, каде што подоцна му се придружува и Петре. Тие се зближуваат со едно момче по име Дамјан и со неговото семејство. Дамјан и Петре стануваат неразделни другари и заедно доживуваат секакви згоди и незгоди. Дедото со помош на градоначалникот успева да отвори зоолошка градина во дворот на куќата и донесува знајни и незнајни животни. Но, некој ги убива! Кој? И зошто?“-пишува на заднината на книгата во издание на Арс Ламина [1] Книгата е напишана со лесен и приемчив стил, едноставно е да се следи дејството/дејствата, блиска е до младите од сите времиња. Напишан во 2004, романот е современо и интересно четиво, и може да го задржи вниманието на младиот читател.[2] Романот авторот го посветува „на сите оние што живеат со духот на доброто и во складност со природата“. Романот започнува со поглавјето „Штркови во зима“ во кое се запознаваме со главниот херој Дамјан, млад човек кој зачекорува во животот и кој во јас форма раскажува за поривот да се напише приказната за животот на Дедото, како и објаснување зашто го одбрал токму тој наслов за книгата. Главниот лик, централен во романот е Дедото, човекот чија судбина не била лесна, а кој сепак не го изгубил она најважното, човечноста. [3] Се следи приказната на создавањето на зоолошката градина во малиот град, во време кога се иселуваат луѓето од селата и се доселуваат во градот, носејќи ги со себе своите стари обичаи. Ликовите во романот се прекрасно портретирани и динамично прикажани, што дава посебна тежина на писмото на романот. „Кога ми ги убиваа животните“ претставува извонредно дело на македонскиот автор Трајче Крстески и е топла приказна за љубовта, верноста и почитувањето на сè што живее на планетава.
Изданија
уреди- Во 2021 година, романот е објавен од издавачката куќа „Арс Ламина“, публикации Либи во едицијата: Читанки. Книгата е со димензии од 20 сантиметри и има 195 страници. Книгата е каталогизирана во НУБ „Св. Климент Охридски, Скопје со ISBN број 978-608-267-280-9. Изданието на Арс Ламина е препорачано од Здружението за дислексија Ајнштајн и Филозофскиот факултет- Скопје, поради лесната читливост на фонтот и проредот на текстот. Изданието содржи и речник на помалку познати зборови и биографска белешка за авторот. [4]
Наводи
уреди- ↑ Трајче Крстески, Кога ми ги убиваа животните, Скопје, Арс Ламина публикации, Либи, 2021 .
- ↑ Трајче Крстески, Кога ми ги убиваа животните, Скопје, Арс Ламина публикации, Либи, 2021 .
- ↑ Трајче Крстески, Кога ми ги убиваа животните, Скопје, Арс Ламина публикации, Либи, 2021 .
- ↑ Трајче Крстески, Кога ми ги убиваа животните, Скопје, Арс Ламина публикации, Либи, 2021 .
