Царче-Жарче
Царче-Жарче — поема на македонскиот писател Велко Неделковски, издадена во 1989 година.
| Автор | Велко Неделковски |
|---|---|
| Изработувач на корицата | Томе Манески |
| Земја |  Македонија |
| Јазик | македонски |
| Жанр | поема за деца |
| Издавач | Детска радост |
Издадена | 1989 |
| Медиум | печатено издание |
| Страници | 24 |
Содржина
уреди- Внимание: Овој дел од статијата обелоденува содржина на книгата.
Напишана во стилот на народна приказна, поемата ја раскажува приказната за царчето кое изгубило апетит и за чие здравје стравуваат неговите родители, царот и царицата. Царот бара лек, готвачи кои со своите јадења ќе го поттикнат апетитот на царчето. Како што бива во народните приказни, никој од четворицата готвачи кои се јавиле за исполнување на тешката задача, не успеал да го поттикне апетитот на малиот цар. Лекот го наоѓа питачот кој молел за корка леб во царството, преправен мудрец, кој ги советувал родителите да го остават детето да биде дете, да игра и да се забавува, а не да биде царче-кукла. Кога ќе го послушаат советот на стариот мудрец, царчето не само што побарало да јаде, туку и само си зготвило јадење.[1]
Царче-Жарче претставува извонредно дело на македонскиот автор Велко Неделковски, со ритамот и римата наликува на поемите на Пушкин и е забавна приказна, сказна за родителството и растењето на децата.
Изданија
уреди- Во 1989 година, поемата ја објавила Редакцијата Детска радост при издавачката куќа НИПРО„ Нова Македонија“. Книгата е со димензии од 24 сантиметри и има 24 страници. Автор на илустрациите во книгата е Томе Манески. Книгата е каталогизирана во НУБ „Св. Климент Охридски, Скопје. Таа е испечатена во НИПРО„ Нова Македонија“.[2]
