Мати Брешел

Мати Брешел (дански: Matti Breschel; р. 31 август 1984 во Балеруп) — дански професионален друмски велосипедист, кој моментално вози за UCI World Tour екипата ЕФ Едукејшн-ИзиПост.

Мати Брешел

Брешел на Е3 Харелбеке 2009
Лични податоци
Цело име	Мати Брешел
Роден	31 август 1984(1984-08-31) Балеруп, Данска
Висина	1,81 м
Маса	68 кг
Податоци за клубот
Мом. клуб	ЕФ Едукејшн-ИзиПост
Дисциплина	друмски велосипедизам
Улога	возач
Вид на возач	специјалист за класици / Спринтер
Аматерски клубови
до 2004	Тим ПХ
Професионални клубови
2005–2010 2011–2012 2013–2015 2016 2017 2018-	Тим ЦСЦ Рабобанк Тим Саксо-Тинкоф Канондејл-Драпак Астана ЕФ Едукејшн Фирст-Драпак
Значајни победи
Големи трки Вуелта а Еспања 1 поединечна етапа (2008) Етапни трки Трка околу Луксембург (2014) Еднодневни трки и класици Дварс дор Вландерен (2010) Национален друмски првак (2009)
Освоени медали Натпреварувач за Данска Друмски велосипедизам Светски првенства Мелбурн 2010 Друмска трка Варезе 2008 Друмска трка
Последна промена 1 февруари 2019

Кариера

Јуниорска кариера

Тој го имал неговиот пробив со малата данска екипа Тим ПХ, завршувајќи шести на Светското велосипедско првенство под 23 години во Верона во 2004, каде му помогнал на сонародникот Мадс Кристенсен, кој завршил трет. Исто така го освоил бронзениот медал на данското национално друмско првенство во текот на летото во 2004.

Тим ЦСЦ (2005–2010)

2005

Станал професионалец во сезоната 2005 за данската екипа Тим ЦСЦ, каде потпишал двегодишен договор. На конференцијата за печат, во врска со неговиот избор за приклучување на Тим ЦСЦ во октомври 2004, изјавил дека едноставно сакал да се прилагоди на ограничувањата на професионалниот велосипедизам, велејќи „Се надевам на влезот во екипата, но во почетокот само сакав да ја научам играта и трките. Некаде каде што знам дека ќе бидам послаб.“ Под раководство на искусниот ветеран Ларс Микаелсен, Брешел ја започнал сезоната на Трката околу Катар, каде двајцата возачи завршиле еден до друг, Брешел ја споделил конечната победа со Микаелсен. Тие возеле заедно голем број на класици и помали трки и Брешел во многу од нив завршил на второто место, без победи.

2006

На почетокот на сезоната 2006, повторно се појавил на Трката околу Катар, завршувајќи како најдобар млад возач на трката, веќе втора година по ред. Покажал добра форма во март со третото место на Ле Самин, каде бил победен единствено од Филип Жилбер во масовен спринг на групата и неколку дена подоцна со второто место на етапата 2 на Три дена Западна Фландрија, каде бил веднаш зад спринтерот од светска класа Роби Мекјуан. За третата и последна етапа на трката, Брешел спринтал повторно против Мекјуан, каде победникот ќе го преземел генералниот пласман, овојпат не успеале и двајцата, бидејќи доживеала пад. Брешел ги скршил пршлените на две места, а Мекјуан ја напуштил трката.

2007

Се вратил спремен во 2007 и го освоил импресивното 14. место на Париз-Рубе, каде неговиот совозач Стјуарт О‘Грејди победил. По опоравувањето ја освоил неговата прва победа како професионалец на етапата 2 на Трката околу Данска во август 2007. Ова било прва данска етапна победа во петте години возење на оваа национална турнеја.

2008

Во 2008 дошла неговата најдобра сезона и го имал неговиот меѓународен пробив, кога на 8 јуни 2008 го освоил Меѓународното првенство Филаделфија, исто така познато како Меѓународно првенство Комерс Бенк во Филаделфија, каде ги отспринтал сите кандидати за победа во не толку масовен спринт по долгата и тешка трка. Неколку недели подоцна, однел уште една импресивна победа, кога ја освоил втората етапа на Стер Електротур, етапа која завршувала на страшниот Кауберг и исто така го освоил бодовниот пласман. Ја одржал неговата добра форма во текот на сезоната и бил на второто место на Данското друмско првенство, единствено победен од неговиот совозач Ники Серенсен. Во август освоил две етапи на Трката околу Данска и исто така водел во генералниот пласман до крајниот хронометар, кога паднал на петтото место.

По многу импресивната сезона, врвот за младиот возач пристигнал на 21 септември, кога ја освоил последната етапа на Вуелта а Еспања во Мадрид на многу убедлив начин, откако неколку дена претходно бил втор на етапата 17 на трката. Само една недела подоцна, Брешел возел извонредно на Светското велосипедистичко првенство, каде завршил трет и го добил бронзениот медал.

2009

Брешел ја имал најдобрата сезона на калдрмисаните класици во 2009 година. Успеал да заврши шести на Трката околу Фландрија и деветти на Париз-Рубе. Во јуни станал национален друмски првак и освоил етапи на Тур де Свис, Волта а Каталуња, Трката околу Луксембург и Трката околу Данска. Успеал да заврши втор на Класикот Ватенфал.

2010

Во текот на сезоната 2010, Брешел возел добра на класиците на кладрма, но страдал од лоша среќа. Брешел ја освоил Дварс дор Вландерен и постигнал добри резултати на Гент-Вевелгем и Трката околу Фландрија, но доживеал механички дефекти на двете трки.

Рабобанк (2011–2012)

Потпишал за Рабобанк за сезоните 2011 и 2012. На Париз-Рубе 2012 бил спречен од повреда на коленото. Меѓутоа, една недела претходно завршил деветти на Трката околу Фландрија. Исто така, успеал да се качи на подиум на Гент-Вевелгем.

Брешел го напуштил Рабобанк на крајот на сезоната 2012 и му се приклучил на Тим Саксо-Тинкоф со двегодишен договор од сезоната 2013.

Саксо-Тинкоф (2013–2015)

При неговото враќање во поранешната екипа Тим ЦСЦ, Брешел успеал да освои четири етапи на Трката околу Данска - две во 2013 и во 2015 година. Исто така, освоил две етапи и генералниот пласман на Трката околу Луксембург.

Канондејл (2016)

Брешел потпишал за ЕФ Едукејшн-ИзиПост за сезоната 2016. Возел на Тур де Франс, но ја напуштил трката на етапата 14 по пад. Негови најдобри пласмани во сезоната биле петтото место на ГП Кантон Аргау и шестото место на Хејстсе Пејл.

Астана (2017)

Брешел немал најдобра година во Астана и неговиот најдобар резултат бил 12. место на Дварс дор Вландерен, трка која претходно ја освоил во 2010 година.

ЕФ Едукејшн Фирст-Драпак (2018–денес)

Брешел се вратил во екипата ЕФ Едукејшн Фирст-Драпак по една година во боите на Астана. Завршил деветти на влажната етапа 5 на Париз-Ница. На Милано-Санремо, Брешел спринтал за 12. место.

Достигнувања

2001

1. Национален друмски првак под 19 години

2003

6. Трка околу Фин

2004

1. Џиро дел Кававезе под 23 години

1. Етапа 2 Рингерике ГП

6. Светско друмско првенство под 23 години

6. Париз-Рубе под 23 години

2005

2. Краен пласман Трка околу Катар

2006

3. Краен пласман Три дена Западна Фландрија

3. Ле Самин

6. Краен пласман Трка околу Катар

7. Класик Ридинг

2007

1. Етапа 2 Трка околу Данска

1. Етапа 2 Трка околу Ирска

2008

1. Меѓународно првенство Филаделфија

Трка околу Данска

1. Етапа 2

1. Етапа 3

1. Бодовен пласман

1. Етапа 21 Вуелта а Еспања

1. Етапа 2 Стер Електротур

3. Светско друмско првенство

2009

1. Национално друмско првенство

Трка околу Луксембург

1. Етапа 4

1. Бодовен пласман

Трка околу Данска

1. Етапа 1

1. Бодовен пласман

1. Етапа 4 Тур де Свис

1. Етапа 2 Волта а Каталуња

2. Ватенфал Класик

3. Краен пласман Трка околу Ирска

1. Пласман за млад возач

6. Трка околу Фландрија

7. Светско друмско првенство

10. Париз-Рубе

2010

1. Дварс дор Вландерен

Трка околу Данска

1. Етапа 3

1. Бодовен пласман

2. Светско друмско првенство

8. Гент-Вевелгем

2012

1. Етапа 3 Вуелта а Бургос

3. Гент-Вевелгем

9. Трка околу Фландрија

2013

3. Краен пласман Трка околу Данска

1. Етапа 2

1. Етапа 3

8. Гран при Квебек

9. Ватенфал Класик

2014

1. Краен пласман Трка околу Луксембург

1. Бодовен пласман

1. Етапа 2

1. Етапа 3

4. Светско друмско првенство

2015

6. Е3 Харелбеке

7. Ватенфал Класик

8. Краен пласман Трка околу Данска

1. Етапа 3

1. Етапа 4

1. Бодовен пласман

10. Краен пласман Тур де Валони

2016

5. ГП ди кантон д’Аржови

6. Хејстсе Пејл

2018

3. Јапонски куп

Распоред на резултатите на големите трки

Голема трка	2007	2008	2009	2010	2011	2012	2013	2014	2015	2016	2017	2018
Џиро	119	—	—	—	—	—	СО	—	—	—	—	—
Тур	—	—	—	142	—	—	—	—	—	СО	—	—
Вуелта	—	48	68	—	СО	159	—	—	—	—	—	—

Распоред на резултатите на класиците

Монумент	2005	2006	2007	2008	2009	2010	2011	2012	2013	2014	2015	2016	2017	2018
Милано-Санремо	119	—	60	39	134	11	—	31	73	—	12	—	23	12
Трка околу Фландрија	СО	—	СО	57	6	15	—	9	25	СО	73	СО	32	98
Париз-Рубе	58	—	14	20	9	СО	—	—	15	—	97	—	99	35
Лиеж-Бастоњ-Лиеж	—	—	—	—	—	—	—	—	—	—	—	—	—	—
Џиро ди Ломбардија	—	—	—	—	—	СО	—	—	49	—	—	—	—	—
Класици	2005	2006	2007	2008	2009	2010	2011	2012	2013	2014	2015	2016	2017	2018
Омлоп Хет Ниусблад	—	27	—	134	36	76	—	30	—	—	—	—	19	89
Курне-Брисел-Курне	—	—	—	109	17	СО	—	123	—	—	—	—	88	40
Страде Бјанке	—	—	—	25	20	11	—	—	—	—	—	—	—	—
Дварс дор Вландерен	43	—	61	18	—	1	—	—	—	—	12	—	12	—
Е3 Харелбеке	СО	—	77	7	33	СО	—	11	52	—	6	—	СО	—
Гент-Вевелгем	17	—	85	20	15	8	—	3	13	72	СО	СО	СО	—
Класика де Сан Себастијан	—	—	—	—	—	—	12	—	86	—	—	—	—	—
Класик Ватенфал	—	—	15	—	2	СО	—	—	9	19	7	—	31	—
Париз-Тур	17	—	107	17	—	25	—	СО	—	14	СО	—	—	—

Распоред на резултатите на првенствата

Настан		2004	2005	2006	2007	2008	2009	2010	2011	2012	2013	2014	2015	2016	2017	2018
Олимписки игри	друмска трка	—	не се одржал			—	не се одржал			42	не се одржал			—	не се одржал
Светски првенства	хронометар	—	—	—	—	—	—	—	—	—	—	—	—	—	—	—
	друмска трка	—	—	—	СО	3	7	2	—	СО	СО	4	33	СО	—	—
Национални првенства	хронометар	—	—	—	—	—	—	—	—	—	—	—	—	—	—	—
	друмска трка	3	3	—	—	2	1	—	—	—	4	7	—	14	44	—

СО = се откажал; — = не учествувал

Надворешни врски

• „Достигнувања на Мати Брешел“. Cycling Archives.
• „Достигнувања на Мати Брешел“. Cycling Quotient.
• „Достигнувања на Мати Брешел“. ProCycling.
• Профил на Cycling Base Архивирано на 26 јануари 2011 г.