Омлоп Хет Ниусблад
Омлоп Хет Ниусблад (холандски: Omloop Het Nieuwsblad; претходно позната како Омлоп Хет Волк) — годишна професионална велосипедска еднодневна трка за мажи и жени, која почнувала и завршувала во Гент, Фландрија, Белгија. Вообичаено се одржува кон крајот на февруари. Претставува воведна трка во белгиската велосипедска сезона како прва трка во годината во северозападна Европа и поради тоа има значаен престиж.[1] Во 2017 година, трката била вклучена по првпат во Светската турнеја.[2][3] До 2016 година била 1. HC трка во Европската турнеја.
 Том Бонен на почетокот на трката во 2009 година | |
| За трката | |
|---|---|
| Датум | крај на февруари |
| Регион | Фландрија, Белгија |
| Месно име | Omloop Het Nieuwsblad (холандски) |
| Прекар | Омлоп Воведен класик |
| Дисциплина | Друмски велосипедизам |
| Натпреварување | Светска турнеја на UCI (2017-) |
| Вид | еднодневна трка |
| Директор на трката | Вим Ван Херевеге |
| Историја | |
| Прво одржување | 1945 |
| Одржувања | 77 (до 2022) |
| Прв победник |  Жан Богертс (БЕЛ) |
| Најмногу победи | Јозеф Бријер (БЕЛ) Ернест Стеркс (БЕЛ) Петер ван Петегем (БЕЛ) (3 победи) |
| Неодамнешен победник | Ваут ван Ерт (БЕЛ) |
Трката започнува и завршува во Гент, Фландрија, поминувајќи низ ридовите во областа Фламански Ардени, означувајќи го почетокот на сезоната на калдрмисаните класици во Европа. Поради својот ран датум во календарот, често се соочува со ладно време, што е целосна спротивност на раните етапни трки на Средниот Исток и во Јужна Европа.[4] Следниот ден се одржува Курне-Брисел-Курне со што се заокружува воведниот викенд.
Од 2006 година истиот ден се одржува и женско издание, започнувајќи и завршувајќи на истото место во должина од околу 130 километри. Обата настани се организирани од Фландриски класици.
Историја
уредиОмлоп Хет Волк
уредиПрвпат одржана во 1945 година, трката била наречена „Омлоп ван Вландерен“ (Omloop van Vlaanderen), што означува Круг околу Фландрија. Трката била започната од фламанскиот весник Хет Волк, како одговор на класикот Трка околу Фландрија на соперничкиот весник Хет Ниусблад. Хет Волк, левичарски весник, сакал да започне нова велосипедска трка во Фландрија како соперничка трка на наводната блискост на Трката околу Фландрија со нацистите во текот на Втората светска војна.[заб. 1][8] Организаторите на трката протестирале дека името било преслично на нивното — постои мала семантичка разлика помеѓу „Ронде“ и „Омлоп“. Белгиската велосипедска федерација побарала Хет Волк да го промени името на настанот.[9][10] Во 2009 година, поранешните сопернички весници „Хет Волк“ и „Хет Ниусблад“ се споиле, со што трката била преименувана во „Омлоп Хет Ниусблад“ од 64. издание.[заб. 2][11]
Зимска трка
уредиПоради датумот рано во сезоната, трката понекогаш имала студени и зимски услови.[4] Три изданија на трката биле откажани. Трката во 1971 година била одложена поради снег и била одржана три недели подоцна. ВО 1986 и во 2004 година, организаторите биле принудени да ја откажат трката, бидејќи снегот и ниските температури ја направиле патеката преопасна и не можела да биде гарантирана безбедноста на возачите.[12][13][14] Во поново време, организаторите се водат според временската прогноза и ја приладуваат патеката, ако некои делови се сметаат за несигурни. Без поврзаност со времето, трката во 1960 година била откажана поради недоразбирање помеѓу организаторите и регулаторното тело UCI.[заб. 3]
Белгиска воведна трка
уредиТрадиционално претставува воведна трка во белгиската велосипедска сезона, трката има особено значење за белгиските велосипедисти. Низ историјата, белгиските возачи, навикнати на ладното време и водени од големите групи на поддржувачи, владееле со трката. Белгијците освоиле 56 од 72 изданија, но поради растечкото светско внимание на трката, тие освоиле само четири во последните десет изданија. Во 1948 година, италијанскиот возач Фаусто Копи ја освоил трката, но бил дисквалификуван за нелегална промена на тркалото.[заб. 4]
Рекордот за број на победи е три, кој го држат Јозеф Бријер, Ернест Стеркс и Петер ван Петегем. Бријер го има најбрзиот просек (43,35 км/ч) за својата победа во 1975 година. Други познати победници се Еди Меркс, Роже де Влеминк, Фреди Мертенс, Јохан Мизеув, Филип Жилбер и Тор Хушовд.
Рута
уреди
Омлоп Хет Ниусблад започнува во Гент и се движи низ областа Фламански Ардени на југот од Белгија, вклучувајќи бројни кратки искачувања, пред да се врати во Гент.[15] Од 1996 до 2007 година, завршницата била во Локерен, 20 километри источно од Гент.
Со 200 километри и со 13 искачувања во ридската зона, патеката е предизвикувачка и напорна. Дополнително, има неколку рамни делови на калдрма.[4] И покрај годишните промени, некои од редовните искачувања се: Леберг, Берендрис, Тајенберг, Мур ван Герардсберген, Ејкенберг и Моленберг. Поради ридскиот предел во Фламанските Ардени, трката е слична со онаа на Трката околу Фландрија и често се смета за подготовка за поголемата трка пет недели подоцна. Трката во 2016 година вклучила едно ново искачување, како замена за Моленберг, на кој се изведувале градежни зафати.[15]
Официјалниот почеток и крај традиционално се одржуваат на најголемиот плоштад во Гент, Синт Питерсплејн. Меѓутоа, на секои седум години, Велигден се погодува порано во годината, поради што на плоштадот се одржува панаѓур и организаторите бараат други места. Во 2016 година го одбрале градскиот парк.[16]
Машки победници
уредиСледниве возачи ја освоиле трката:[17]
.JPG)
.JPG)
Повеќекратни победници
уреди| Победи | Возач | Изданија |
|---|---|---|
| 3 | Ернест Стеркс (БЕЛ) |
1952, 1953, 1956 |
| Јозеф Бријер (БЕЛ) |
1974, 1975, 1980 | |
| Петер ван Петегем (БЕЛ) |
1997, 1998, 2002 | |
| 2 | Жан Богертс (БЕЛ) |
1945, 1951 |
| Андре Деклерк (БЕЛ) |
1949, 1950 | |
| Франс Вербек (БЕЛ) |
1970, 1972 | |
| Еди Меркс (БЕЛ) |
1971, 1973 | |
| Фреди Мертенс (БЕЛ) |
1977, 1978 | |
| Роже де Влеминк (БЕЛ) |
1969, 1979 | |
| Фонс де Волф (БЕЛ) |
1982, 1983 | |
| Еди Меркс (БЕЛ) |
1984, 1985 | |
| Жан Капјо (БЕЛ) |
1990, 1992 | |
| Вилфрид Нелисен (БЕЛ) |
1993, 1994 | |
| Јохан Мусеув (БЕЛ) |
2000, 2003 | |
| Филип Жилбер (БЕЛ) |
2006, 2008 | |
 Ијан Станард (ВБР) |
2014, 2015 | |
| Грег ван Авермат (БЕЛ) |
2016, 2017 |
- Возачите со закосени букви се сè уште активни
Победи по држава
уреди| Победи | Држава |
|---|---|
| 58 |  Белгија
|
| 5 |  Италија
|
| 4 |  Холандија
|
| 2 |  Обединето Кралство
|
| 1 |  Германија,  Данска ,  Ирска,  Норвешка,  Чешка,  Шпанија
|
Омлоп Хет Ниусблад за жени
уредиОд 2006 година постои женско издание на Омлоп Хет Ниусблад. Се одржува истиот ден како машката трка, ги користи истите патишта и подеднакво ја отвора женската сезона во Северна Европа. Во поновите изданија, рутата била 122 километри со осум искачувања и шест делови на калдрма.[18] Холанѓанката Сузане де Гуде и Швеѓанката Ема Јохансон двапати ја освоиле трката.
| Издание | Победник | Второпласирана | Третопласирана |
|---|---|---|---|
| 2006 |  Сузане де Гуде
|
Мирјан Мелхерс
|
 Тања Хенес
|
| 2007 |  Мие Бекер Лакота
|
 Моника Холер
|
Јаколин Валард
|
| 2008 | Кирстен Вилд
|
Ангела Бротка
|
Ема Јохансон
|
| 2009 | Сузане де Гуде
|
 Ноеми Кантеле
|
Кели Дрејтс
|
| 2010 | Ема Јохансон
|
Лизбет де Вохт
|
Грејс Вербеке
|
| 2011 | Ема Јохансон
|
Андреа Босман
|
Шантал Блак
|
| 2012 |  ХОЛ ([[|]]) Лус Гуневејк
|
Елен ван Дејк
|
Трикси Ворак
|
| 2013 |  Тифани Кромвел
|
 Меган Гварни
|
Ема Јохансон
|
| 2014 | Ејми Питерс
|
Ема Јохансон
|
Лизи Армитстид
|
| 2015 | Ана ван дер Бреген
|
Елен ван Дејк
|
Лизи Армитстид
|
| 2016 | Лизи Армитстид
|
Шантал Блак
|
Тифани Кромвел
|
| 2017 | Лусинда Бранд
|
Шантал Блак
|
Анемик ван Влетен
|
| 2018 | Кристина Сигард
|
Алексис Рајан
|
Марија Џулија Конфалониери
|
| 2019 | Шантал Блак
|
Марта Бастијанели
|
Јип ван ден Бос
|
| 2020 | Анемик ван Влетен
|
Марта Бастијанели
|
Флортје Макај
|
| 2021 | Ана ван дер Бреген
|
Ема Норсгард Јергенсен
|
Ами Питерс
|
| 2022 | Анемик ван Влетен
|
Деми Волеринг
|
Лорена Вибес
|
Омлоп Хет Ниусблад под 23 години
уредиОд 1950 година се одржува и посебно издание за возачите под 23 години.
Литература
уреди- European Cycling - The 20 Greatest Races by Noel Henderson (1989) ISBN 0-941950-20-4.
Белешки
уреди- ↑ Трката околу Фландрија е единствената класична трка во Европа која била организирана на германска окупирана територија во текот на Втората светска војна и во целосен договор со германската команда.[5] Германците не само што ја дозволиле и уживале во трката, туку и ја помагале трката со полиција.[6] Ова довело до обвинувања за соработка со Нацистичка Германија.[7]
- ↑ Хет Ниусблад, како поголем весник, станал носител на спојувањето.
- ↑ UCI им дал подобри датуми во календарот на другите белгиски трки, со што Хет Волк се одлучил да ја откаже трката во знак на протест.
- ↑ Белгиецот Валшот му го дал своето тркало на Копи, иако правилата дозволувале помош само од своите колеги.
Наводи
уреди- ↑ Бери, Рајан. „Omloop Het Nieuwsblad marks coming of Belgian spring. Boonen, Wiggins and Cavendish on show at opening weekend“. Cyclingnews. Посетено на 12 декември 2015.
- ↑ „UCI expands WorldTour to 37 events“. Cycling News. Посетено на 2 октомври 2016.
- ↑ „The UCI reveals expanded UCI WorldTour calendar for 2017“. UCI. Посетено на 2 октомври 2016.
- ↑ 4,0 4,1 4,2 „Omloop Het Nieuwsblad Elite 2016“. Cycling News. Immediate Media Company. Посетено на 23 февруари 2016.
- ↑ Bicycling, USA, undated cutting
- ↑ Konrad, Gabe and Melanie (200), Bikelore, On The Wheel Publications (USA), ISBN 1-892495-32-5, p101
- ↑ „SBR, Stay the Course, Tour de Flanders, April 7th, 2007 by Christophe Vandaele“. Архивирано од изворникот на 2016-03-09. Посетено на 2017-02-25.
- ↑ „Daily Peloton“. dailypeloton.com. Архивирано од изворникот на 2016-03-03. Посетено на 2017-02-25.
- ↑ Vanwalleghem, Rik, Het Wonder van Vlaanderen, Pinguin, Belgium, ISBN 90-73322-09-X, p69
- ↑ Vanwalleghem, Rik, Het Wonder van Vlaanderen, Pinguin, Belgium, ISBN 90-73322-09-X, p72
- ↑ Хаке, Бјорн. „64th Omloop Het Nieuwsblad - 1.HC: New name, similar route for Classic opener“. cyclingnews.com. Посетено на 8 јули 2016.
- ↑ Џонс, Џеф. „59th Omloop Het Volk“. cyclingnews.com. Посетено на 8 јули 2016.
- ↑ Џонс, Џеф. „Het Volk cancelled“. cyclingnews.com. Посетено на 8 јули 2016.
- ↑ Џонс, Џеф. „An icy start in Belgium“. cyclingnews.com. Посетено на 8 јули 2016.
- ↑ 15,0 15,1 „Roadmap“ (PDF). omloophetnieuwsblad.be. Фландриски класици. Архивирано од изворникот (PDF) на 2016-03-04. Посетено на 22 февруари 2016.
- ↑ „Bekijk hier het gewijzigde parcours van de Omloop Het Nieuwsblad“. Het Nieuwsblad. Mediahuis. Посетено на 23 февруари 2016.
- ↑ „Omloop Het Nieuwsblad“. Cycling Archives. Архивирано од изворникот на 2016-03-04. Посетено на 27 февруари 2016.
- ↑ „Van der Breggen wins women's Omloop Het Nieuwsblad“. Cyclingnews. Посетено на 12 декември 2015.
Надворешни врски
уреди
Омлоп Хет Ниусблад на Ризницата ?- Матична страница
