Трка околу Фландрија
Трка околу Фландрија (холандски: Ronde van Vlaanderen) — велосипедска друмска трка, дел од фландриските класици, која се одржува во Белгија на почетокот на пролетта, една недела пред друмската трка Париз-Рубе. Таа е дел од Светската турнеја на UCI и е една од т.н. монументи на европскиот професионален календар. Таа е најважна велосипедска трка во Фландрија. Нејзиниот прекар е „Најдоброто од Фландрија“ (Vlaanderens mooiste).
 | |
| За трката | |
|---|---|
| Датум | почеток на април |
| Регион | Фландрија, Белгија |
| Месно име | Ronde van Vlaanderen (холандски) |
| Прекар | De Ronde Vlaanderens mooiste „Најдоброто од Фландрија“ |
| Дисциплина | Друмски велосипедизам |
| Натпреварување | Светска турнеја на UCI |
| Вид | Еднодневна трка |
| Историја | |
| Прво одржување | 1913 |
| Одржувања | 106 (до 2022) |
| Прв победник |  Пол Деман (БЕЛ) |
| Најмногу победи | Акил Бујсе (БЕЛ) Фјоренцо Мањи (ИТА) Ерик Леман (БЕЛ) Јохан Музеув (БЕЛ) Том Бонен (БЕЛ) Фабијан Канчелара (НОР)(3 победи) |
| Неодамнешен победник |  Матје ван дер Пул (ХОЛ) |
Историја
уредиТрката околу Фландрија била започната во 1913 од Карел ван Вејненделе, соосновач на спортскиот весник Sportwereld. Во тоа време било вообичаено за издавачите на весници и списанија да организираат велосипедски трки како начин за промовирање на весникот и зголемување на тиражот.
Трката пред Втората светска војна вообичаено се одржувала во ист ден со Милано-Санремо во Италија. Познати италијански и француски велосипедисти ја претпочитале италијанската трка, што објаснува зошто имало само еден небелгиски победник пред војната. По војната, трката стекнала одредена важност, кога станала дел од Предизвикот Дегранж-Коломбо, претходник на денешниот UCI ProTour. Рекордери по бројот на победи на трката се Белгијците, Акил Бујсе, Ерик Леман, Јохан Музеув и Том Бонен и Италијанец Фјоренцо Мањи, секој со по три победи.
Регионален симбол
уреди
Велосипедизмот бил во лоша состојба низ Белгија на почетокот на XX век. Велодромите биле затворени и немало повеќе национални првенства.[1][2] Единствената голема белгиска трка, Лиеж-Бастон-Лиеж, била на југ, во француското говорно подрачје. Како што се зголемувало нерасположението, Одил Дефраје станал првиот Белгиец кој го освоил Тур де Франс во 1912.[3] Тој имал 20 години и иако возел за француската екипа Алсион, тој го претставувал потенцијалниот подем за белгискиот велосипедизам. Неговата победа го поттикнало Август де Мет, директор на Société Belge d'Imprimerie, да го издаде спортското списание наречено Sportwereld.[1][4]
Најпознат велосипедски новинар за Sportwereld' бил Каролус („Карел“) Лудовикус Стејерт,[5] кој пишувал како Карел ван Вејненделе, име по кое станал најпознат. [n 1][6][7] Ван Вејненделе било петто од петнаесетте деца во семејството во Вејненделе (Вејнендале),[8] близу Торхаут. Неговиот татко работел со лен и умрел кога Карел имал 18 месеци.[6] Во 1942 напишал: „Да бидеш роден во сиромашно семејство, тоа беше мојата сила. Ако си пораснал без набори и знаеш каква глад сум имал, можеш да ги издржиш велосипедските трки“. Го напуштил училиштето на 14 години и работел за пекар, терал крави, миел шишиња и пренесувал пакети. Работел за француските семејства во Брисел и Остенде и се чувствувал понижен од нивниот начин на однесување кон него.[5]
Се обидел со велосипедизам, освоил неколку награди, но без некој поголем успех. Наместо тоа започнал да пишува за велосипедизмот како регионален дописник, најпрвин за De Torhoutenaer, локален весник, потоа од 1909 за Onze Kampioenen во Антверпен и Sportvriend во Изегем.[9] Тогаш го прифатил неговиот псевдоним.[5] Тоа го привлекло вниманието на Де Мет и неговиот соработник, организаторот на трката Лен ван де Хауте, со кого Ван Вејненделе соработувал во Sportvriend.[9] Двајцата отпатувале до Торхаут и го прашале Ван Вејненделе дали би сакал да се приклучи на новиот весник кој ќе биде наречен Sportwereld. Ван Вејненделе изјавил „Би можел“.[9] Првото издание се појавило за време на Фландриското првенство на 12 септември 1912. Ван Вејненделе станал негов прв уредник на 1 јануари 1913. Изјавил:
Мислиме дека има многу да се направи тука. Исто така сакавме да издадеме весник кој ќе зборува за нашите Фламанци на нивниот сопствен јазик и да им даде самодоверба како Фландријци. Водевме 10-годишна војна, на пример, со француското раководство на националната велосипедска федерација во Брисел. И победивме.[10]
На 25 мај истата година ја организирал првата Трка околу Фландрија, која поминувала низ белгиските градови во холандското говорно подрачје бидејќи „сите фламански градови морале да придонесат кон ослободувањето на Фламанците“.[5] Завршила кај Маријакерке, сега предградие на Гент и поминала низ Синт Никлас, Алст, Ауденарде, Кортрејк, Ворне, Остенде, Торхаут, Руселаре и Брухе.[11] Имала растојание од 330 километри, целосно на лоши патишта и само понекогаш на велосипедски патеки. Настапиле 37 возачи.[2] Трката завршила на водена патека која го заобиколувала езерото во Маријакерке, каде продажбата на билетите ја покриле само половина од наградниот фонд.[2]
Победници
уреди
Повеќекратни победници
уреди| Победи | Возач | Држава | Изданија |
|---|---|---|---|
| 3 | Ахил Бејсе |  Белгија |
1940, 1941, 1943 |
| Фјоренцо Мањи |  Италија |
1949, 1950, 1951 | |
| Ерик Леман | Белгија |
1970, 1972, 1973 | |
| Јохан Мизеу | Белгија |
1993, 1995, 1998 | |
| Том Бонен | Белгија |
2005, 2006, 2012 | |
| Фабијан Канчелара |  Швајцарија |
2010, 2013, 2014 | |
| 2 | Жерар Дебетс | Белгија |
1924, 1927 |
| Ромен Гејселс | Белгија |
1931, 1932 | |
| Брик Схоте | Белгија |
1942, 1948 | |
| Рик ван Стенберген | Белгија |
1944, 1946 | |
| Рик ван Лој | Белгија |
1959, 1962 | |
| Валтер Годефрот | Белгија |
1968, 1978 | |
| Еди Меркс | Белгија |
1969, 1975 | |
| Јан Рас |  Холандија |
1979, 1983 | |
| Едвиг ван Хојдонк | Белгија |
1989, 1991 | |
| Петер ван Петегем | Белгија |
1999, 2003 | |
| Стајн Дефолдер | Белгија |
2008, 2009 | |
| Матје ван дер Пул | Холандија |
2020, 2022 |
- Возачи со закосени букви се сè уште активни.
Победи по земја
уреди| Победи | Држава |
|---|---|
| 69 | Белгија
|
| 12 | Холандија
|
| 11 | Италија
|
| 4 | Швајцарија
|
| 3 |  Франција
|
| 2 |  Германија,  Данска
|
| 1 |  Обединето Кралство,  Норвешка,  Словачка
|
Победници на Трката околу Фландрија и Париз-Рубе во иста година
уреди| Возач | Земја | Година |
|---|---|---|
| Хајри Зутер | Швајцарија |
1923 |
| Ромен Гејселс | Белгија |
1932 |
| Гастон Ребри | Белгија |
1934 |
| Рајмонд Импанис | Белгија |
1954 |
| Фред де Брујне | Белгија |
1957 |
| Рик ван Лој | Белгија |
1962 |
| Роже де Влеминк | Белгија |
1977 |
| Петер ван Петегем | Белгија |
2003 |
| Том Бонен | Белгија |
2005 |
| Фабијан Канчелара | Швајцарија |
2010 |
| Том Бонен | Белгија |
2012 |
| Фабијан Канчелара | Швајцарија |
2013 |
Рекорди
уреди- Најбрзо издание на Трката околу Фландрија било во 2001, освоено од Италијанецот Џанлука Бортолами: 43,6 км/на час.
- Пет велосипедисти го делат рекордот по број на победи, по три секој од нив: Италијанецот Фјоренцо Мањи и четворица Белгијци: Акил Бујсе, кој победил во 1940-тите, Ерик Леман, кој победил на почетокот на 1970-тите, Јохан Музеу ја освоил трката во 1993, 1995 и 1998 и Том Бонен, кој ја освоил трката во 2005, 2006 и 2012.[7]
- Земја со најмногу победи е Белгија (68).
- Само шест возачи ја имаат освоено две години по ред.[7]
- Најстар победник бил Андреј Чмил во 2000 на 37 години, 2 месеца и 11 дена.
Поврзано
уредиБелешки
уреди- ↑ Каролус („Карел“) Лудовикус Стејерт, кој пишувал како Карел ван Вејненделе, роден во Торхаут, Белгија, на 16 ноември 1882, умрел во Дејнзе, Белгија, на 20 декември 1961. Неговиот споменик се наоѓа на врвот на Кваремонт близу Клујсберген. Бил поставен во 1964.
Наводи
уреди- ↑ 1,0 1,1 Schroeders, Fer (1999), Les Classiques du 20ème Siècle, De Eeclonaar, Belgium, ISBN 90-74128-58-0, p145
- ↑ 2,0 2,1 2,2 Vanwalleghem, Rik, Het Wonder van Vlaanderen, Pinguin, Belgium, ISBN 90-73322-09-X, p65-66
- ↑ „Velo 101, Route“. Архивирано од изворникот на 2010-02-07. Посетено на 2014-01-03.
- ↑ Sportwereld сè уште постои
- ↑ 5,0 5,1 5,2 5,3 „Карел ван Вејненделе“. Архивирано од изворникот на 2011-07-13. Посетено на 2014-01-05.
- ↑ 6,0 6,1 Vanwalleghem, Rik, Het Wonder van Vlaanderen, Pinguin, Belgium, ISBN 90-73322-09-X, p18
- ↑ 7,0 7,1 7,2 „Карел ван Вејненделе“. Архивирано од изворникот на 2011-01-26. Посетено на 2014-01-05.
- ↑ „Brussels Onderwijs Punt, Vgc Wablieft“. Архивирано од изворникот на 2009-04-05. Посетено на 2014-01-05.
- ↑ 9,0 9,1 9,2 DBNL, Digitale Bibliotheek voor de Nederlaandse letteren. Het rijke Vlaamsche wielerleven, Karel Van Wijnendaele, p101, De stichting van ‘Sportwereld’
- ↑ Vanwalleghem, Rik, Het Wonder van Vlaanderen, Pinguin, Belgium, ISBN 90-73322-09-X, p20
- ↑ „Историја на Трката околу Фландрија“. Архивирано од изворникот на 2017-02-27. Посетено на 2014-01-05.
Надворешни врски
уреди- Матична страница
- Пролетни класици: Најдобрите еднодневни велосипедски трки Архивирано на 15 јануари 2011 г.