Е3 Харелбеке 2015
Е3 Харелбеке 2015 — 58. издание на велосипедската трка Е3 Харелбеке. Се одржала на 27 март и била шеста трка во сезоната на Светската турнеја.[1][2] Бранителот на првакот бил Петер Саган (Тинкоф-Саксо), кој го освоил изданието во 2014 година во спринт на четворица.[3] Трката, иако важна како дел од пролетните класици, е гледана како важна трка за подготовка на возачите за Трката околу Фландрија 2015, еден од велосипедските монументи која се одржува на истите патишта наредната недела.[4]
| Светска турнеја на UCI 2015, трка 6 од 28 | |||
.JPG)
| |||
| Герајнт Томас (победник) Здењек Штибар (2. место) и Матео Трентин (3. место) | |||
| Детали за трката | |||
|---|---|---|---|
| Date | 27 март 2015 | ||
| Растојание | 215,3 км | ||
| Време | 5ч 15' 00" (41,0 км/ч) | ||
| Добитници на наградите | |||
| Победник |  Герајнт Томас (ВБР)
|
(Тим Скај) | |
| Втор |  Здењек Штибар (ЧЕШ)
|
(Етикс-Квик Степ) | |
| Трет |  Матео Трентин (ИТА)
|
(Етикс-Квик Степ) | |
Е3 Харелбеке се одржува во областа Фландрија, започнувајќи и завршувајќи во градот Харелбеке. Основната тешкотија на трката е низата кратки искачувања познати како „хелинген“ (hellingen), некои од нив со калдрма; поголемиот дел од нив се во средниот дел на трката, со главно рамен завршен дел.[5]
Клучниот потег на трката бил направен на Ауде Кваремонт од Герајнт Томас (Тим Скај), Здењек Штибар (Етикс-Квик Степ) и Петер Саган. Тројцата возачи заедно возеле околу 30 километри, одржувајќи разлика со главната група. На околу четири километри пред крајот, Томас нападнал и успеал да оствари соло победа. Станал британски возач кој ја освоил трката.[6] Штибар бил зад него и успеал да дојде до второто место, но Саган бил достигнат од главната група. Колегата на Штибар, Матео Трентин, го освоил масовниот спринт за третото место.
Друга главна особеност на трката била низата на падови. Сеп Ванмарке (Лото НЛ-Џамбо) се слизнал на Патерберг, иако поминал без последици единствено со оштетени патики; меѓутоа, поголемиот пад на почетокот на трката предизвикал значајни проблеми на бројни возачи. Најлошо погоден бил Фабијан Канчелара (Трек Фактори Рејсинг), еден од главните фаворити за победа; скршил две ребра, што го ставило надвор од остатокот на сезоната на класиците.
Контроверза на постерот уреди
Околу еден месец пред да се одржи трката, во февруари 2015 година, организаторите на трката издале постер за трката. Овој постер прикажал жена со подигнат фустан и гаќички со видливо лого на трката. Рака на велосипедист со ракавица најверојатно ќе го штипне задникот на девојката. Постерот имал наслов „Кој ги стиска на Харелбеке?“ (Wie knijpt ze in Harelbeke?). Ова се однесувало на Петер Саган, кој направил слична работа на Трката околу Фландрија, кога го допрел задникот на Маја Леје при церемонијата на подиумот по трката.[7][8]
Постерот предизвикал значајна контроверза, особено бидејќи трката во 2011 година имала сличен постер сметан за сексистички. Постерот во 2015 година бил опишан како „понижувачки“ и „женомрзечки“.[8] Постерот бил критикуван од Меѓународниот велосипедистички сојуз (UCI) и од белгиската комисија за рекламна етика. Во март, неколку недели пред трката, постерот бил повлечен и заменет.[7]
Екипи уреди
Бидејќи Е3 Харелбеке е настан од Светската турнеја, сите 17 UCI World Tour екипи биле автоматски поканети и се обврзани да испратат екипа. На седум професионални континентални екипи им биле доделени специјални покани.[9]
Екипи во Светската турнеја биле:
Екипи кои добиле специјални покани биле:
Резултат уреди
|
Наводи уреди
- ↑ „UCI го потврди календарот на Светската турнеја 2015“. Cyclingnews. Посетено на 4 јануари 2015.
- ↑ „Календар 2015 на UCI“. UCI. Посетено на 4 јануари 2015.
- ↑ „Саган победоносен на Е3 Харелбеке“. Cyclingnews.com. 28 март 2015. Посетено на 27 март 2015.
- ↑ Падикомб, Стивен (26 март 2015). „Преглед на Е3 Харелбеке 2015“. Cycling Weekly. Посетено на 27 март 2015.
- ↑ Бенсон, Даниел (26 март 2015). „Преглед на Е3 Харелбеке: Повеќе од загревање за Фландрија“. Cyclingnews. Посетено на 27 март 2015.
- ↑ „Герајнт Томас од Тим Скај станал првиот Британец кој победил на Е3 Харелбеке“. The Guardian. Press Association. 27 март 2015. Посетено на 28 март 2015.
- ↑ 7,0 7,1 Ричардс, Викторија (5 март 2015). „Е3 Харелбеке: Повлечен „сексистичкиот" велосипедски постер“. The Independent. Посетено на 27 март 2015.
- ↑ 8,0 8,1 Кларк, Стјуарт (23 февруари 2015). „Рекламата на Е3 Харелбеке предизвика контроверза“. Cycling Weekly. Посетено на 27 март 2015.
- ↑ „E3 Harelbeke deelt laatste wildcards uit“. Het Nieuwsblad (холандски). 20 февруари 2015. Посетено на 27 март 2015.
Надворешни врски уреди
Е3 Харелбеке 2015 на Ризницата ?- Матична страница
