Македонија на Евровизија
Македонија за првпат учествувала на Евровизија 1998, вкупно 19 пати до сега. Воедно, во 1996 Македонија за првпат зела учество, но не обезбедила учество во финалето. Најдобриот успех на Македонија бил забележан во 2019, на кој Тамара Тодевска го освоила седмото место во целокупен пласман и прво место од гласовите на жирито.
| Македонија | |
|---|---|
|
| |
| Медиумски организатор | Македонска радио-телевизија |
| Национален избор | Скопје Фест |
| Број на учества | {{{Број на учества}}} |
| Прво учество | {{{Прво учество}}} |
| Најдобар пласман | 7. место, 2019 |
| Најлош пласман | 18. место ПФ, 2018; |
Историја
уредиПред да прогласи независност во 1991, како дел од СФРЈ, Социјалистичка Република Македонија учествуваше во југословенската пред-селекција помеѓу федеративните држави, а исто така македонски композитори пишуваа песни за кандидати од другите држави во Југославија. Македонските учесници не победуваа и СР Македонија беше единствена држава што немаше пратено претставник на Југославија на Евровизија. Исклучок е кога Маја Оџаклиевска победи во 1979 на изборот за претставник на Југославија, но таа не учествуваше на Евровизија 1979 поради одлуката на Југославија да не учествува таа година.
Како Поранешна Југословенска Република Македонија, државата го испрати првиот претставник Само ти отпеана од Калиопи на Евровизија 1996. Сепак, не успеа да се квалификува преку пред-квалификациската рунда. Напорите да учествува на натпреварот беа оневозможени и на Евровизија 1997, кога нов систем беше претставен каде државите со најмалку просечни бодови од претходните четири години беа исклучени од учество. Македонија дебитираше на Евровизија 1998 со песната Не зори зоро на Владо Јаневски.
Најдобриот резултат пред 2019 беше во 2006 кога Елена Ристеска ја отпеа Нинанајна во Атина, Грција и го освои 12тото место. Македонија е единствената држава која се квалификуваше во секое полуфинале од 2004 до 2007 (други држави се квалификуваа за секое финале, но поради тоа што беа во топ 10 во претходната година, не мораа да се натпреваруваат во полуфиналето). Иако никогаш немаше завршено во топ 10, рекордот за квалификување за секое финале беше урнат во 2008, кога гласовите на жирито користени во полуфиналето ја одбраа Шведска како финалист, а Тамара Тодевска, Врчак и Адријан Гаџа завршија на 10то место од телефонските гласови. Од тогаш, Македонија само во 2012 успеа да влезе во финалето, кога настапи Калиопи со Црно и бело.
Македонската радио-телевизија што го пренесува фестивалот, го користеше Скопје Фест за да го одбере националниот претставник уште од дебитантското учество, но во 2004, 2005, 2006, 2007 и 2012 националните финалиња беа одржани како посебни фестивали.
Во 2019, државата за првпат учествуваше под новото име Северна Македонија, а МРТ ја одбра Тамара Тодевска со песната Proud со интерна селекција. Песната успеа да се квалификува во второто полуфинале, и го освои седмото место во финалето и прво место од гласовите на интернационалното жири. Ова е првото топ 10 место на Македонија и нејзин најдобар резултат до сега.
За Евровизија 2020 интерно беше одбран Васил Гарванлиев со песната You, но истата беше откажана поради состојбата предизвикана од пандемијата на коронавирусот во Европа и светот. Гарванлиев повторно беше избран за претставник во 2021 година со песната Here I Stand, каде што заврши на 15-то место во првото полуфинале.
По неуспешниот обид за пласман во финалето, МРТ го избра својот претставник преку националниот избор "За Евросонг 2022" каде што Андреа со темата Circles беше прогласена за победник. Во второто полуфинале, Андреа неуспеа да се пласира во финалето, завршувајќи на 11-то место со 76 бода.
Како резултат на лошиот пласман во изминатите години, но и економската криза кој што зема замав низ целиот регион, МРТ одлучи да не учествува во 2023 година и да го повлече своето учество. Ова продолжи и во 2024 година, каде што МРТ повторно не зема учество.
Македонија има дадено најмногу бодови на:
| Држава | Бодови | |
|---|---|---|
| 1 | Турција | 61 |
| 2 | Хрватска | 56 |
| 3 | Албанија | 43 |
| 4 | Босна и Херцеговина | 41 |
| 5 | Романија | 33 |
Македонија има примено најмногу бодови од следниве држави:
| Држава | Бодови | |
|---|---|---|
| 1 | Хрватска | 49 |
| 2 | Словенија | 32 |
| 3 | Босна и Херцеговина | 31 |
| 4 | Србија и Црна Гора | 27 |
| 5 | Романија | 25 |
Наводи
уреди- ↑ 1,0 1,1 Siim, Jarmo (2010-02-20). „Gjoko Taneski takes the FYR Macedonia ticket to Oslo“. European Broadcasting Union. Посетено на 20 февруари 2010.
- ↑ 2,0 2,1 Grillhofer, Florian (2010-02-20). „FYR Macedonia sends Gjoko Taneski to Eurovision“. ESCToday. Посетено на 20 февруари 2010. Не се допушта закосување или задебелување во:
|publisher=(help) - ↑ Career of Macedonian singer Gjoko Taneski, eurovision2010-candidats.blogspot.com
- ↑ A song and a dance about a Russian girl for F.Y.R. Macedonia, www.eurovision.tv
- ↑ „ESC 2012 Scoreboard“. EBU.