Во име на љубовта

Во име на љубовта (англиски: преведено - In the Name of Love, назив на песната: Let me love You) е песна во изведба на Тамара Тодевска, Адријан Гаџа и Врчак со која настапиле на Скопскиот фестивал 2008. Песната победила, освојувајќи ги најголемиот број гласови од “телевоутингот“ и на 7-членото стручно жири. На 22 мај 2008 година, англиската верзија ("Let me love You") ја претставувала Македонија на евровизискиот натпревар во Белград, Србија. Таа била изведена под реден број 18, но не освоила доволно бодови за да продолжи во завршна фаза на натпреварот. Со гласовите од телевоутингот се пласирала на 10 место, но жирито избрало Шведска да учествува во финалето.

Во име на љубовта
Тамара Тодевска на Евровизија 2008
Евровизија 2008
земја	Македонија
изведувач	Тамара Тодевска, Врчак и Адријан Гаџа
јазик	македонски
композитор	Раде Врчаковски, Кире Костов
текст	Раде Врчаковски
пласман
позиција во полуфинале	10
бодови во полуфинале	64
хронологија на учество
◄ Мојот свет (2007)
Нешто што ќе остане (2009) ►

Песната била снимена и на руски јазик (под наслов "Во Имя Любви"), на српски (наслов "Тебе Волим"), турски (наслов "Yoksun") и на албански јазик (под наслов "Dashuri Mistike"). За сите верзии на песната биле изготвени видео спотови.

На натпреварот, триото настапило со кореографска придружба. Кореографијата ја подготвил Адријан Гаџа, со помош од познат германски кореограф.

Текст на песната

македонски Како маѓепсан, буден те сонувам, Ќе полудам сам, а не те ни знам, Како господар сам во ноќта цар, Кон тебе месечарам, Над мене блеснала целата вселена, Јас паѓам на колена во име на љубовта. Сама во себе заробена, Без тебе секоја секунда убива, полека, А јас не знам каде си, Во ѕвездена прегратка градот мој заспива А јас сум некаде сама во ноќта изгубена, Чекам да ме спасиш ти. Знам баш како ти е сам, Во ноќта кога секоја секунда убива полека, Знам баш како ти е сам Во ноќта кога паѓаш на колена, Во име на љубовта. Како маѓепсан, буден те сонувам, Ќе полудам сам, а не те ни знам, Како господар сам во ноќта цар, Кон тебе месечарам Над мене блеснала целата вселена, Јас паѓам на колена во име на љубовта. Како по вода да чекорам, Во мисли тонам кон тебе и будна те сонувам, Но ноќва ќе те пронајдам. Знам баш како ти е сам, Во ноќта кога секоја секунда убива полека, Знам баш како ти е сам, Во ноќта кога паѓаш на колена, Во име на љубовта. (Знам баш како ти е сам) (Во ноќта кога секоја секунда убива полека) Знам баш како ти е сам, Во ноќта кога паѓаш на колена, Во име на љубовта.

Надворешни врски

• • "Во име на љубовта“ изведена на Скопје фест 2008